Gujarat Rain Forecast: ગુજરાતમાં હાલ વરસાદી માહોલ છવાયો છે. રાજ્યમાં ચોમાસું શરુ થતાંની સાથે જ મેઘ મહેર જોવા મળી રહી છે. ત્યારે હવામાન વિભાગ દ્વારા અતિભારે વરસાદની આગાહી કરવામાં આવી છે. રાજ્યમાં આગામી સાત દિવસ સુધી ભારેથી અતિભારે વરસાદની આગાહી કરી છે. જેમાં દેવભૂમિ દ્વારકા,ભાવનગર અને સુરતમાં વરસાદનું રેડ એલર્ટ જાહેર કરાયું છે. રાજ્યમાં એક સાથે ત્રણ-ત્રણ વરસાદી સિસ્ટમ સક્રિય થતા એક સપ્તાહ સુધી ભારેથી અતિભારે વરસાદ વરસશે. હાલની સ્થિતિને જોતા માછીમારોને આગામી 48 કલાક દરિયો ન ખેડવા માટે અપીલ કરવામાં આવી છે. કારણ કે દરિયો પણ તોફાની બને તેવી શક્યતા છે.
)
ગુજરાતમાં હાલમાં એક સાથે 3 વરસાદી સિસ્ટમ સક્રિય હોવાનાં કારણે આગામી 7 દિવસ મેઘરાજા રાજ્યમાં બઘડાટી બોલાવી શકે છે. આગામી સાત દિવસ ગુજરાત માટે ખુબ જ ભારે છે. છેલ્લા પાંચ વર્ષમાં ચાલુ વર્ષે જૂનમાં સૌથી વધુ વરસાદ વરસ્યો હતો. સામાન્ય રીતે જૂનમાં ગુજરાતમાં 15થી 20 ટકા વરસાદ વરસે છે.
)
આજે રાજ્યના 3 જિલ્લામાં ભારેથી અતિભારે વરસાદનું રેડ એલર્ટ જાહેર કરવામાં આવ્યું છે. જેમાં દેવભૂમિ દ્વારકા,ભાવનગર અને સુરત વરસાદનું રેડ એલર્ટ જાહેર અપાયું છે. જ્યારે કચ્છ, સાબરકાંઠા, અરવલ્લી, પંચમહાલ, દાહોદ, છોટા ઉદેપુર, વડોદરા, નર્મદા, ભરુચ, તાપી, ડાંગ, નવસારી, વલસાડ, દમણ, દાદરા અને નગર હવેલી, જામનગર, પોરબંદર, જૂનાગઢ, ગીર સોમનાથ, અમરેલી અને રાજકોટ ઓરેન્જ એલર્ટ જાહેર કરાયું છે. તેમજ મોરબી, સુરેન્દ્રનગર, બોટાદ, અમદાવાદ, પાટણ, મહેસાણા, ખેડા અને આણંદ વરસાદનું યલો રેલર્ટ અપાયું છે.
)
5 જુલાઈના રોજ સાબરકાંઠા, અરવલ્લી જિલ્લામાં ઓરેન્જ એલર્ટ અને બનાસકાંઠા, મહેસાણા, મહીસાગર, દાહોદ, પંચમહાલ, સુરત, તાપી, ડાંગ, નવસારી, વલસાડ, અમરેલી, ભાવનગર જિલ્લામાં ભારે વરસાદનું યલો એલર્ટ જાહેર કર્યું છે.
)
6 જુલાઈના રોજ સૌરાષ્ટ્ર અને દક્ષિણ ગુજરાતના મોટાભાગના વિસ્તારોમાં ભારેથી અતિભારે વરસાદની આગાહી છે. જેમાં બનાસકાંઠા, સાબરકાંઠા, અરવલ્લી જિલ્લામાં ઓરેન્જ એલર્ટ અને કચ્છ, પાટણ, મહેસાણા, ગાંધીનગર, મોરબી, જામનગર, દેવભૂમિ દ્વારકા, મહીસાગર, દાહોદ, પંચમહાલ, સુરત, તાપી, ડાંગ, નવસારી, વલસાડ જિલ્લામાં યલો એલર્ટ જાહેર કર્યું છે.
)
રાજ્યમાં આગામી 7થી 9 જુલાઈ સુધીમાં ગીર સોમનાથ, અમરેલી, ભાવનગર, સુરત, તાપી, ડાંગ, નવસારી, વલસાડ, નર્મદા, છોટા ઉદેપુર, દાહોદ જિલ્લામાં ભારેથી અતિભારે વરસાદની આગાહી છે.
)
અંબાલાલ પટેલની આગાહી અનુસાર આગામી 24 કલાક રાજ્યમાં વરસાદનું જોર વધશે. જ્યારે ઉત્તર ગુજરાતના શહેરોમાં મેઘરાજા અનરાધાર વરસી શકે છે. પાટણ, સમી, હારીજમાં ભારે વરસાદની શક્યતા છે. જ્યારે ઉત્તર ગુજરાતના કેટલાંક વિસ્તારો જળમગ્ન થાય તે પ્રકારનો ભારેથી અતિભારે વરસાદ વરસી શકે છે. તો આ ઉપરાંત કચ્છ, પંચમહાલ, મધ્ય ગુજરાતમાં પણ ભારે વરસાદની આગાહી વ્યક્ત કરવામાં આવી છે.
)
અંબાલાલ પટેલની આગાહી અનુસાર ગુજરાત માટે 7 જુલાઇથી 12 જુલાઇ સુધી રાજ્યમાં ધોધમાર વરસાદ વરસી શકે છે. એટલું જ નહીં ઉત્તર ગુજરાતના અનેક ભાગો જળમગ્ન થવાની સાથે દક્ષિણ ગુજરાતમાં પણ મેઘરાજા ભૂક્કા કાઢે તેવી શક્યતા છે. જો કે, 18 જુલાઈ બાદ રાજ્યમાં વરસાદનું જોર ઘટવાની શક્યતાઓ છે. અત્રે ઉલ્લેખનીય છે કે, ખેડૂતો પણ ઇચ્છે છે કે, હવે મેઘરાજા ખમૈયા કરે. સતત વરસાદનાં કારણે તેમનો પાક બળી જાય તેવી શક્યતા છે. જેનાં કારણે હવે વરાપ નિકળવી ખુબ જ જરૂરી બની છે.
Newsletter
