પૈસા તૈયાર રાખજો ! IPO લઈને આવી રહી છે મુકેશ અંબાણીની આ કંપની, નફો કમાવવા રણનીતિમાં કર્યો બદલાવ

Upcoming IPO: મુકેશ અંબાણીની આ કંપનીના IPOની ચર્ચા છેલ્લા એક વર્ષથી ચાલી રહી છે, ત્યારે હવે રિલાયન્સ પણ કહ્યું છે કે તે તેની આ કંપનીને લિસ્ટ કરશે. જોકે, રિલાયન્સ ઇન્ડસ્ટ્રીઝ લિમિટેડ દ્વારા હજુ સુધી IPO અંગે કોઈ સમયમર્યાદા જાહેર કરવામાં આવી નથી. કંપનીએ નફા માટે તેની વ્યૂહરચના બદલી છે.  

ખાનગી પોર્ટલના અહેવાલ મુજબ, રિલાયન્સ રિટેલે(Reliance Retail) તમામ નવા સ્ટોર્સને નફો કમાવવા માટે 6 થી 12 મહિનાનો સમય આપ્યો છે. જો આ સમયગાળા દરમિયાન રિલાયન્સ રિટેલ સ્ટોર્સ નફો કરી શકશે નહીં, તો તેમને બંધ કરી દેવામાં આવશે. અગાઉ, રિલાયન્સ રિટેલ(Reliance Retail)ના નવા સ્ટોર્સને નફો કમાવવા માટે 2 વર્ષનો સમય આપવામાં આવ્યો હતો. કંપનીની બદલાયેલી વ્યૂહરચના પાછળનું કારણ પણ IPO છે.  

જાન્યુઆરીથી માર્ચ 2025 ના ક્વાર્ટર દરમિયાન રિલાયન્સ રિટેલ(Reliance Retail)નો ચોખ્ખો નફો 3545 કરોડ રૂપિયા રહ્યો હતો. વાર્ષિક ધોરણે કંપનીના ચોખ્ખા નફામાં 29.10 ટકાનો વધારો થયો છે. તે જ સમયે, ચોથા ક્વાર્ટરમાં કંપનીની આવક 88,620 કરોડ રૂપિયા રહી. જે વાર્ષિક ધોરણે 15.65 ટકા વધ્યો છે.   

નાણાકીય વર્ષ 2025 દરમિયાન, રિલાયન્સ રિટેલ(Reliance Retail)નો નફો 11.33 ટકા વધીને રૂ. 12,388 કરોડ થયો. આ સમયગાળા દરમિયાન, કંપનીની આવક 3,30,870 કરોડ રૂપિયા રહી. નાણાકીય વર્ષ 2024 ની સરખામણીમાં ગયા નાણાકીય વર્ષમાં રિલાયન્સ રિટેલ(Reliance Retail)ની આવકમાં 7.85 ટકાનો વધારો થયો છે.  

જાન્યુઆરીથી માર્ચ દરમિયાન, રિલાયન્સ રિટેલની કુલ આવક 76,627 કરોડ રૂપિયા હતી અને કર ચૂકવણી પછીનો નફો 2746 કરોડ રૂપિયા હતો.

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)