પૈસા કમાવવા એ ખૂબ જ મુશ્કેલ કામ છે, દરેક વ્યક્તિ આ વાત જાણે છે. ઘણા લોકો આજીવન પૈસા કમાય છે, પરંતુ અંતે તેમના હાથમાં બહુ ઓછા અથવા નજીવા પૈસા બચતા હોય છે. જો તમને પણ લાગે છે કે તમે પણ આવા લોકોની શ્રેણીમાં આવો છો, તો તમારે પાવર ઓફ કમ્પાઉન્ડિંગને સમજવું જોઈએ. આ હેઠળ, જો તમે દરરોજ થોડું રોકાણ કરો છો, તો તમે લાંબા ગાળે 1 કરોડ રૂપિયાથી વધુ સરળતાથી એકઠા કરી શકો છો. તે અશક્ય લાગે છે, પરંતુ પાવર ઓફ કમ્પાઉન્ડિંગની મદદથી તે શક્ય છે. ચાલો જાણીએ અમીર બનવાની ફોર્મ્યુલા, જેને અજમાવીને લોકો બીજાને અમીર બનવાનું રહસ્ય જણાવવા નથી માંગતા.
)
મોટા ભાગના મિડલ ક્લાસ નોકરી કરતા લોકો દરરોજ ચા-કોફી પીવા કે સિગારેટ-ગુટખા ખાવામાં આશરે 100 રૂપિયા બરબાદ કરી દેતા હોય છે. જો તમે દરરોજ 100 રૂપિયા બચાવી તેનું રોકાણ શરૂ કરો તો લાંબાગાળે 1 કરોડ રૂપિયાથી વધુનું ફંડ ભેગું કરી શકે છે.
)
ધારો કે તમે દરરોજ 100 રૂપિયા બચાવો છો. આ રીતે તમે એક મહિનામાં લગભગ 3000 રૂપિયાની બચત કરશો. જો તમે દર મહિને આ પૈસાને NPS અને મ્યુચ્યુઅલ ફંડ જેવી યોજનાઓમાં રોકાણ કરતા રહો છો, તો તમારા પૈસા એક દિવસમાં 1 કરોડ રૂપિયાથી વધુ થઈ શકે છે. જો કે, અહીં તમારી ઉંમર અને રોકાણનો સમયગાળો ઘણો મહત્વનો છે.
)
ચાલો માની લઈએ કે 25 વર્ષની ઉંમર સુધીમાં તમે નોકરી મેળવી લો અને આ રોકાણ શરૂ કરો. આ રીતે તમે નિવૃત્ત થવા સુધી એટલે કે 60 વર્ષની ઉંમર સુધી રોકાણ કરશો. 35 વર્ષના આ રોકાણમાં ધીમે ધીમે તમારા રોજના 100 રૂપિયા 1.15 કરોડ રૂપિયા થઈ જશે.
)
દર મહિને 3000 રૂપિયાનું રોકાણ કરવાનો મતલબ છે કે તમે 35 વર્ષમાં આશરે 12.60 લાખ રૂપિયા જમા કરશો. આ સમયગાળામાં તમને 10 ટકાના દરે 1.02 કરોડ રૂપિયાનું માત્ર વ્યાજ મળશે. 35 વર્ષ બાદ તમારી કુલ રકમ આશરે 1.15 કરોડ રૂપિયા થઈ જશે.
)
ચક્રવૃદ્ધિ વ્યાજ હેઠળ, તમને વ્યાજ પર પણ વ્યાજ મળે છે. ધારો કે તમને પહેલા મહિનામાં રૂ. 3000 પર 10 ટકા વ્યાજ મળ્યું એટલે કે પછીના મહિનામાં રૂ. 300. આવી સ્થિતિમાં, આવતા મહિને તમને રૂ. 3000+3000+300 એટલે કે કુલ રૂ. 6300 પર વ્યાજ મળશે. આ રીતે, વ્યાજ પર વ્યાજની કમાણી કરીને, તમે માત્ર વ્યાજમાંથી 35 વર્ષમાં 1 કરોડ રૂપિયાથી વધુની કમાણી કરશો.
Newsletter
