આંતરરાષ્ટ્રીય બજારમાં સોનાના ભાવમાં મામૂલી ઘટાડા વચ્ચે ઘરેલુ વાયદા બજાર અને રિટેલ બજારમાં પણ ઘટાડો નોંધાયો છે. સોનું ગુરુવારે મલ્ટી કોમોડિટી એક્સચેન્જ પર ઘટાડા સાથે જોવા મળ્યું. જો કે વાયદા બજારમાં ચાંદીમાં ચમક ચાલુ છે. MCX પર ચાંદી 260 રૂપિયાથી વધુના વધારા સાથે જોવા મળી હતી. સવારે 10.15 વાગ્યાની આસપાસ સોનું 332 રૂપિયાના કડાકા સાથે 97,456 રૂપિયા પ્રતિ 10 ગ્રામ પર જોવા મળ્યું હતું. જે કાલે 97,788 પર ક્લોઝ થયું હતું. આ દરમિયાન ચાંદી 265 રૂપિયાની તેજી સાથે 1,11,900 રૂપિયા પ્રતિ કિલોગ્રામ પર જોવા મળી. જે કાલે 1,11,635 રૂપિયા પર ક્લોઝ થઈ હતી. રિટેલ બજારના ભાવ પણ જાણો.
)
ઈન્ડિયા બુલિયન જ્વેલર્સ એસોસિએશન (IBJA) મુજબ 24 કેરેટ સોનાનો ભાવ 130 રૂપિયા ઘટીને 97,370 રૂપિયાની સપાટીએ ખુલ્યો. જે કાલે 97,500 રૂપિયા પર ક્લોઝ થયો હતો. જ્યારે રિટેલ બજારમાં ચાંદીમાં સામાન્ય 263 રૂપિયાનો ઘટાડો જોવા મળ્યો અને ભાવ 1,10,937 પ્રતિ કિલોગ્રામ પર ખુલ્યો જે કાલે 1,11,200 પર ક્લોઝ થયો હતો.
)
)
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)
Newsletter
