100 કિ.મીની ઝડપે ફૂંકાયો પવન! ગુજરાત સહિત આ વિસ્તારોમાં મુશળધાર વરસાદ, શું છે આગાહી?

ગુજરાતમાં ચોમાસાની એન્ટ્રી વિશે અંબાલાલ પટેલની આગાહી પણ આવી ગઈ છે. અંબાલાલની ચોમાસાની આગાહી આવી છે. કેટલાક ભાગોમાં ભારે વરસાદની આગાહી છે. અંબાલાલ પટેલે જણાવ્યું કે, કેટલાક સાયક્લોનિક સર્કલયુશેનના કારણે 18 જુન થી 24 જુને ઉત્તર ગુજરાતમાં ભારે વરસાદની આગાહી છે. મધ્ય ગુજરાતમાં પણ ભારે વરસાદની આગાહી છે. વડોદરા, પંચમહાલ અને આણંદની આગાહી છે. દક્ષિણ ગુજરાતમાં સુરત, નવસારી, વલસાડ અને ભરૂચમાં ભારે વરસાદની આગાહી છે.  

હવામાન વિભાગે ગુજરાતમાં વરસાદના આગમન સાથે ભારે વરસાદની આગાહી કરી છે. 15થી 18 જૂન સુધી વરસાદી એક્ટિવિટી વધશે. 15 અને 16 જૂને ભારે પવન ફૂંકાવાનું એલર્ટ છે. 16 અને 17 જૂને ભારે પવન સાથે વરસાદ આવશે. માછીમારોને હાલ દરિયો ન ખેડવા સૂચના અપાઈ છે. ગુજરાતના 104 તાલુકામાં વિધિવત ચોમાસું બેઠું છે. હવામાન વિભાગે 18 જૂન સુધી રાજ્યમાં ભારે વરસાદની આગાહી છે. ચોમાસું 25 જૂન સુધી દેશના મોટાભાગના વિસ્તારોને આવરી લેશે. મધ્ય ભારતના કેટલાક બાકીના ભાગો ઉપરાંત પૂર્વમાં ચોમાસાનો 18 જૂન સુધીમાં સત્તાવાર પ્રારંભ થઈ શકે છે. 

દિલ્હી-એનસીઆરમાં ચોમાસાનું આગમન થઈ ગયું છે. આજે રવિવારે સવારે દિલ્હી અને તેની આસપાસના નોઈડામાં તોફાન આવ્યું હતું. 80 થી 100 કિલોમીટર પ્રતિ કલાકની ઝડપે પવન ફૂંકાયો હતો. દિલ્હીના ઘણા વિસ્તારોમાં ગાજવીજ અને વીજળી સાથે વરસાદ પડ્યો હતો. કેટલીક જગ્યાએ હળવો વરસાદ પડ્યો હતો તો કેટલીક જગ્યાએ મુશળધાર વરસાદ પડ્યો હતો, જેના કારણે હવામાનમાં ઠંડક આવી હતી અને લોકોને ગરમીથી રાહત મળી હતી.

ભારતીય હવામાન વિભાગ (IMD) એ દિલ્હી-NCR ના લોકો માટે એક એડવાઈઝરી જાહેર કરી છે. સલાહકારમાં લોકોને ઘરની અંદર રહેવાની અને જરૂરી ન હોય ત્યાં સુધી મુસાફરી કરવાનું ટાળવાની સલાહ આપવામાં આવી છે, કારણ કે હવામાન વિભાગે આગામી 4 દિવસ સુધી દિલ્હી-NCR માં હવામાન ખરાબ રહેવાની ચેતવણી આપી છે. ઠંડા પવનો સાથે હળવો થી મધ્યમ વરસાદ પડી શકે છે. સૌરાષ્ટ્રના કેટલાકમાં ભાગોમાં વરસાદની આગાહી છે. મધ્યપ્રદેશના બોર્ડર જિલ્લામાં ભારે વરસાદની આગાહી છે. 22 તારીખથી બંગાળમાં સિસ્ટમમાં સક્રિય થતા ગુજરાતમા 24 થી 30 ગુજરાતમા વરસાદની આગાહી છે.

તમને જણાવી દઈએ કે દિલ્હી-એનસીઆરમાં આજે અચાનક હવામાનમાં આવેલા ફેરફારથી લોકોને ગરમીથી રાહત મળી, તો સાથે થોડી મુશ્કેલી પણ પડી. કારણ કે તોફાની પવનોને કારણે ઘણા વૃક્ષો મૂળમાંથી ઉખડીને રસ્તાઓ પર પડી ગયા, જેના કારણે વાહનવ્યવહારમાં અવરોધ ઉભો થયો.

મુશળધાર વરસાદને કારણે દિલ્હીના ઘણા નીચાણવાળા વિસ્તારોમાં પાણી ભરાઈ ગયા, જેના કારણે ટ્રાફિક જામ થઈ ગયો. સફદરજંગમાં 33.5 મીમી, લોધી રોડ પર 32 મીમી અને પુસામાં 27.5 મીમી વરસાદ પડ્યો. સફદરજંગમાં 104 કિમી પ્રતિ કલાક, પાલમમાં 56 કિમી, પ્રગતિ મેદાનમાં 67 કિમી અને ઇગ્નુમાં 63 કિમી પ્રતિ કલાકની ઝડપે પવન ફૂંકાયો.