જેકપોટ છે Post Office ની આ સ્કીમ! માત્ર એકવાર જમા કરાવો પૈસા, દર મહિને ₹20,500 ની આવક પાક્કી

આ સ્કીમનું નામ વરિષ્ઠ નાગરિક બચત યોજના  (Senior Citizen Savings Scheme - SCSS) છે. આ ખાસ કરી વૃદ્ધ લોકો માટે બનાવી છે, જેમાં ન માત્ર બેંક એફડીથી વધુ વ્યાજ મળે છે, પરંતુ તમારા પૈસા પણ 100% સુરક્ષિત રહે છે.  

SCSS એ ભારત સરકાર દ્વારા સમર્થિત એક નાની બચત યોજના છે, જે ખાસ કરીને 60 વર્ષથી વધુ ઉંમરના નાગરિકો માટે બનાવવામાં આવી છે. આ એક ડિપોઝિટ યોજના છે જેમાં તમે 5 વર્ષ માટે એક સાથે રકમ જમા કરો છો અને સરકાર તમને દર ત્રણ મહિને તેના પર ગેરંટીકૃત વ્યાજ આપે છે.  

વરિષ્ઠ નાગરિકો માટે ઉપલબ્ધ મોટાભાગના સલામત રોકાણ વિકલ્પોમાં, SCSS સૌથી વધુ વ્યાજ ચૂકવતી યોજનાઓમાંની એક છે. તેનો 8.2% વ્યાજ દર સામાન્ય રીતે દેશની મોટી બેંકોની 5-વર્ષની ફિક્સ્ડ ડિપોઝિટ (FD) કરતા ઘણો વધારે હોય છે. એકવાર તમે તેમાં પૈસા રોકાણ કરો છો, તો તે સમયે વ્યાજ દર આખા 5 વર્ષ માટે લોક થઈ જાય છે. ભવિષ્યમાં વ્યાજ દર ઘટાડવામાં આવે તો પણ, તમને 5 વર્ષ સુધી સમાન ઊંચા દરે વ્યાજ મળતું રહેશે.

આ સ્કીમમાં 1 હજાર રૂપિયાથી લઈને 3 લાખ રૂપિયા સુધીનું રોકાણ કરી શકાય છે, આવો એક સરળ ગણતરીથી સમજીએ. જો કોઈ વરિષ્ઠ નાગરિક આ સ્કીમમાં મહત્તમ મર્યાદા એટલે કે  ₹30,00,000 નું રોકાણ કરે છે, તો તેને 8.2% ના દરે વાર્ષિક વ્યાજથી કુલ  ₹2,46,000 (20500 મહિને) મળશે. તેવામાં પાંચ વર્ષમાં કુલ વ્યાજ ₹2,46,000 x 5 = ₹12,30,000 થશે. આ રીતે પાંચ વર્ષ બાદ મેચ્યોરિટી પર તમને તમારૂ રોકાણ (30 લાખ) અને કુલ વ્યાજ (12.30 લાખ) મળી ₹42,30,000 પરત મળશે.

60 વર્ષ કે તેથી વધુ ઉંમરના કોઈપણ વ્યક્તિ તેમાં રોકાણ કરી શકે છે. બીજી તરફ, VRS લેતા નાગરિક ક્ષેત્રના સરકારી કર્મચારીઓ અને સંરક્ષણમાંથી નિવૃત્ત થનારાઓને કેટલીક શરતો સાથે વય મર્યાદામાં છૂટ આપવામાં આવે છે.

SCSS માં રોકાણ કરવાથી આવકવેરા કાયદાની કલમ 80C હેઠળ ₹ 1.5 લાખ સુધીની કર મુક્તિનો લાભ મળે છે. ધ્યાનમાં રાખો કે આ યોજનામાંથી મળતું વ્યાજ કરપાત્ર છે. જો નાણાકીય વર્ષમાં વ્યાજની રકમ ₹ 1,00,000 થી વધુ હોય, તો TDS કાપવામાં આવે છે. તે પરિપક્વતાના 1 વર્ષની અંદર વધારી શકાય છે. પરિપક્વતાની તારીખે લાગુ દરે વિસ્તૃત ખાતા પર વ્યાજ પ્રાપ્ત થાય છે.