Dividend Stock: માર્ચ 2025 ક્વાર્ટરમાં Tataની આ કંપનીનો નફો 12 ટકા ઘટીને 172.4 કરોડ રૂપિયા થયો છે. કંપનીએ દરેક શેર પર 75 રૂપિયાનું ડિવિડન્ડ જાહેર કર્યું છે. કંપનીના શેર તેમના 52-સપ્તાહના ઉચ્ચ સ્તરેથી 45 ટકાથી વધુ ઘટ્યા છે.
)
Dividend Stock: ટાટા ગ્રુપની ટેક્નોલોજી સર્વિસીસ કંપનીએ 31 માર્ચ, 2025 ના રોજ પૂરા થયેલા ક્વાર્ટરમાં 172.4 કરોડનો ચોખ્ખો નફો કર્યો છે. કંપનીનો નફો એક વર્ષ અગાઉના સમાન સમયગાળાની સરખામણીએ 12 ટકા ઘટ્યો છે. ટાટાની આ કંપનીએ એક વર્ષ અગાઉના સમાન સમયગાળામાં 194 કરોડ રૂપિયાનો નફો કર્યો હતો.
)
માર્ચ 2025 ક્વાર્ટરમાં કંપનીની આવકમાં થોડો ઉછાળો આવ્યો છે અને તે રૂ. 908 કરોડ રહ્યો છે. એક વર્ષ અગાઉના સમાન સમયગાળામાં કંપનીની આવક 906 કરોડ રૂપિયા હતી. આ શેર તેમના 52-સપ્તાહના ઉચ્ચ સ્તરેથી 45%થી વધુ ઘટ્યા છે.
)
ટાટા એલેક્સીએ નાણાકીય વર્ષ 2025 માટે પ્રતિ શેર 75 રૂપિયાના ડિવિડન્ડની જાહેરાત કરી છે. માર્ચ 2025 ક્વાર્ટરમાં વેપાર અને ભૂ-રાજકીય અસ્થિરતાને કારણે કંપનીના પરિવહન ક્ષેત્ર પર અસર પડી હતી. કમાણી પછીના કોલમાં, કંપનીના સીઈઓ મનોજ રાઘવને જણાવ્યું હતું કે ટેરિફ સંબંધિત સમસ્યાઓના કારણે, ઓટો ઉદ્યોગના ટોચના ગ્રાહકોએ ઘણા પ્રોજેક્ટ્સ મુલતવી રાખ્યા હતા.
)
ટાટા એલેક્સીનો સૌથી મોટો સેગમેન્ટ પરિવહન, ઓટો અને ઓટો પાર્ટ્સ ઉત્પાદકોને સોફ્ટવેર અને એન્જિનિયરિંગ સેવાઓ પૂરી પાડે છે. આ સેગમેન્ટની આવકમાં એક વર્ષ પહેલાની સરખામણીમાં નજીવો ઘટાડો થયો છે અને ત્રિમાસિક ધોરણે લગભગ 10 ટકાનો ઘટાડો થયો છે.
)
ટાટા ગ્રૂપની કંપની Tata Elxsiનો શેર 52 સપ્તાહની ટોચેથી 45 ટકાથી વધુ તૂટ્યો છે. 27 ઓગસ્ટ, 2024ના રોજ કંપનીના શેર 9082.90 રૂપિયા પર હતા. 17 એપ્રિલ 2025ના રોજ ટાટા Elxsiના શેર 4899.75 રૂપિયા પર બંધ થયા હતા. આ વર્ષે અત્યાર સુધીમાં ટાટા Elxsiના શેરમાં 27%થી વધુનો ઘટાડો થયો છે. તે જ સમયે, કંપનીના શેરમાં છેલ્લા 6 મહિનામાં 33%નો ઘટાડો જોવા મળ્યો છે. કંપનીના શેરનું 52 સપ્તાહનું નીચલું સ્તર 4601.05 રૂપિયા છે.
)
(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)
Newsletter
