LIC Jeevan Shiromani Plan: જીવન વીમા નિગમ (LIC)માં અનેક પ્રકારની સ્કીમ ચલાવવામાં આવે છે. તેમાંથી એક સ્કીમ છે જીવન શિરોમણી. આ સ્કીમની ખાસિયત એ છે કે તેમાં ફક્ત 4 વર્ષ માટે પ્રીમિયમ ચૂકવવાની જરૂર પડે છે. ત્યારબાદ તમે સરળતાથી ઓછામાં ઓછા 1 કરોડની નક્કર વ્યવસ્થા કરી શકો છો. કારણ કે આ સ્કીમ 1 કરોડ રૂપિયાની વીમા રકમની ગેરંટી આપે છે. જ્યારે મહત્તમ વીમા રકમની કોઈ મર્યાદા નથી. LICની જીવન શિરોમણી પોલિસી સાથે સંબંધિત ખાસ બાબતો અહીં જાણો.
)
જીવન શિરોમણી પોલિસી એક નોન-લિંક્ડ, વ્યક્તિગત, જીવન વીમા બચત યોજના છે. આ સ્કીમ એવા લોકો માટે બનાવવામાં આવી છે જેમની આવક સારી છે અને તેઓ તેમના રોકાણ અંગે સુરક્ષા ઇચ્છે છે.
)
જો તમે 1 કરોડ રૂપિયાની વીમા રકમવાળી પોલિસી ખરીદો છો, તો ઓછામાં ઓછી પ્રીમિયમ રકમ 94,000 રૂપિયા પ્રતિ મહિને છે, જે 4 વર્ષ માટે ચૂકવવી પડશે. તમે આ પ્રીમિયમ દર મહિને, દર ત્રણ મહિને, દર છ મહિને અથવા વાર્ષિક ધોરણે ચૂકવી શકો છો. મહત્તમ પ્રીમિયમની કોઈ મર્યાદા નથી.
)
આ સ્કીમનો લાભ લેવા માટે પોલિસી ધારકની ઉંમર ઓછામાં ઓછી 18 વર્ષની હોવી જોઈએ. મહત્તમ ઉંમર વિશે વાત કરીએ તો 14 વર્ષ સુધીની પોલિસી મુદત માટે મહત્તમ ઉંમર 55 વર્ષ, 16 વર્ષની મુદત માટે મહત્તમ ઉંમર 51 વર્ષ, 18 વર્ષની પોલિસી માટે મહત્તમ ઉંમર 48 વર્ષ અને 20 વર્ષની પોલિસી માટે મહત્તમ ઉંમર 45 વર્ષ છે.
)
જીવન શિરોમણી એક મની બેક પ્લાન છે, જેમાં તમને સમયાંતરે રૂપિયા મળતા રહે છે. જો તમે 14 વર્ષનો પ્લાન ખરીદો છો તો તમને 10મા અને 12મા વર્ષમાં મૂળભૂત વીમા રકમના 30% મળે છે. જો તમે 16 વર્ષની પોલિસી ખરીદો છો તો તમને 12મા અને 14મા વર્ષમાં મૂળભૂત વીમા રકમના 35% મળે છે. જો તમે 18 વર્ષની મુદતવાળી પોલિસી ખરીદો છો તો તમને 14મા અને 16મા વર્ષમાં મૂળભૂત વીમા રકમના 40% મળે છે અને જો તમે 20 વર્ષની મુદતવાળી પોલિસી ખરીદો છો તો તમને 16મા અને 18મા વર્ષમાં મૂળભૂત વીમા રકમના 45% મળે છે. પરિપક્વતા પર બાકીની રકમ એક સાથે ચૂકવવામાં આવે છે.
)
આ પોલિસીના એક વર્ષ પછી અને એક વર્ષ માટે સંપૂર્ણ પ્રીમિયમ ચૂકવ્યા પછી ચોક્કસ શરતો સાથે લોન સુવિધા પણ આપવામાં આવે છે. આ સાથે જ ડેથ બેનિફિટ્સ પણ આપવામાં આવે છે. કસ્ટમર પોલિસીના સરેન્ડર મૂલ્યના આધારે લોન લઈ શકે છે. પોલિસી લોન સમયાંતરે નક્કી કરાયેલા વ્યાજ દરે ઉપલબ્ધ રહેશે.
)
જો પોલિસીધારકને ગંભીર બીમારી હોવાનું નિદાન થાય છે, તો તેને વીમા રકમના 10% રકમ એક સાથે ચૂકવવામાં આવે છે. આ ઉપરાંત ડેથ બેનિફિટ્સ પણ પોલિસીમાં શામેલ છે. વધુ માહિતી માટે, તમે https://licindia.in/ ની મુલાકાત લઈ શકો છો.
Newsletter
