ઈંગ્લેડ વચ્ચે બીજી ટી20 મેચ રમાનાર છે, તે પહેલા જ ભારતને મોટો ઝટકો લાગ્યો છે ભારતનો આ વિસ્ફોટક બેટ્સમેનને ઈઝા થઈ છે, પ્રેક્ટ...
)
IND vs ENG: આજે ભારત અને ઈંગ્લેન્ડ વચ્ચે બીજી T20 મેચ રમાવાની છે. બંને ટીમો ચેન્નાઈના એમએ ચિદમ્બરમ સ્ટેડિયમમાં બીજી ટી20 મેચ રમશે. આ મેચ પહેલા ટીમ ઈન્ડિયાને મોટો ઝટકો લાગ્યો છે. ભારતનો વિસ્ફોટક યુવા ઓપનર ઈજાગ્રસ્ત થયો છે. આ બેટ્સમેન માટે બીજી ટી20 રમવી મુશ્કેલ છે.
)
મહત્વનું છે કે અભિષેક શર્મા પ્રેક્ટિસ દરમિયાન ઈજાગ્રસ્ત થયો હતો. તેની પગની ઘૂંટી વળી ગઈ છે. તે ખૂબ પીડામાં જોવા મળ્યો હતો. ઈજાને કારણે તે ચાલી પણ શકતો ન હતો. હવે એવું માનવામાં આવે છે કે અભિષેક માટે બીજી ટી20 રમવી મુશ્કેલ છે. અભિષેક પ્રથમ ટી20માં ભારતની જીતનો હીરો હતો.
)
કોલકાતાના ઈડન ગાર્ડન્સ ખાતે રમાયેલી પ્રથમ T20માં અભિષેક શર્માએ શાનદાર ઇનિંગ રમી હતી. તેણે ઈંગ્લિશ બોલરોને ખૂબ રન માર્યા હતા. અભિષેકે બેટથી 5 ચોગ્ગા અને 8 છગ્ગા માર્યા હતા. તેણે 232ની આસપાસના સ્ટ્રાઈક રેટથી માત્ર 34 બોલમાં 79 રનની ઈનિંગ રમી હતી. અભિષેકની તોફાની ઈનિંગની મદદથી ભારતે 133 રનનો ટાર્ગેટ માત્ર 12.5 ઓવરમાં મેળવી લીધો હતો.
)
અભિષેક શર્માની ઈજા ભારત માટે એક મોટો ઝટકો છે, કારણ કે પસંદગીકારોએ આ શ્રેણીમાં માત્ર બે ઓપનર પસંદ કર્યા છે. સંજુ સેમસન અને અભિષેક શર્મા સિવાય 15 સભ્યોની ટીમમાં કોઈ ઓપનર નથી. આવી સ્થિતિમાં જો અભિષેક બીજી ટી-20 નહીં રમે તો તિલક વર્માને ઇનિંગ્સની શરૂઆત કરવી પડી શકે છે.
)
તિલક ત્રીજા નંબરે રમે છે. આવી સ્થિતિમાં તે ઓપનર તરીકે પણ રમી શકે છે. આ સિવાય ધ્રુવ જુરેલ પણ એક વિકલ્પ છે. જોકે, જુરેલે માત્ર ડોમેસ્ટિક ક્રિકેટમાં જ ઇનિંગ્સની શરૂઆત કરી છે. તે IPLમાં ઓપનિંગ કરતો જોવા મળ્યો નથી.
)
Newsletter
