ગુજરાતમાં આવી રહ્યો છે વરસાદનો નવો રાઉન્ડ, અંબાલાલ અને પરેશ ગોસ્વામીએ કરી ભયાનક આગાહી!

રાજ્યમાં વરસાદની હવામાન નિષ્ણાત પરેશ ગોસ્વામીની આગાહી કરાઈ છે. 19 થી 21 જુલાઈ દરમિયાન રાજ્યના વિવિધ વિસ્તારોમાં વરસાદ પડશે. સામાન્યથી મધ્યમ અને આઈસોલેટેડ વિસ્તારમાં ભારે ઝાપટા પડી શકે છે. ઉત્તર ભારત પર હાલ વરસાદી સિસ્ટમ ડિપ્રેશનના રૂપમાં સક્રિય છે, જેનો સીયરઝોન ગુજરાત સુધી લંબાય તેવી સંભાવનાઓ છે, જેના કારણે 19, 20 અને 21 જુલાઈ દરમિયાન રાજ્યના અનેક વિસ્તારોમાં સામાન્યથી મધ્યમ અને આઇસોલેટેડ વિસ્તારમાં ભારે ઝાપટા પડે તેવી આગાહી છે.

23 જૂલાઈથી 27 જુલાઈ સુધી ગુજરાતમાં વધુ એક સિસ્ટમ સક્રીય થશે. ઉત્તર ગુજરાતના ભાગો, પૂર્વ ગુજરાતના ભાગો વડોદરામાં વરસાદ આવશે. અંબાલાલે વધુમાં જણાવ્યું હતું કે દક્ષિણ ગુજરાત-કચ્છમાં ભારે વરસાદ થશે. રાજકોટ, સૌરાષ્ટ્ર, સુરેન્દ્રનગર, ભાવનગર, ચોટીલા, થાનમાં ભારે વરસાદ થઈ શકે છે. ગુજરાતમાં નવી સિસ્ટમ ભારે વરસાદ લાવશે. 26 જૂલાઈથી 29 જૂલાઈ સુધીમાં ગુજરાતમાં અણધાર્યો વરસાદ થશે. 1લી ઓગસ્ટથી ગુજરાતમાં નવા વાદળો બનશે. 

અંબાલાલ પટેલનો દાવો છે કે, 22 જુલાઈ બાદ હવામાનમાં પલટો આવવાની શક્યતા છે. જ્યારે 24થી 30 જુલાઈ દરમિયાન અતિભારે વરસાદની શક્યતા અંબાલાલ પટેલ દ્વારા વ્યક્ત કરવામાં આવી છે. ગુજરાતમાં છેલ્લા ઘણા દિવસોથી ધીમું પડેલું ચોમાસું ફરી ગતિ પકડશે તેવી શક્યતા છે. 6થી 10 ઓગસ્ટ દક્ષિણ ગુજરાતમાં ભારે વરસાદ થઈ શકે છે. ભિન્ન ભિન્ન ભાગોમાં મોટા ફોરા સાથે વરસાદ પડશે. મધ્ય પ્રદેશમાં ભારે વરસાદ થતા નર્મદા નદીમાં પાણી વધી શકે છે. 

કેટલાક જિલ્લાઓમાં અગાઉથી એલર્ટ જાહેર કરવામાં આવ્યું છે. ઉત્તરથી લઇને દક્ષિણ અને સૌરાષ્ટ્ર સુધીના કેટલાક વિસ્તારોમાં આગામી 26 થી 30 જુલાઇ દરમિયાન ભારે વરસાદ ખાબકી શકે છે. અંબાલાલ પટેલના અનુસાર 22 થી 30 જુલાઈ દરમિયાન 2 થી 10 ઈંચ જેટલો વરસાદ વરસશે. નર્મદા અને સાબરમતી નદી બે કાંઠે વહેતી થશે. બે દિવસ ભારેથી અતિભારે વરસાદની આગાહી છે. સાબરમતી, મહિસાગરમાં પણ પાણીનું જળસ્તર વધશે. કાતરા પડતા કેટલાક ભાગોમાં વરસાદ ઓછો અને વાદળછાયું વાતાવરણ રહી શકે છે. 

બીજી તરફ બ્રેક લાગેલા વરસાદ અંગે અંબાલાલનું અનોખુ અનુમાન સામે આવ્યું છે. તેમના જણાવ્યા અનુસાર, જે ભાગોમાં ઈયળ પડે ત્યાં વરસાદ ઓછો થાય છે. આ જીવાતનું સાઈકલ 27 દિવસનું મનાય છે. હાલ જોવા મળતી જીવાત મોટી હોવાથી હવે થોડા દિવસોમાં સાઈકલ પૂર્ણ થશે. જીવાતની સાયકલ પૂર્ણ થતા આગમી 21 જુલાઈ સુધીમાં હવામાન પલટો આવશે. અમદાવાદમાં ગાજવીજ સાથે હળવા વરસાદની આગાહી છે.