આ તારીખો લખી રાખજો! ફરી બની રહ્યું છે વાવાઝોડું; શું ગુજરાતમાં વરસાદની સિસ્ટમ ફરી જશે! અંબાલાલની આગાહી

અંબાલાલ પટેલની આગાહી કહે છે કે ગુજરાતમાં સારો વરસાદ જોવા મળશે. કેટલાક ભાગોમાં ભારે વરસાદ થવાની સંભાવના છે. 23 થી 24 તારીખથી પંચમહાલ, અરવલ્લી સહિત મધ્ય ગુજરાતમાં ભારે વરસાદની આગાહી છે. તો ભરુચ સહિત દક્ષિણ ગુજરાતમાં પણ ભારે વરસાદની આગાહી છે. સૌરાષ્ટ્રના ભાગમાં મધ્યમથી ભારે વરસાદ આવશે. 26 થી 30 તારીખ સુધીમાં નર્મદાનું જળસ્તર વધશે અને બંને કાંઠે વહેશે. સાબરમતી નદીના જળ સ્તરમાં પણ વધારો થશે. જો કે 27 તારીખથી ગુજરાતમાં ભારે પવન વરસાદ સાથે વધશે.

આફ્રિકા તરફથી આવતા પવનો અરબી સમુદ્રમાં આવી દોઢ કિલોમીટર ઊંચાઈના પવનો વાવાઝોડા તરફ જઈ રહ્યા છે. જેના કારણે અરબી સમુદ્ર કે બંગાળના ઉપસાગરમાં ભેજ આવી શકતો નથી. 23થી 24 તારીખ સુધીમાં અરવલ્લી, પંચમહાલ અને મધ્ય ગુજરાતમં ભારે વરસાદ વરસી શકે છે, તો  દક્ષિણ ગુજરાત અને સૌરાષ્ટ્રમાં પણ મેઘરાજા ધમાકેદાર બેટિંગ કરશે તેવી અંબાલાલ પટેલે આગાહી આપી. તો 26થી 30 સુધીમાં નર્મદા નદીમાં જળસ્તર વધશે અને નદી બે કાંઠે વહેતી થશે. તો 27 તારીખથી ભારે પવન સાથે વરસાદ વરસવાની શક્યતા વ્યક્ત કરી છે. 

તે ગુજરાત તરફ ગતિ કરે તેવી સંભાવના છે. તેની અસર 23 તારીખથી ગુજરાતને થાય તેવું અનુમાન છે. 22-23 તારીખથી સામાન્ય વરસાદમાં વધારો થતો જશે. 25 થી 31 જુલાઈના સેશન દરમિયાન આ સિસ્ટમ્સ ગુજરાત પરથી પસાર થાય અને તે ગુજરાત સુધી પહોંચી વેલમાર્ક લો પ્રેશર અથવા ડિપ્રેશન બની શકે છે. 25 થી 31 તારીખમાં રાજ્યમાં ભારેથી અતિભારે વરસાદ પડે તેવી પણ શક્યતાઓ છે.

હવામાન નિષ્ણાત પરેશ ગોસ્વામીએ પોતાની આગાહીમાં જણાવ્યુ છે કે, 22 થી 31 જુલાઈમાં વરસાદનો એક મોટો અને લાંબો રાઉન્ડ આવી રહ્યો છે. જેને કારણે સારો વરસાદ પડે તેવી અપેક્ષા છે. જુલાઈ મહિનાના છેલ્લા અઠવાડિયામાં બંગાળની ખાડીમાં એક સિસ્ટમ બનશે અને તે ગુજરાત પરથી પસાર થાય તેવી પૂરેપૂરી શક્યતા દેખાઈ રહી છે. 22 તારીખથી બંગાળની ખાડીમાં એક સિસ્ટમ્સ સક્રિય થશે અને તે પશ્ચિમ દિશા તરફ ગતિ કરશે. 

હવામાન વિભાગના જણાવ્યા પ્રમાણે, પશ્ચિમ રાજસ્થાન અને તેની બાજુમાં પાકિસ્તાન પર વેલ માકર્ડ લો પ્રેશર યથાવત છે. તેની સાથે સંકળાયેલું ચક્રવાતી પરિભ્રમણ મધ્યમ ઉષ્ણકટિબંધીય સ્તર સુધી વિસ્તર્યું છે, જેને દક્ષિણ તરફ ઝુકાવ્યું છે. તે લગભગ પશ્ચિમ તરફ આગળ વધવાનું ચાલુ રાખી શકે છે અને ધીમે ધીમે લો પ્રેશરમાં ફેરવાય છે. 

સરેરાશ દરિયાઈ સપાટી પર મોન્સૂન ટ્રફ પશ્ચિમ રાજસ્થાન અને તેની બાજુમાં પાકિસ્તાન, ચુરુ, આયાનગર (દિલ્હી), શાહજહાંપુર, લખનૌ, પટના, બાંકુરા, દિધા અને ત્યાંથી પૂર્વ તરફ ઉત્તરપૂર્વ બંગાળની ખાડી તરફ વેલ માકર્ડ લો પ્રેશર ક્ષેત્રના કેન્દ્રમાંથી પસાર થશે. જ્યારે હવામાન વિભાગે જાહેર કરેલા મેપ પ્રમાણે, ૨૬મી તારીખ સુધી રાજ્યના મોટાભાગના વિસ્તારોમાં ગાજવીજ સાથે હળવાથી મધ્યમ વરસાદની આગાહી આપવામાં આવી છે.