arat Monsoom: હવામાન વિભાગે આગામી 7 દિવસ રાજ્યમાં વરસાદની આગાહી કરી છે. વિભાગના એક્સપર્ટ રામાશ્રય યાદવે જણાવ્યું કે, આગામી 24 ...
)
ગુજરાત માટે આગામી 24 કલાક ખૂબ જ મહત્વપૂર્ણ રહેવાના છે. હવામાન વિભાગે આગામી 24 કલાક દરમિયાન ગુજરાતના કેટલાક ભાગોમાં વાવાઝોડા સાથે ભારેથી અતિ ભારે વરસાદનું રેડ એલર્ટ જાહેર કર્યું છે. રાજ્યના અન્ય ઘણા ભાગોમાં ભારે વરસાદ માટે ઓરેન્જ એલર્ટ જાહેર કરવામાં આવ્યું છે. ગુજરાતના વિવિધ ભાગોમાં ભારે વરસાદ માટે યલો એલર્ટ પણ જાહેર કરવામાં આવ્યું છે.
)
હવામાન વિભાગે આગામી 24 કલાક દરમિયાન ગુજરાતના બનાસકાંઠા અને સાબરકાંઠા જિલ્લામાં કેટલાક સ્થળોએ ભારેથી અતિ ભારે વરસાદ અને કેટલાક સ્થળોએ મુશળધાર ભારે વરસાદ માટે રેડ એલર્ટ જાહેર કર્યું છે.
)
જ્યારે પાટણ, મહેસાણા, અમદાવાદ, ગાંધીનગર, અરવલ્લી, દાહોદ, મહિસાગર, નર્મદા, સુરત, ડાંગ, તાપી, વલસાડ, દમણ, દાદરા નગર હવેલી, સુરેન્દ્રનગર અને કચ્છમાં છૂટાછવાયા સ્થળોએ ભારેથી અતિ ભારે વરસાદ માટે ઓરેન્જ એલર્ટ જાહેર કરવામાં આવ્યું છે.
)
આ ઉપરાંત ગુજરાતના ખેડા, આણંદ, પંચમહાલ, વડોદરા, છોટા-ઉદેપુર, ભરૂચ, રાજકોટ, જામનગર, અમરેલી, ભાવનગર, મોરબી અને બોટાદ જિલ્લામાં છૂટાછવાયા સ્થળોએ ભારે વરસાદનું યલો એલર્ટ જાહેર કરવામાં આવ્યું છે.
)
તેમજ પાટણ, મહેસાણા, ગાંધીનગર, અરવલ્લી, અમદાવાદ, દાહોદ, મહિસાગર, વડોદરા, સુરત, ડાંગ, નવસારી, વલસાડ, તાપી, દમણ, દાદરા નગર હવેલી, સુરેન્દ્રનગર, પોરબંદર, જુનાગઢ, દ્વારકા, ગીર સોમનાથ, કચ્છ અને દીવમાં જુદા-જુદા સ્થળોએ ભારે પવન સાથે હળવાથી મધ્યમ વરસાદનું યલો એલર્ટ જાહેર કરવામાં આવ્યું છે.
)
હવામાન વિભાગે આવતીકાલે એટલે કે 23 જૂને ગુજરાતના બનાસકાંઠા, સાબરકાંઠા, અરવલ્લી, નવસારી, વલસાડ, દમણ, દાદરા નગર હવેલી અને કચ્છ જિલ્લામાં અલગ અલગ સ્થળોએ ભારેથી અતિ ભારે વરસાદ માટે ઓરેન્જ એલર્ટ જાહેર કર્યું છે. આ ઉપરાંત પાટણ, મહેસાણા, ગાંધીનગર, ખેડા, અમદાવાદ, આણંદ, પંચમહાલ, દાહોદ, મહિસાગર, ડાંગ અને તાપી, સુરેન્દ્રનગર, રાજકોટ, જામનગર અને મોરબી જિલ્લામાં અલગ અલગ સ્થળોએ ભારે વરસાદનું યલો એલર્ટ જાહેર કરવામાં આવ્યું છે.
Newsletter
