ચિઠ્ઠિઓ મોકલવા માટે નહીં... હવે રૂપિયા બનાવવા માટે છે પોસ્ટ ઓફિસ, આ 5 સ્કીમમાં રોકાણ કરો અને બની જાશો અમીર

એક સમય હતો જ્યારે પોસ્ટ ઓફિસ ફક્ત પત્રો પહોંચાડવા સુધી મર્યાદિત હતી, પરંતુ હવે સમય બદલાયો છે અને પોસ્ટ ઓફિસનું સ્વરૂપ પણ બદલાઈ ગયું છે. આજે પોસ્ટ ઓફિસ ફક્ત પત્ર પહોંચાડવાનું કેન્દ્ર નથી, પરંતુ સામાન્ય લોકો માટે જીવન બચતનું પ્રદાતા બની ગયું છે. આજે પોસ્ટ ઓફિસમાં બચત ખાતા ખોલવામાં આવે છે, ફિક્સ ડિપોઝિટ કરવામાં આવે છે, વીમા યોજનાઓ ઉપલબ્ધ છે અને બીજી ઘણી સરકારી યોજનાઓ પણ ચલાવવામાં આવે છે. આવી સ્થિતિમાં આપણે પોસ્ટ ઓફિસની 5 પ્રખ્યાત સ્કીમના નામ જાણીશું, જે ઓછી આવક ધરાવતા લોકો માટે નાની બચત માટે સહારો છે.

આ સરકાર દ્વારા દીકરીઓના ઉજ્જવળ ભવિષ્ય માટે ચલાવવામાં આવતી એક ખાસ બચત સ્કીમ છે. આ સ્કીમમાં 0 થી 10 વર્ષ સુધીની તમામ દીકરીઓના નામે ખાતું ખોલી શકાય છે. હાલમાં આ સ્કીમમાં 8.2% વાર્ષિક વ્યાજ મળે છે અને તેમાં 250 રૂપિયાથી 1.5 લાખ રૂપિયા સુધીની રકમનું રોકાણ કરી શકાય છે.

રિકરિંગ ડિપોઝિટ (RD) પણ પોસ્ટ ઓફિસની એક પ્રખ્યાત બચત યોજના છે. આ સ્કીમમાં તમે દર મહિને ફક્ત 100 રૂપિયાથી રોકાણ શરૂ કરી શકો છો. હાલમાં RD યોજના લગભગ 6.7% વાર્ષિક વ્યાજ મળે છે. આમાં પરિપક્વતા પર તમને ડિપોઝિટ રકમ સાથે વ્યાજ મળે છે, જે તમારા નાના રોકાણને મોટું બનાવી શકે છે.

તમને જણાવી દઈએ કે, ટર્મ ડિપોઝિટ (TD) પોસ્ટ ઓફિસની ખૂબ જ વિશ્વસનીય અને સલામત બચત યોજના છે, જે 1, 2, 3 અને 5 વર્ષના સમયગાળા માટે ઉપલબ્ધ છે. આ યોજના ખાસ કરીને એવા લોકો માટે ફાયદાકારક છે જેઓ ફિક્સ ટાઈમમાં ફિક્સ રિટર્ન ઇચ્છે છે. રોકાણ વર્ષ અનુસાર આમાં રિટર્ન આપવામાં આવે છે. જો કે, સિનિયર સિટીઝનને આમાં વધારાના વ્યાજ દરનો લાભ મળે છે.

સિનિયર સિટીઝન સેવિંગ સ્કીમ (SCSS) દેશના વૃદ્ધો માટે સૌથી જબરદસ્ત સ્કીમ માનવામાં આવે છે, તે નિવૃત્તિ પછી નિયમિત આવક નક્કી કરે છે. આ યોજનાનો સમયગાળો 5 વર્ષ છે, જેને વધુ 3 વર્ષ માટે લંબાવી શકાય છે. હાલમાં તે વાર્ષિક 8.2% વ્યાજ દર આપે છે.

ખેડૂતોને લાભ આપતી કિસાન વિકાસ પત્ર યોજના રોકાણ માટે પણ શ્રેષ્ઠ છે. આ યોજનામાં તમે નિશ્ચિત સમયગાળા માટે રોકાણ કરો છો અને પરિપક્વતા પર તમે રોકાણની રકમ બમણી મેળવી શકો છો. હાલમાં આ સ્કીમમાં લગભગ 7.5% વળતર મળે છે. KVP માં રોકાણ કરેલી રકમ 115 મહિના (9 વર્ષ અને 5 મહિના)માં બમણી થઈ જાય છે.