અહીં કોમ્પિટિટિવ પરીક્ષાની તૈયારી માટે મળી રહ્યા છે 1 લાખ રૂપિયા, જાણો કોણ-કોણ લઈ શકે આ સ્કીમનો લાભ

મહિલાઓ અને છોકરીઓ માટે કેન્દ્ર સરકાર ઘણી યોજનાઓ ચલાવે છે. રાજ્ય સરકારો પણ અલગથી આવી યોજનાઓ ચલાવે છે. આ સરકારી યોજનાઓ દીકરીઓને આગળ વધવા, તેમના સપના પૂરા કરવા અને પુરુષો સાથે ખભા મિલાવીને ચાલવામાં મદદ કરે છે. બિહાર સરકાર પણ આવી જ એક યોજના ચલાવે છે. તેનું નામ નારી શક્તિ યોજના છે. આ યોજના હેઠળ મહિલાઓને 1 લાખ રૂપિયા આપવામાં આવે છે. શરત એ છે કે આ માટે તેમણે સ્પર્ધાત્મક પરીક્ષાઓની તૈયારી કરવી પડશે.

મહિલાઓને સામાજિક, શૈક્ષણિક, આર્થિક અને રાજકીય રીતે સશક્ત બનાવવા માટે બિહાર સરકારે નારી શક્તિ યોજના શરૂ કરી છે. આ યોજનાનો ઉદ્દેશ્ય મહિલાઓને શિક્ષણ, સ્વરોજગાર, તાલીમ અને આત્મનિર્ભરતા તરફ પ્રેરિત કરવાનો છે.

મુખ્યમંત્રી નારી શક્તિ યોજના હેઠળ પરીક્ષાની તૈયારી માટે પણ આર્થિક મદદ આપવામાં આવે છે. UPSC અને BPSCની પ્રી-પરીક્ષા પાસ કરનારી યુવતીઓને મેન્સની તૈયારી માટે સરકાર દ્વારા 1 લાખ રૂપિયા સુધીની સહાય આપવામાં આવી રહી છે. તેવી જ રીતે BPSCની પ્રી-પરીક્ષા પાસ કરનારી યુવતીઓને 50,000 રૂપિયા મળે છે. હાલમાં જ BPSCની પ્રી-પરીક્ષા પાસ કરનારી 2955 મહિલાઓને 14.77 કરોડ રૂપિયા આપવામાં આવ્યા હતા. દરેકના ખાતામાં 50,000 રૂપિયા મોકલવામાં આવ્યા હતા.

આ યોજના હેઠળ ઘણી જોગવાઈઓ છે. નારી શક્તિ યોજના હેઠળ કામ કરતી મહિલાઓ માટે હોસ્ટેલ અને ચાઈલ્ડ કેર સેન્ટરની સુવિધા આપવામાં આવે છે. મહિલા હેલ્પલાઇન, શોર્ટ સ્ટે હોમ, ડિન્ફેસ હોમ અથવા સંકટના સમયે તાત્કાલિક મદદ પણ ઉપલબ્ધ છે. આ સ્કીમમાં માનસિક, કાનૂની અને સામાજિક મદદની વ્યવસ્થા છે. સ્વરોજગાર માટે ટ્રેનિંગ પણ આપવામાં આવશે. તેમજ બિઝનેસ માટે લોન અને સબસિડી પણ આપવામાં આવી રહી છે.

આ સ્કીમ માટે બિહારની તમામ યુવતીઓ અને મહિલાઓ એપ્લાય કરી શકે છે. અરજદાર બિહારનો કાયમી રહેવાસી હોવો જોઈએ. આ યોજનામાં શૈક્ષણિક લાયકાત અને માપદંડ અલગ અલગ હોઈ શકે છે. UPSC યોજના માટે પ્રી-ક્લીયર કરવી જરૂરી છે. UPSC અને BPSC પ્રી-પરીક્ષા પાસ કરનાર બિહારની મહિલા ઉમેદવારોને  UPSC મેન્સની તૈયારી માટે આર્થિક મદદ 1 લાખ રૂપિયા અને BPSC પ્રી-પરીક્ષા પાસ કરવા માટે 50,000 રૂપિયા નાણાકીય સહાય મળે છે.

મુખ્યમંત્રી નારી શક્તિ યોજનામાં એપ્લાય કરવા માટે તમારે આધાર કાર્ડ, રહેણાંકનો પુરાવો, રેશન કાર્ડ, બેન્ક પાસબુકની નકલ, પાસપોર્ટ સાઇઝનો ફોટો, શૈક્ષણિક પ્રમાણપત્રો, મોબાઇલ નંબરની જરૂર પડશે.

બિહારના સમાજ કલ્યાણ વિભાગના સત્તાવાર પોર્ટલ પર જઈને ઓનલાઈન ફોર્મ ભરી શકાય છે. ઓનલાઈન અરજી કરવા માટે અરજદારે પહેલા નોંધણી કરાવવી પડશે. આ માટે નામ, આધાર નંબર, ઈમેલ આઈડી અને મોબાઈલ નંબર જરૂરી રહેશે.