આ તારીખો નોંધી લેજો! ગુજરાતમાં આવશે આંખ આંજી દેતી ધૂળની ડમરીઓવાળું તોફાન, અહીં પડશે ભારે વરસાદ

વાતાવરણમાં મોટી ઉથલપાથલ થઈ રહી છે. જેની અસર ગુજરાતના વાતાવરણને પણ થઈ રહી છે. અંબાલાલ પટેલની તોફાની આગાહી આવી ગઈ છે. તેમણે આવતીકાલે ગુજરાતમાં ધૂળની ડમરી ઉડવાની આગાહી કરી છે. રાજ્યના ભાગોમાં પણ 25થી 40 કિમી પ્રતિક લાક આંચકાના પવનની ગતિ રહી શકે છે. આ વખતે પવનની ગતિ વધુ રહેવાની શક્યતા રહેશે. ચોમાસા પૂર્વે પણ સખત પવનના તોફાનો રહેવાની શક્યતા છે તેવી આગાહી હવામાન નિષ્ણાતે કરી છે. 

વેસ્ટર્ન ડિસ્ટર્બન્સ ઉત્તર ઈરાન અને પડોશમાં ચક્રવાતી પરિભ્રમણ તરીકે સક્રિય છે, ત્યારે દક્ષિણ પંજાબ પર એર સાયક્લોનિક સર્ક્યુલેશન સ્થિત છે. તેની અસરને કારણે મોટા ભાગના સ્થળોએ ગાજવીજ અને વીજળીના ચમકારા સાથે વરસાદ પડશે અને 50-60 કિમીથી 70 કિમી પ્રતિ કલાકની ઝડપે તોફાની પવન ફૂંકાશે. તેમજ તાપમાનમાં ઘટાડો થતાં લોકોને આકરી ગરમીમાંથી રાહત મળશે.

જમ્મુ અને કાશ્મીર, લદ્દાખ 18 થી 21 એપ્રિલ સુધી વાદળછાયું રહેશે, જ્યારે હિમાચલ પ્રદેશ અને ઉત્તરાખંડમાં 18-20 એપ્રિલના રોજ ભારે પવન સાથે ભારે વરસાદ પડશે. ઉત્તરાખંડમાં પણ 19મી એપ્રિલે કરા પડશે. 18-19 એપ્રિલના રોજ પશ્ચિમ રાજસ્થાનમાં વાવાઝોડા સાથે ધૂળનું તોફાન આવશે અને તેની ઝડપ 30-40 kmph થી 50 kmph હશે. 

અંબાલાલ પટેલે કહ્યું કે, આવતીકાલે ગુજરાતના કેટલાક જિલ્લાઓમાં ધૂળની ડમરી ઉડશે. સૌરાષ્ટ્રના ઘણા ભાગોમાં AQI લગભગ 270 ને પાર જવાની શક્યતા છે. જેમાં મધ્ય ગુજરાતમાં જોવા જઈએ તો આણંદ, કપડવંજ, તારાપુર, પેટલાદ વગેરે ભાગોમાં પણ ધૂળની ડમરી ઉડશે. આ ઉપરાંત ઉત્તર ગુજરાતના રાધનપુર, પાટણના કેટલાક ભાગો વિરમગામના વિસ્તાર, કડી અને બેચરાજી, ચોટીલા, સુરેન્દ્રનગર, હળવદ, ધાંગ્રધ્રા, ધંધુકા લખતર આ બધા ભાગોમાં 20 એપ્રિલના બપોર બાદ ધૂળની ડમરીઓ ઉઠશે.

ઉત્તર પ્રદેશ, હરિયાણા અને પંજાબમાં આગામી બે દિવસ એટલે કે 19-20 એપ્રિલ સુધી તોફાનનું એલર્ટ જારી કરવામાં આવ્યું છે. આ સમયગાળા દરમિયાન 50-60 કિમીથી 70 કિમી પ્રતિ કલાકની ઝડપે તોફાન ફૂંકાશે અને વરસાદ પડશે. દિલ્હી એનસીઆરમાં આગામી 2 દિવસ સુધી ઝરમર વરસાદની શક્યતા છે.

એક એર સાયક્લોનિક સર્ક્યુલેશન મધ્ય ઉત્તર પ્રદેશ પર, બીજું ઉત્તર બાંગ્લાદેશ અને પડોશમાં અને ત્રીજું ઉત્તરપૂર્વ આસામ પર સ્થિત છે, જેની અસર ઘણા રાજ્યોમાં જોવા મળશે. ઉત્તરપૂર્વ અને પૂર્વ ભારતમાં આગામી 5 દિવસ દરમિયાન વાવાઝોડાં, વીજળી અને ભારે પવન સાથે ભારે વરસાદ પડશે. 

