આ સુપરસ્ટારે એક સમયે મિત્ર પાસેથી લેવા પડ્યા હતા 15000 રૂપિયા ઉછીના, આજે છે 3064 કરોડનો માલિક

આજે અમે તમને ઈન્ડસ્ટ્રીના એક એવા એક્ટર વિશે જણાવવા જઈ રહ્યા છીએ, જેમણે પોતાના કરિયરની શરૂઆત સાઈડ રોલથી કરી હતી અને આજે તે હિન્દી સિનેમાનો ટોપ એક્ટર બની ગયો છે. તેણે તેની 37 વર્ષની કારકિર્દી દરમિયાન 100થી વધુ ફિલ્મોમાં કામ કર્યું છે, જેમાં ઘણી હિટ, ઘણી સુપરહિટ અને ઘણી બ્લોકબસ્ટર ફિલ્મોનો સમાવેશ થાય છે. આજે પણ તેની ફેન ફોલોઈંગ એટલી મોટી છે કે ફેન્સ તેની ફિલ્મની રિલીઝની આતુરતાથી રાહ જુએ છે, પરંતુ તેણે અહીં સુધી પહોંચવામાં ઘણી મુશ્કેલીઓનો પણ સામનો કરવો પડ્યો છે.

આ એક્ટરે હાલમાં જ એક પોડકાસ્ટમાં તેની લાઈફના તે તબક્કાને યાદ કર્યા, જ્યારે તેને આર્થિક તંગીનો સામનો કરવો પડ્યો હતો. આ સમય દરમિયાન તેણે તેના મિત્ર પાસેથી પૈસા ઉધાર લીધા હતા, પરંતુ આજે તેણે પોતાના દમ પર કરોડોની સંપત્તિ બનાવી છે, જેનો તે એકમાત્ર માલિક છે. આ બીજું કોઈ પણ અમે બોલીવુડના સુપરસ્ટાર સલમાન ખાન વિશે વાત કરી રહ્યા છીએ, જેમણે 1988માં ફિલ્મ 'બીવી હો તો ઐસી'થી પોતાના કરિયરની શરૂઆત કરી હતી, જેમાં તે સાઈડ રોલમાં જોવા મળ્યો હતો. આ પછી તે 'મૈંને પ્યાર કિયા'માં જોવા મળ્યો અને સુપરસ્ટાર બની ગયો.

સલમાન ખાને હાલમાં જ તેના ભત્રીજા અરહાન ખાન સાથે તેના પોડકાસ્ટમાં પોતાની જીવનના સંઘર્ષ વિશે ખુલીને વાત કરી હતી. સલમાને જણાવ્યું કે, એક સમય હતો જ્યારે તેણે તેના મિત્ર પાસેથી 15,000 રૂપિયા ઉછીના લેવા પડ્યા હતા. પોતાના જીવનના ઉતાર-ચઢાવ વિશે જણાવતા તેમણે એ પણ જણાવ્યું કે, વ્યક્તિના જીવનમાં મિત્રતા અને સંબંધોનું કેટલું મહત્વ છે. મિત્રતાના મહત્વ પર ભાર મૂકતા સલમાને કહ્યું કે, તેના ઘણા મિત્રો વર્ષોથી તેની સાથે છે. તેણે કહ્યું કે, ભલે તે તેના મિત્રોને વારંવાર મળી શકતો નથી, પરંતુ જ્યારે પણ તે મળે છે, સંબંધો એટલા જ મજબૂત રહે છે.

સલમાને કહ્યું કે, સાચા મિત્રો એ છે જે કોઈપણ સ્વાર્થ વગર તમારી સાથે ઉભા રહે. સલમાન ખાનનું એવું પણ માનવું હતું કે, જીવનમાં પ્રોઝિટિવ વાતાવરણ જાળવવું ખૂબ જ જરૂરી હોય છે, કારણ કે આ જ વસ્તુ વ્યક્તિને આગળ વધવામાં મદદ કરે છે. પોતાના કરિયરના શરૂઆતના દિવસોને યાદ કરતા તેણે કહ્યું કે, જ્યારે તે ફિલ્મ 'સનમ બેવફા' કરી રહ્યો હતો ત્યારે તેના એક મિત્રએ તેને 15,000 રૂપિયા આપ્યા હતા. એ જમાનામાં આ બહુ મોટી રકમ હતી. તેણે કહ્યું કે, તે મનાલીમાં હતો અને જ્યારે તેણે કંઈક ખરીદવું હતું ત્યારે તેની પાસે પૈસા નહોતા અને આજે તે 3,064 કરોડ રૂપિયાના માલિક છે.

આવી સ્થિતિમાં તેના મિત્રએ વિચાર્યા વગર પૈસા આપી દીધા. સલમાને કહ્યું કે, આ સાચી મિત્રતાની નિશાની છે, જ્યાં કોઈ પણ અપેક્ષા વગર મદદ કરવામાં આવે છે. સલમાને તેના નજીકના ફોટોગ્રાફર મિત્રનો પણ ઉલ્લેખ કર્યો, જેની સાથે તે વર્ષોથી જોડાયેલો છે, પરંતુ તેઓએ ક્યારેય એકબીજા સાથે વ્યવસાયિક રીતે કામ કર્યું નથી. તેણે એમ પણ કહ્યું કે, જીવનમાં ઘણા મિત્રો આવે છે અને જાય છે, પરંતુ કેટલાક લોકો હંમેશા કંઈક મેળવવાની આશામાં મિત્રતા જાળવી રાખે છે. સલમાને વધુમાં કહ્યું કે, આવા લોકોથી દૂર રહેવું જોઈએ, કારણ કે મિત્રતામાં કોઈ જરૂરિયાત, ઈચ્છા કે સ્વાર્થ ન હોવો જોઈએ.