તમારી પાસે સસ્તામાં સારી પ્રોપર્ટી ખરીદવાની સુવર્ણ તક આવી છે.
)
પંજાબ નેશનલ બેન્ક તરફથી ઈ-નીલામી(PNB e-auction)ની શરૂઆત 29 ડિસેમ્બરના રોજ થઈ રહી છે. જે અંગે બેન્કે ટ્વીટ કરીને જાણકારી આપી છે. PNB એ પોતાની ટ્વીટમાં જણાવ્યું કે પ્રોપર્ટીઝની વધુ જાણકારી https://ibapi.in/ પર મળી જશે.
)
આ અગાઉ SBI તરફથી પણ અલગ અલગ પ્રકારની પ્રોપર્ટીની હરાજીને લઈને જાણકારી આપવામાં આવી હતી. SBIએ ટ્વીટ કરીને હરાજી અંગે જાણકારી આપી છે. ટ્વીટ મુજબ આ હરાજી 30 ડિસેમ્બરે એટલે કે બુધવારે થવા જઈ રહી છે. આ અંગે બેન્કે કાયદેસર રીતે અલગ અલગ અખબારોમાં પણ જાહેરાત આપેલી છે. SBI ઈ હરાજી દ્વારા અપાયેલી સંપત્તિઓમાં રહેણાંક, વાણિજ્ય, ઔદ્યોગિક એમ તમામ પ્રકારની પ્રોપર્ટીઓ સામેલ છે.
)
આ બોલી સંપૂર્ણ રીતે ઓનલાઈન હશે. જો તમે પણ આ ડિજિટલ હરાજીમાં બોલી લગાવવા માંગતા હોવ તો તે માટે તમારે સૌથી પહેલા રજિસ્ટ્રેશન કરાવવું પડશે. તમારે તમારો મોબાઈલ નંબર અને ઈમેઈલ આઈડી દ્વારા રજિસ્ટ્રેશન કરવું પડશે. ત્યારબાદ KYC માટે પેપર્સ અપલોડ કરવા પડશે. વેરિફિકેશન પૂરું થયા બાદ ઓનલાઈન ચલણ ભરવું પડશે. ત્યારબાદ જ તમે ઓનલાઈન બોલી લગાવી શકશો.
)
હકીકતમાં બેન્કોની હરાજીમાં એવી પ્રોપર્ટી મૂકવામાં આવે છે જેની લોન ચૂકવી શકાઈ નથી અથવા તો ડિફોલ્ટ કરવામાં આવ્યા છે. બેન્કો તરફથી સમયાંતરે આ પ્રકારે પ્રોપર્ટીની હરાજી થતી રહે છે. આ પ્રક્રિયા હંમેશા ચાલતી રહે છે આથી ભારતીય બેન્ક હરાજી સંપત્તિ સૂચના (IBAPI) પોર્ટલ (https://ibapi.in/) ની રચના ઈન્ડિયા બેન્ક્સ એસોસિએશન તરફથી કરવામાં આવી છે. જો કોઈ બેન્ક હરાજીની પ્રક્રિયા યોજે તો તેની જાણકારી અહીં આપવામાં આવે છે. આ એક કોમન પ્લેટફોર્મ છે.
)
IBAPI પોર્ટલ પર ઉપલબ્ધ જાણકારી મુજબ 3747 રેસિડેન્શિયલ પ્રોપર્ટી, 958 કોમર્શિયલ પ્રોપર્ટી, 532 ઈન્ડસ્ટ્રિયલ પ્રોપર્ટી, 8 એગ્રીકલ્ચરલ પ્રોપર્ટી, 30 પ્રોપર્ટી ઓવસ સ્ટેટ ઉપલબ્ધ છે. 12 બેન્કો તરફથી આ પ્રોપર્ટીની હરાજી આયોજિત કરાયેલી છે.
Newsletter
