ગણેશ ઉત્સવ દરમિયાન અનેક ભક્તો અલગ અલગ પ્રકારની ગણેશજીની મૂર્તિ બનાવે છે, જોકે આ વર્ષે કોરોનાને કારણે પંડાલોમાં મોટા આયોજનો પર પ્રતિબંધ મૂકવામાં આવ્યો છે, ત્યારે આવામાં સુરતના એક કલાકારે અનોખા ગણપતિ બનાવ્યા છે. સુરતના ડિમ્પલ જરીવાલાએ માઈક્રો ગણેશ બનાવીને પોતાની ભક્તિ દર્શાવી છે.
)
કલાકાર ડિમ્પલ જરીવાલાએ 1.5 એમએમથી લઈ 1.5 ઇંચ સુધીના ગણપતિ બનાવ્યા છે, તમામ મૂર્તિઓ માટીમાંથી બનાવવામાં આવી છે. એટલે આ તમામ મૂર્તિઓ ઈકો ફ્રેન્ડલી છે. આ મૂર્તિઓમાં કોરોના વાયરસની થીમ પર પણ ગણેશજી બનાવાયા છે. જેમાં કોરોના પર જીત અપાવતા ગણપતિની મૂર્તિ સૌથી અદ્દભૂત છે.
)
તમામ મૂર્તિઓને મનમોહક રીતે બનાવવામાં આવી છે.
)
આટલી નાની સાઈઝની મૂર્તિઓ બનાવવી બહુ જ મહેનત માંગી લે તેવું કામ છે. ખાસ કરીને તેમાં યોગ્ય માપનું ધ્યાન રાખવું બહુ જ જરુરી છે. આવામાં ડિમ્પલ જરીવાલાએ પહેલા તો કાગળ પર માપ નોંધીને ગણતરી કરી હતી. જેના બાદ તેઓએ માટીમાં તેને આકાર આપ્યા હતા.
)
પંડાલોમાં મૂકાતી મોટી સાઈઝની મૂર્તિઓથી પાણીમાં પ્રદૂષણ થાય છે. જો લોકો આ પ્રકારના ડેકોરેશન અપનાવે તો પાણીનું પ્રદૂષણ પણ અટકાવી શકાય છે.
Newsletter
