પોલીસની તૈયારી કરતા 10 પાસ યુવાનો માટે ખુશખબર, 19 હજારથી વધુની જગ્યા પર કેવી રીતે કરશો અરજી?

Bihar News: બિહારના મુખ્યમંત્રી નીતિશ કુમારના 12 લાખ સરકારી નોકરીઓ આપવાના સંકલ્પને પૂર્ણ કરવા માટે વિવિધ સરકારી વિભાગોમાં નિમંણૂકની પ્રક્રિયા તેજ થઈ ગઈ છે. હવે બિહાર પોલીસ વિભાગ રાજ્યમાં ભરતી અભિયાનને વધુ વેગ આપવા માટે 19,838 કોન્સ્ટેબલની ભરતી કરવા જઈ રહ્યું છે. આ માહિતી સેન્ટ્રલ સિલેકશન બોર્ડ ઓફ કોન્સ્ટેબલના ચેરમેન જીતેન્દ્ર કુમારે રાજ્ય પોલીસ હેડક્વાર્ટર સરદાર પટેલ ભવનમાં એક પ્રેસ કોન્ફરન્સમાં આપી હતી. 

આ સાથે બિહાર પોલીસ અને બિહાર સ્પેશિયલ આર્મ્ડ પોલીસમાં કોન્સ્ટેબલની જગ્યાઓ પર ભરતી માટે પણ નોટિફિકેશન બહાર પાડવામાં આવ્યું છે. કુલ 19,838 પોસ્ટ્સમાંથી 6,717 પોસ્ટ્સ ફક્ત મહિલા ઉમેદવારો માટે અનામત રાખવામાં આવી છે. બિહારના હોમગાર્ડ માટે કોન્સ્ટેબલની ભરતીમાં 50% જગ્યાઓ અનામત રાખવામાં આવી છે. આ માહિતી એપ્લિકેશન પોર્ટલ ટૂંક સમયમાં ખુલશે.

આ ભરતી માટે ઓનલાઈન અરજી પ્રક્રિયા 18 માર્ચ 2025 થી શરૂ થશે. રસ ધરાવતા અને લાયક ઉમેદવારો સેન્ટ્રલ સિલેકશન બોર્ડ ઓફ કોન્સ્ટેબલની અધિકૃત વેબસાઇટ csbc.bihar.govt.in પર જઈને ઓનલાઈન અરજી કરી શકે છે. અરજીની છેલ્લી તારીખ 18 એપ્રિલ 2025 નક્કી કરવામાં આવી છે. જે ઉમેદવારો તેની તમામ પ્રક્રિયાઓમાં સફળ થશે તેમને 21,700 રૂપિયાથી 69,100 રૂપિયા સુધીનો માસિક પગાર મળશે.

કુલ 19,838 પદોમાંથી 7,935 સામાન્ય કેટેગરીના ઉમેદવારો માટે, 1,983 આર્થિક રીતે નબળા વર્ગ માટે, 3,174 અનુસૂચિત જાતિ (SC) કેટેગરી માટે, 199 અનુસૂચિત જનજાતિ (એસટી) કેટેગરી માટે, 3,571 પછાત વર્ગ (EBC), 2,381 પછાત વર્ગ (BC) (53 ટ્રાન્સજેન્ડર સહિત) અને 595 જગ્યા પછાત વર્ગ મહિલા (BCW) કેટેગરીના ઉમેદવારો માટે છે. આ સિવાય સ્વાતંત્ર્ય સેનાનીઓના આશ્રિતો માટે ક્ષૈતિજ આરક્ષણ વ્યવસ્થા હેઠળ 397 જગ્યાઓ ઓળખવામાં આવી છે.

બિહાર પોલીસ કોન્સ્ટેબલ ભરતી 2025 માટે અરજી કરનારા ઉમેદવારોએ 12મું પાસ કરેલ હોવું આવશ્યક છે. આ સાથે પુરુષ અને મહિલા ઉમેદવારોની ઉંમર 18 થી 25 વર્ષની વચ્ચે હોવી જોઈએ. અનામત વર્ગને વયમાં છૂટછાટ આપવામાં આવશે. OBC કેટેગરીના પુરૂષ ઉમેદવારો માટે વય મર્યાદા લઘુત્તમ 18 વર્ષ અને મહત્તમ 27 વર્ષ છે. જ્યારે મહિલા ઉમેદવારો માટે તે 28 વર્ષ છે.

આ માટે અરજી કરનાર ઉમેદવારો પસંદગી પ્રક્રિયાના ભાગરૂપે સૌપ્રથમ લેખિત પરીક્ષામાં હાજર થશે. લેખિત પરીક્ષા પાસ કર્યા પછી ઉમેદવારોએ શારીરિક કસોટીમાં હાજર રહેવાનું રહેશે. શારીરિક કસોટી પાસ કરવા માટે ઉમેદવારોએ લગભગ 30% ગુણ મેળવવાના રહેશે. ફિઝિકલ ટેસ્ટ પછી ફાઇનલ મેરિટ લિસ્ટ આવશે. પસંદગી પ્રક્રિયાના ભાગ રૂપે કોઈ ઇન્ટરવ્યુ થશે નહીં.

તમને જણાવી દઈએ કે, બિહાર પોલીસ કોન્સ્ટેબલ ભરતી 2025 માટે અરજી કરનાર કોઈપણ ઉમેદવારે ચાર્જ પણ ચૂકવવો પડશે. બોર્ડે બિહાર રાજ્યના ઉમેદવારો, મહિલા અરજદારો, ટ્રાન્સજેન્ડર અરજદારો અને SC/ST અરજદારો માટે રૂ. 180 ની અરજી ફી નક્કી કરી છે. આ સિવાય અન્ય તમામ ઉમેદવારોએ અરજી કરતી વખતે 675 રૂપિયાનો એપ્લિકેશન ચાર્જ ચૂકવવો પડશે.