ઇંગ્લેન્ડ સામેની પ્રથમ ટેસ્ટ મેચના પહેલા દિવસે શાનદાર સદી ફટકારનાર કેપ્ટન શુભમન ગિલ મોટી મુશ્કેલીમાં મુકાયો છે. ICCનો આ નિયમ તોડવા બદલ ...
)
IND vs ENG : ભારત અને ઈંગ્લેન્ડ વચ્ચે 5 મેચની ટેસ્ટ શ્રેણીની પહેલી મેચ 20 જૂનથી લીડ્સમાં શરૂ થઈ છે. પહેલા દિવસે ભારતીય બેટ્સમેનોએ શાનદાર પ્રદર્શન કર્યું. કેપ્ટન શુભમન ગિલ અને યશસ્વી જયસ્વાલે પહેલા જ દિવસે સદી ફટકારી હતી.
)
યશસ્વી 101 રન બનાવીને આઉટ થયો હતો, જ્યારે શુભમન ગિલ 127 રન બનાવીને અણનમ છે. હવે શુભમન ગિલનું ટેન્શન પહેલા દિવસથી જ વધી રહ્યું હોય તેવું લાગે છે, કારણ કે લીડ્સ ટેસ્ટના પહેલા દિવસે ગિલે ICC નિયમનું ઉલ્લંઘન કર્યું હતું. જેના માટે તેને સજા મળી શકે છે.
)
શુભમન ગિલ લીડ્સ ટેસ્ટના પહેલા દિવસે કાળા મોજા પહેરીને રમતા જોવા મળ્યો હતો, જ્યારે ટેસ્ટ ક્રિકેટમાં કાળા નહીં પણ સફેદ મોજા પહેરવાનો નિયમ છે. મેરીલેબોન ક્રિકેટ ક્લબે આ નિયમ બનાવ્યો હતો જેને ICC દ્વારા ટેસ્ટ ક્રિકેટમાં લાગુ કરવામાં આવ્યો હતો.
)
હવે શુભમન ગિલને ICC ડ્રેસ કોડના નિયમોનું ઉલ્લંઘન કરવા બદલ દંડ થઈ શકે છે. શુભમન ગિલના કાળા મોજાં પહેરેલી તસવીર પણ સોશિયલ મીડિયા પર વાયરલ થઈ રહી છે. જોકે, આ બાબતે ICC તરફથી હજુ સુધી કોઈ નિવેદન આવ્યું નથી.
)
શુભમન ગિલ ટેસ્ટ ટીમનો કેપ્ટન બન્યા પછી પોતાની પહેલી ટેસ્ટ મેચ રમી રહ્યો છે. ગિલે કેપ્ટન તરીકે ડેબ્યૂ કરતી વખતે પહેલી જ મેચમાં શાનદાર સદી ફટકારી હતી. આ સાથે ગિલ હવે વિરાટ કોહલી પછી ટેસ્ટ ક્રિકેટમાં કેપ્ટન તરીકે ડેબ્યૂ કરતી વખતે સદી ફટકારનાર ચોથો ભારતીય ખેલાડી બની ગયો છે.
Newsletter
