કરોડપતિ બનાવી દેશે PPFમાં રોકાણની આ સુપરહિટ ફોર્મ્યુલા, દર મહિને એકાઉન્ટમાં આવશે આટલા હજાર!

જો તમે ટેક્સમાં છૂટ અને જબરદસ્ત રિટર્ન સાથેનો પ્લાન શોધી રહ્યા છો, તો પબ્લિક પ્રોવિડન્ટ ફંડ (PPF)માં રોકાણ કરવું ખૂબ જ સારો વિકલ્પ હોઈ શકે છે. આ એક સરકારી સ્કીમ છે જે લાંબા ગાળાના રોકાણને પ્રોત્સાહન આપે છે. જો તમે PPF 15 + 5 + 5 નિયમનું પાલન કરો છો, તો તમને PPFમાંથી દર મહિને 60 હજાર રૂપિયા વ્યાજ મળશે. તમારા ખાતામાં હંમેશા 1 કરોડ રૂપિયાનું ભંડોળ રહેશે.

જો કે, પબ્લિક પ્રોવિડન્ટ ફંડનો પાકતી મુદત 15 વર્ષ છે, પરંતુ આ સ્કીમમાં એક્સટેન્શન સુવિધા મળે છે. PPF એકાઉન્ટની પાકતી મુદત પછી તમે તેને એક સમયે 5 વર્ષ માટે અને આગામી 5 વર્ષ માટે વધારી શકો છો. આમ કરીને તમે આ એકાઉન્ટનો મહત્તમ લાભ મેળવી શકો છો.

PPF એકાઉન્ટમાં સરકાર તમને સુરક્ષાની ગેરંટી આપે છે. હાલમાં PPF એકાઉન્ટ પર 7.1% વાર્ષિક વ્યાજ આપવામાં આવી રહ્યું છે. આનો અર્થ એ છે કે તેમાં રોકાણ કરીને, તમે એક તરફ ઘણો ટ્રેક્સ બચાવી શકો છો અને રિટર્ન પણ મેળવી શકો છો. તે સરકાર દ્વારા સીધું નિયંત્રિત થાય છે. સરકાર પોતે દર 3 મહિને તેના પર ચૂકવવાનું વ્યાજ નક્કી કરે છે. તેથી તે બજારના જોખમથી સંપૂર્ણપણે સુરક્ષિત છે.

જો તમે પબ્લિક પ્રોવિડન્ટ ફંડની પાકતી મુદત પછી રોકાણ કર્યા વિના સ્કીમને એક્સટેન્ડ કરો છો, તો તમને 15 વર્ષ પછી પણ ક્લોઝિંગ બેલેન્સ પર 7.1% વાર્ષિક વ્યાજ મળતું રહેશે. જો તમે રોકાણ ચાલુ રાખશો, તો આ સ્કીમ પાકતી મુદત પહેલાની જેમ જ કાર્ય કરશે. તેવી જ રીતે, જો તમે 20 વર્ષ અથવા 25 વર્ષ પછી રોકાણ કર્યા વિના 5 વર્ષ માટે લંબાવશો, તો તમને 25 વર્ષના ક્લોઝિંગ બેલેન્સ પર 7.1% વાર્ષિક વ્યાજ મળતું રહેશે.

PPF સ્કીમ પરિપક્વ થયા પછી, જો તમે તેને 5 વર્ષ અને 5 વર્ષ માટે બે વાર એક્સટેન્ડ કરાવો છો, તો તમે તેના દ્વારા 1 કરોડ રૂપિયાનું ફંડ બનાવી શકો છો. આ માટે તમારે એક નાણાકીય વર્ષમાં 1.50 લાખ રૂપિયા જમા કરાવવા પડશે. જો આપણે 7.1% વાર્ષિક વ્યાજ દર ધારીએ, તો 15 વર્ષમાં કુલ જમા રકમ 22,50,000 રૂપિયા થઈ જશે. વ્યાજ ઉમેર્યા પછી 15 વર્ષ પછી 40,68,209 રૂપિયાનું ફંડ બનશે.

જો તમે આ એકાઉન્ટને 2 વખત એક્સટેન્ડ કરાવો છો, એટલે કે 5+5 તો કુલ સમયગાળો 10 વર્ષ થશે. જો તમે તેને 15 વર્ષમાં ઉમેરો છો તો તે 25 વર્ષ થશે. આ કિસ્સામાં 25 વર્ષમાં તમારી કુલ જમા રકમ 37,50,000 રૂપિયા થશે. વ્યાજ ઉમેર્યા પછી, તે 1.02 કરોડ રૂપિયા થશે.

25 વર્ષમાં 1 કરોડનું ફંડ એકત્ર કર્યા પછી, આ નિયમ માસિક કમાણી કરવાની તક પણ પૂરી પાડશે. જો સ્કીમને કંઈપણ રોકાણ કર્યા વિના 5 વર્ષ માટે લંબાવવામાં આવે, તો તમને ક્લોઝિંગ બેલેન્સ પર 7.1% વાર્ષિક વ્યાજ મળશે. આ એક વર્ષમાં 7,31,300 રૂપિયા થશે. જો તમે તેને 12 મહિનામાં વિભાજીત કરો છો, તો તે દર મહિને લગભગ 60,000 રૂપિયા થશે. આ સમય દરમિયાન તમે દર વર્ષે એકવાર સમગ્ર રકમના કોઈપણ ટકાવારી ઉપાડી શકો છો. આ આવક પર કોઈ ટેક્સ પણ નહીં ચૂકવવો પડે.

PPF એકાઉન્ટમાં તમને હપ્તામાં રોકાણ કરવાની સુવિધા મળે છે. લઘુત્તમ રોકાણ રકમ રૂ. 500 છે. એક વર્ષમાં મહત્તમ રૂ. 1.5 લાખનું રોકાણ કરી શકાય છે. જો રૂપિયાની અછત હોય, તો તમે એક નાણાકીય વર્ષમાં વધુમાં વધુ 12 હપ્તામાં રૂપિયા જમા કરાવી શકો છો.

PPF એકાઉન્ટ પર તમને ઈમરજન્સીના સમયે લોન પણ મળે છે. આ માટે એક નિયમ છે. તમે જે નાણાકીય વર્ષમાં PPF એકાઉન્ટ ખોલાવ્યું હોય તે નાણાકીય વર્ષના અંત પછીના એક વર્ષથી લઈને પાંચમા નાણાકીય વર્ષના અંત સુધી લોન લેવા માટે હકદાર છો. PPF ડિપોઝિટ પર મહત્તમ 25% લોન લઈ શકાય છે. આનો વ્યાજ દર PPF ખાતા પરના વ્યાજ દર કરતા માત્ર 1% વધારે છે.