Riyan Parag : IPL 2025ની પ્રથમ ત્રણ મેચો માટે રાજસ્થાન રોયલ્સની કમાન રિયાન પરાગના હાથમાં છે. ત્યારે રવિવારે CSKને હરાવીને ટીમે આ સિઝનમાં પ્રથમ જીત નોંધાવી છે. જો કે, આ જીત બાદ BCCI દ્વારા રિયાન પરાગને એક સજા આપવામાં આવી છે.
)
રાજસ્થાન રોયલ્સ ટીમે રવિવારે ચેન્નાઈ સુપર કિંગ્સને હરાવીને 2025 સીઝનની પ્રથમ જીત નોંધાવી હતી. રિયાન પરાગની કેપ્ટન્સીમાં ટીમે પ્રથમ વખત જીત મેળવી હતી. આ જીત બાદ રિયાન પરાગને મોટું નુકસાન થયું છે.
)
રિયાન પરાગ IPLની પ્રથમ ત્રણ મેચોમાં રાજસ્થાન રોયલ્સનો કેપ્ટન હતો કારણ કે નિયમિત કેપ્ટન સંજુ સેમસનને આંગળીની સર્જરી પછી BCCI દ્વારા વિકેટકીપિંગ કરવાની મનાઈ કરવામાં આવી હતી. તેથી તે આ મેચોમાં માત્ર બેટ્સમેન તરીકે રમ્યો હતો.
)
મુંબઈમાં ઈંગ્લેન્ડ સામેની ટી20 મેચ દરમિયાન સેમસંગની આંગળીમાં ફ્રેક્ચર થયું હતું, જે બાદ તેને નાની સર્જરી કરાવવી પડી હતી. તેને બેટિંગ કરવાની મંજૂરી આપવામાં આવી હતી.
)
કેપ્ટન તરીકે પ્રથમ જીત બાદ રિયાન પરાગને IPL દ્વારા સજા આપવામાં આવી છે. રિયાન પરાગની ટીમ રાજસ્થાન રોયલ્સે પોતાની ઓવરો સમયસર પૂરી કરી ન હતી. આ કારણે હવે તેને IPL દ્વારા દંડ ફટકારવામાં આવ્યો છે.
)
IPLએ તેના સત્તાવાર નિવેદનમાં જણાવ્યું હતું કે, આઇપીએલ આચાર સંહિતાની કલમ 2.22 હેઠળ આ તેની ટીમનો સીઝનનો પ્રથમ ગુનો હતો, જે ન્યૂનતમ ઓવર-રેટના અપરાધો સાથે સંબંધિત છે, તેથી પરાગને રૂપિયા 12 લાખનો દંડ ફટકારવામાં આવ્યો હતો.
Newsletter