તેમણે કહ્યું કે, આ ગરમીમાં આગામી સમયમાં ઘટાડો જોવા મળશે. એપ્રિલમાં ગરમી વધારે હોવી જોઈએ, તેના બદલે ગરમીમાં વધઘટની સંભાવના રહેશે. તારીખ 22 બાદ ગરમી વધવાની શક્યતા રહેશે. તારીખ 26 બાદ પણ રાજ્યમાં ભાગોમાં ગરમી વધશે. આ દિવસોમાં રાજ્યના અમુક ભાગોમાં 45 ડિગ્રીથી ઉપર પારો જઈ શકે છે. 

આ વર્ષે મે મહિનામાં પણ ધૂળિયું વાતાવરણ રહેશે. જ્યાં સુધી કમોસમી વરસાદ ન થાય ધૂળકટ બેસશે નહીં. મે મહિનાની શરૂઆતમાં પણ ધૂળકટ રહેશે. પવનનું જોર ઘણું રહેશે. કચ્છના ભાગોમાં પણ આંચકાના પવનની ગતી 45 કિમી પ્રતિ કલાક સુધીની રહી શકે છે તેવું તેમનું કહેવું છે.   

18-19 એપ્રિલના રોજ દક્ષિણપૂર્વ બિહાર, ઉત્તર ઓડિશા, ઉત્તરપૂર્વ ઝારખંડ, પેટા હિમાલય-ગંગા પશ્ચિમ બંગાળ અને સિક્કિમમાં ભારેથી અતિ ભારે વરસાદની સંભાવના છે. ઓડિશામાં પણ કરા પડશે. અરુણાચલ પ્રદેશમાં 22 થી 24 એપ્રિલ, આસામ-મેઘાલયમાં 19, 22 થી 24 એપ્રિલ, નાગાલેન્ડ, મણિપુર, મિઝોરમ અને ત્રિપુરામાં 18 એપ્રિલે ભારે વરસાદ પડી શકે છે. ઘણા રાજ્યોમાં 40-50 થી 70 કિમી પ્રતિ કલાકની ઝડપે પવન ફૂંકાશે. જ્યારે કેરળમાં વરસાદ અને વાવાઝોડા જોવા મળશે, દક્ષિણ દ્વીપકલ્પ ભારતમાં આગામી 7 દિવસ દરમિયાન વાદળછાયું રહેશે.

આગામી 24 કલાક દરમિયાન ઉત્તરપશ્ચિમ ભારતમાં મહત્તમ તાપમાનમાં કોઈ નોંધપાત્ર ફેરફાર થશે નહીં, ત્યારબાદ આગામી 3 દિવસ દરમિયાન 2-3 ડિગ્રી સેલ્સિયસનો ધીમે ધીમે ઘટાડો થશે. આગામી 5 દિવસ દરમિયાન મધ્ય ભારતમાં મહત્તમ તાપમાનમાં 2-3 ડિગ્રી સેલ્સિયસનો વધારો થવાની શક્યતા છે. બિહાર, ઝારખંડમાં પારો 3-5 ડિગ્રી અને ઓડિશા, પશ્ચિમ બંગાળમાં 2-4 ડિગ્રી સેલ્સિયસ વધશે.

રાજસ્થાનના બિકાનેરમાં ગુરુવારે મહત્તમ તાપમાન 45.5 ડિગ્રી સેલ્સિયસ નોંધાયું હતું, જે દેશમાં સૌથી વધુ છે. રાજસ્થાન, આંતરિક મહારાષ્ટ્ર, પશ્ચિમ મધ્ય પ્રદેશમાં ગઈ કાલે મહત્તમ તાપમાન 42-45 ડિગ્રી સેલ્સિયસની રેન્જમાં નોંધાયું હતું, જ્યારે પૂર્વ મધ્ય પ્રદેશ, હરિયાણા, ચંદીગઢ, દિલ્હી, ગુજરાત, ઉત્તર પ્રદેશ, તેલંગાણા, પંજાબ, છત્તીસગઢ, ઓડિશા, બિહાર, કર્ણાટકમાં મહત્તમ તાપમાન 38-42 ડિગ્રી સેલ્સિયસની રેન્જમાં નોંધાયું હતું.