મોહન ડેલકરની ઉંમર 58 વર્ષની હતી. તે દાદરાનગર હવેલી લોકસભા ક્ષેત્રમાંથી અપક્ષ સાંસદ હતા. વર્ષ 1989માં મોહન ડેલકરે પહેલીવાર આ સંસદીય ક્ષેત્રમાં સાંસદ તરીકે ચૂંટાયા હતા. ત્યારબાદ તે ઘણીવાર અહીંથી સાંસદ બન્યા હતા.
)
રાજ્યના પડોશમાં આવેલા નાનકડા સંઘપ્રદેશ દાદરાનગર હવેલીના સાંસદ મોહન ડેલકરનું નિધન થયું છે. 58 વર્ષની ઉંમરે તેમનું નિધન થયું હતું.
)
તેમને આત્મહત્યા કરી હોવાનું પ્રાથમિક તબક્કે જાણવા મળ્યું છે. મરીન ડ્રાઈવની સી ગ્રીન હોટલમાંથી મૃતદેહ મળી આવ્યો હતો.
)
તેમની બોડી પાસેથી ગુજરાતીમાં લખેલી સ્યુસાઇડ નોટ પણ મળી હતી. ઘટનાની જાણ થતાં મુંબઇ પોલીસ ત્યાં પહોંચી ગઇ હતી.
)
તેઓ સાત ટર્મ સુધી સાંસદ રહ્યા છે. તેમણે કોંગ્રેસમાંથી રાજકારણની શરૂઆત કરી હતી.
)
19 ડિસેમ્બર 1962માં મોહન ડેલકરનો જન્મ થયો હતો. કારકિર્દીની શરૂઆત સિલ્વાસામાં ટ્રેડ યુનિયન લીડર તરીકે કરી હતી.
)
1985માં આદિવાસી વિકાસ સંગઠનની સ્થાપના કરી, ત્યારબાદ 1989માં દાદરા નગરહવેલીના સાંસદ તરીકે અપક્ષમાંથી ચૂંટાયા હતા. 1991 અને 1996માં કોંગ્રેસમાંથી સાંસદ બન્યા, 1998માં ભાજપમાંથી લોકસભાની ચૂંટણી લડ્યા હતા.
)
2004માં ફરી અપક્ષ સાંસદ બન્યા ત્યારબાદ 4 ફેબ્રુઆરી 2009માં કોંગ્રેસમાં જોડાયા હતા. 2019માં પાર્ટીથી અલગ થયા અને અપક્ષ ચૂંટણી લડ્યા હતા અને 2020માં જનતા દળ યુનાઈટેડમાં જોડાયા હતા.
Newsletter
