Mutual Fund Schemes: HDFC ફ્લેક્સી કેપ ફંડે તેની શરૂઆતથી અત્યાર સુધીમાં લગભગ 31 વર્ષમાં 10,000 રૂપિયાની SIPએ 21.50 કરોડ રૂપિયાનું શાનદાર ફંડમાં બનાવી દીધું છે.
)
ભારતીય શેરબજારમાં છેલ્લા કેટલાક દિવસોથી સતત ઘટાડો જોવા મળી રહ્યો છે. અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ભારત પર લાદવામાં આવેલા ભારે-ભરકમ ટેરિફથી આ ઘટાડો વધુ ભયાનક બની ગયો છે. સ્થાનિક શેરબજારના બન્ને મુખ્ય સૂચકાંકો છેલ્લા કેટલાક દિવસોથી સંઘર્ષ કરી રહ્યા છે. સેન્સેક્સ 81,000ના સ્તરથી નીચે આવી ગયો છે, જ્યારે નિફ્ટી 24,500 ની આસપાસ ઘટી ગયો છે.
)
શેરબજારમાં આ સતત ઘટાડાને કારણે મ્યુચ્યુઅલ ફંડ પોર્ટફોલિયો પણ પ્રભાવિત થઈ રહ્યો છે. આ દરમિયાન આજે અમે તમને એક એવી મ્યુચ્યુઅલ ફંડ સ્કીમ વિશે જણાવવા જઈ રહ્યા છીએ, જેણે રોકાણકારોના નાના રોકાણને એક વિશાળ ફંડમાં ફેરવી દીધું છે.
)
HDFC ફ્લેક્સી કેપ ફંડ બીજા ક્રમનું સૌથી મોટું ફ્લેક્સી કેપ ફંડ છે. આ ફંડની શરૂઆત જાન્યુઆરી 1995માં થઈ હતી. HDFC ફ્લેક્સી કેપ ફંડે તેની શરૂઆતથી 31 વર્ષમાં 10,000 રૂપિયાની SIPએ 21.50 કરોડ રૂપિયાના વિશાળ ફંડ બનાવી દીધું છે.
)
આ ફંડમાં જો કોઈ રોકાણકારે 10 વર્ષ પહેલા 10,000 રૂપિયાની SIP શરૂ કરી હોત, તો હવે તેનું રોકાણ 18.78% ના XIRR સાથે 31.84 લાખ રૂપિયા થઈ ગયું હોત. તેવી જ રીતે જો 5 વર્ષ પહેલા તેમાં 10,000 રૂપિયાની SIP શરૂ કરવામાં આવી હોત, તો હવે તે રોકાણ 22.91% ના XIRR સાથે 10.42 લાખ રૂપિયા થઈ ગયું હોત.
)
HDFC ફ્લેક્સી કેપ ફંડને વેલ્યુ રિસર્ચ અને મોર્નિંગસ્ટાર બન્ને તરફથી 5 સ્ટાર રેટિંગ મળ્યું છે. જો કોઈ રોકાણકારે લોન્ચ સમયે આ ફંડમાં 1 લાખ રૂપિયાનું રોકાણ કર્યું હોત, તો તેના રૂપિયા હવે 18.83%ના CAGR સાથે 1.96 કરોડ રૂપિયા થયા હોત.
)
તેવી જ રીતે 10 વર્ષ પહેલા આ ફંડમાં 1 લાખ રૂપિયાનું એક સાથે રોકાણ 14.90% ના CAGR સાથે 4.01 લાખ રૂપિયા થયા હોત. 5 વર્ષ પહેલા 1 લાખ રૂપિયાનું એક સાથે રોકાણ 28.44% ના CAGR સાથે 3.49 લાખ રૂપિયા થયું હોત અને 3 વર્ષ પહેલા 1 લાખ રૂપિયાનું એક સાથે રોકાણ હવે 22.83%ના CAGR સાથે 1.85 લાખ રૂપિયા થયું હોત.
Disclaimer: આ સમાચાર ફક્ત જાણકારીના ઉદ્દેશ્યથી લખવામાં આવ્યા છે. કોઈપણ પ્રકારના રોકાણ કરતા પહેલા અથવા નાણાકીય જોખમ લેતા પહેલા, કૃપા કરીને તમારા નાણાકીય સલાહકારની સલાહ લો. Z 24 કલાક તેની પુષ્ટિ કરતું નથી.
Newsletter
