BSNLએ લોન્ચ કર્યો 395 દિવસનો ધમાકાદાર પ્લાન, અનલિમિટેડ કોલિંગ સાથે દરરોજ 2GB ડેટા; Jio-Airtelને થઈ રહ્યું છે ધકધક

સરકારી ટેલિકોમ કંપની BSNL તેના સસ્તા રિચાર્જ પ્લાન માટે જાણીતી છે. જ્યારે ખાનગી ટેલિકોમ કંપનીઓએ રિચાર્જ પ્લાનના ભાવમાં વધારો કર્યો હતો, ત્યારે પણ BSNL એ તેના રિચાર્જના ભાવમાં વધારો કર્યો ન હતો. પોતાની છબીને અકબંધ રાખીને BSNLએ 395 દિવસની વેલિડિટીવાળો પ્લાન રજૂ કર્યો છે. આનો અર્થ એ થયો કે આ પ્લાન સાથે, યુઝર્સને એક વર્ષથી વધુ સમય માટે એટલે કે લગભગ 13 મહિના માટે રિચાર્જ કરવાની જરૂર રહેશે નહીં. ચાલો તમને આ પ્લાનમાં મળતા ફાયદાઓ વિશે જણાવીએ.

BSNLએ તેના 9 કરોડથી વધુ ગ્રાહકો માટે એક શાનદાર અને સસ્તો રિચાર્જ પ્લાન લોન્ચ કર્યો છે. આ નવા પ્લાનની કિંમત 2,399 રૂપિયા છે અને તેની વેલિડિટી સંપૂર્ણ 395 દિવસ માટે છે. આ પ્લાન એવા લોકો માટે શ્રેષ્ઠ છે જેઓ વારંવાર રિચાર્જ કરવાની ઝંઝટથી બચવા માંગે છે અને લાંબી વેલિડિટીવાળો પ્લાન ઇચ્છે છે.

આ પ્લાનમાં યુઝર્સને અનલિમિટેડ કોલિંગની સુવિધા મળે છે. આનો અર્થ એ થયો કે યુઝર્સ દેશભરમાં કોઈપણ નેટવર્ક પર ગમે તેટલા કોલ કરી શકશે. યુઝર્સને દરરોજ 2GB હાઇ-સ્પીડ ડેટા મળશે. જો કે, ડેટા ખતમ થયા પછી સ્પીડ ઘટીને 40kbps થઈ જશે, પરંતુ તમે હજુ પણ ઇન્ટરનેટનો ઉપયોગ કરી શકો છો. આ રીતે યુઝર્સને વેલિડિટીના સમયગાળા દરમિયાન કુલ 790GB ડેટા મળશે. વધુમાં યુઝર્સને કોઈપણ નંબર પર મોકલવા માટે દરરોજ 100 મફત SMS મળશે.  

આ રિચાર્જ પ્લાન સાથે BSNL યુઝર્સને BiTVનું મફત એક્સેસ પણ આપી રહ્યું છે. BiTV દ્વારા યુઝર્સ 350થી વધુ લાઇવ ટીવી ચેનલો જોઈ શકે છે અને કોઈપણ વધારાના ખર્ચ વિના વિવિધ OTT કન્ટેન્ટનો આનંદ માણી શકે છે.

BSNL જૂનમાં ટાટા કન્સલ્ટન્સી સર્વિસીસ (TCS) સાથે મળીને જૂનમાં 5G ટ્રાયલ શરૂ કરવાની ઉમ્મીદ કરી રહ્યું છે. કંપની તેના 4G નેટવર્કને પણ મજબૂત બનાવી રહી છે. તેઓએ અત્યાર સુધીમાં 84,000થી વધુ નવા ટાવર સ્થાપિત કર્યા છે અને ટૂંક સમયમાં 1 લાખ ટાવર સ્થાપિત કરવાનું લક્ષ્ય રાખ્યું છે.

જો તમને ટૂંકાની વેલિડિટીવાળો પ્લાન શોધી રહ્યા છો, તો BSNL ના પોર્ટફોલિયોમાં બીજો રિચાર્જ પ્લાન છે જેની કિંમત 997 રૂપિયા છે. આ પ્લાનની વેલિડિટી 160 દિવસ છે અને તે બધા નેટવર્ક પર અનલિમિટેડ વોઇસ કોલિંગ, દરરોજ 2GB હાઇ-સ્પીડ ડેટા (કુલ 320GB ડેટા) અને દરરોજ 100 મફત SMS મળે છે.