Patan Accident New : પાટણના ઠાકોર પરિવાર માટે દિવાળીનો દિવસ ગોઝારો બન્યો છે. ચાણસ્મા તાલુકામાં રામગઢ ગામ નજીક છોટા હથી અને ગાડી વચ્ચે અકસ્માત સર્જાયો હતો. માર્ગ અકસ્માતની ઘટનામાં એક જ પરિવારનાં ચાર સભ્યોના કમકમાટીભર્યા મોત નિપજ્યા છે. પરિવાર દિવાળીની ખરીદી માટે નીકળ્યો હતો અને તેમને કાળ ભરખી ગયો.
)
પ્રાપ્ત માહિતી અનુસાર, પાટણ ચાણસ્મા હાઈવે પર રામગઢ પાસે અલ્ટો ગાડી નંબર GJ08 BF 2949 તથા મારુતિ સુઝુકી ગાડી નંબર GJ01KT 3680 વચ્ચે જોરદાર ટક્કર થઈ હતી. આ અકસ્માતમાં બંને ગાડીઓનો ખુરદો બોલાઈ ગયો હતો. આ અકસ્માતમાં એક જ પરિવારના પતિ-પત્ની તેમજ બે બાળકોના મોત નિપજ્યા છે.
)
ભયંકર અકસ્માત થયો કે સ્થળ પર હાજર લોકોના મન પણ હચમચી ઉઠ્યા હતા. મરણચીસોથી સમગ્ર હાઈવે ગુંજી ઉઠ્યો હતો. ઠાકોર પરિવાર અલ્ટો કારમાં સવાર થઈને જઈ રહ્યો હતો. તે સમયે તેમને આ અકસ્માત નડ્યો. આ અકસ્માત એટલો ભયંકર હતો કે જેમાં પતિ, પત્ની અને બંને બાળકોના કરુણ મોત નિપજ્યા છે.
)
આ અકસ્માતમાં શંભુજી જામાજી ઠાકોર ઉંમર 35 વર્ષ), આશાબેન શંભુજી ઠાકોર (ઉંમર 32 વર્ષ), પ્રિયાબેન શંભુજી ઠાકોર (ઉંમર 10 વર્ષ) તથા વિહન શંભુજી ઠાકોર (ઉંમર 5 વર્ષ) ના કમકમાટીભર્યા મોત નિપજ્યા છે.
)
આ અકસ્માતમાં બે લોકો ગંભીર રીતે ઈજાગ્રસ્ત થયા છે, જેમને સારવાર માટે હોસ્પિટલમાં દાખલ કરાયા છે.
Newsletter
