થોડા દિવસની મુલાકાત, છતાં પણ લગ્ન પહેલા પ્રેગ્નેન્ટ થઈ ગઈ હતી બોલીવૂડની આ હસીના; આ રીતે ખબર પડી ફેમસ ક્રિકેટરનો પુત્ર છે બાળકનો પિતા

બોલિવૂડ અભિનેત્રી નેહા ધૂપિયાએ તાજેતરમાં જ પોતાના અંગત જીવનના સૌથી મહત્વપૂર્ણ પાસાઓ વિશે ખુલીને વાત કરી હતી, જેમાં લગ્ન પહેલાંની પ્રેગ્નન્સી, અંગદ બેદી સાથેના સંબંધોની શરૂઆત અને માતા બનવાનો અનુભવ શામેલ છે. ધ હોલીવુડ રિપોર્ટર ઇન્ડિયાને આપેલા ઇન્ટરવ્યુમાં નેહાએ ખૂબ જ પ્રામાણિકતાથી જણાવ્યું કે, કેવી રીતે એક અણધાર્યા વળાંકે તેના જીવનની દિશા બદલી નાખી. 

તેમની નજીકની મિત્ર સોહા અલી ખાન સામે તેણે કબૂલાત કરી હતી કે, તે લગ્ન પહેલાં પ્રેગ્નેન્ટ થઈ ગઈ હતી અને તે સમયે તે અંગદને સારી રીતે ઓળખતી પણ નહોતી. નોંધનીય છે કે, અભિનેતા અંગદ ક્રિકેટર બિશન સિંહ બેદીનો પુત્ર છે. તેણે ખુલાસો કર્યો કે, તેમને પ્રેગ્નન્સીનો અહેસાસ ત્યારે થયો જ્યારે તે સોહા અલી ખાનના પતિ કુણાલ ખેમુ પર જ બેહોશ થઈ ગઈ હતી. આ ઘટના એક ડિનર દરમિયાન બની હતી.

નેહાએ જણાવ્યું કે, તેમને પોતાની પ્રેગ્નન્સીની ખબર અંગદ બેદી સાથે લગ્ન કરતા પહેલા જ થઈ ગઈ હતી. આ સમાચાર સૌથી પહેલાં તેની નજીકની મિત્ર અને અભિનેત્રી સોહા અલી ખાનને મળ્યા હતી. નેહા યાદ કરતા કહે છે કે, એક દિવસ તે એક રેસ્ટોરન્ટમાં ડિનર કરી રહી હતી, ત્યારે કુણાલ ખેમુ (સોહાના પતિ)ની સામે અચાનક બેહોશ થઈ ગઈ. બીજા દિવસે સવારે જ્યારે તે સોહાને મળી, ત્યારે તેણે પહેલી વાર પોતાની પ્રેગ્નન્સી વિશે વાત કરી. 

નેહા ધૂપિયાએ કહ્યું કે, 'સોહાને સૌથી પહેલા ખબર પડી કે હું પ્રેગ્નેન્ટ છું. તે સમયે અમારા લગ્ન થયા નહોતા અને અંગદ અને મેં એકબીજાને ડેટ કરવાનું શરૂ જ કર્યું હતું. અમારી થોડા દિવસોની જ મુલાકાત હતી અને હું તેને સારી રીતે ઓળખતી પણ નહોતી. આ વાતને મારા મિત્રોને કહેવી, જેઓ પોતે નવા માતાપિતા બન્યા છે, મારા માતાપિતાને કહેવા કરતાં ઘણી સરળ હતું.'

નેહાએ એમ પણ જણાવ્યું કે, લગ્ન પહેલાં ગર્ભવતી થવાની સ્થિતિને સમાજમાં આજે પણ સરળ માનવામાં આવતી નથી. તેણીએ કહ્યું કે, તે એક સંવેદનશીલ અને મુશ્કેલ સ્થિતિ હતી, ખાસ કરીને જ્યારે સંબંધની શરૂઆત જ થઈ હોય. તેણીએ કહ્યું કે, 'તમે લગ્ન નથી કર્યા, સંબંધને સમય નથી આપ્યો અને પછી અચાનક આ સમાચાર આવે છે, આવી સ્થિતિમાં તમારા માતા-પિતાને કહેવું ખૂબ મુશ્કેલ હોય છે.' અભિનેત્રીએ એમ પણ કહ્યું કે, ડિનર સમયે બેહોશ થયાની પહેલા સુધી તેમને પ્રેગ્નસીનો અંદાજો નહતો, બીજા દિવસે સવારે તેણીએ સોહા અલી સાથે વાત કરી અને તેમણે તેમની વાતને સમજી.

નેહા ધૂપિયા અને અંગદ બેદીએ 10 મે 2018ના રોજ દિલ્હીના એક ગુરુદ્વારામાં ખૂબ જ ખાનગી સમારંભમાં લગ્ન કર્યા હતા. સમારંભમાં ફક્ત 30-40 નજીકના મહેમાનો હાજર રહ્યા હતા, જેમાં ક્રિકેટર અજય જાડેજા અને આશિષ નેહરા, વીજે ગૌરવ કપૂર અને ફિલ્મ નિર્માતા કરણ જોહર સામેલ હતા. લગ્ન એટલા અચાનક થયા હતા કે, તેઓ નજીકના મિત્રોને પણ આમંત્રણ આપી શકી નહીં, જેમાં સોહા અલી ખાન પણ સામેલ હતી. નેહાએ સ્વીકાર્યું કે, 'અમે આ નિર્ણય ખૂબ જ ઝડપથી લીધો અને અંધાધૂંધીમાં અમે ઘણા મિત્રોને આમંત્રણ આપી શક્યા નહીં.'

આ પ્રકારના અચાનક લગ્નથી ઘણા લોકોના મનમાં એવા પ્રશ્નો પણ ઉભા થયા કે, શું આ નિર્ણય ફક્ત પ્રેગ્નન્સીને કારણે લેવામાં આવ્યો હતો. આના પર નેહાએ કહ્યું કે, 'લોકો પૂછે છે કે શું તમે સાથે છો કારણ કે આવું થયું કે તમે ખરેખર સાથે રહેવા માંગતા હતા? પરંતુ હવે બધું બરાબર છે. હું મારું જીવન બીજી કોઈ રીતે ઇચ્છતી નથી.' 

નેહા અને અંગદની પુત્રી મેહરનો જન્મ નવેમ્બર 2018માં થયો હતો અને ત્રણ વર્ષ પછી 2021માં પુત્ર ગુરિકે તેમના પરિવારને વધુ સંપૂર્ણ બનાવ્યો. ભલે તેમની સફર પરંપરાગત માર્ગ પર ન ચાલી હોય, પરંતુ બન્નેએ સાથે સ્થિર અને સુખી જીવન બનાવ્યું છે. તમને જણાવી દઈએ કે, જ્યારે નેહા ગર્ભવતી થઈ, ત્યારે અંગદ બેદી નોરા ફતેહીને ડેટ કરી રહ્યા હતા.