Vi shares: સોમવારે અને 20 જાન્યુઆરીના રોજ વોડાફોન આઈડિયાને સુપ્રીમ કોર્ટમાંથી મોટી સફળતા મળી છે. સુપ્રીમ કોર્ટે બોમ્બે હાઈકોર્ટના નવેમ્બર 2023ના આદેશને યથાવત રાખ્યો છે. જેમાં કંપનીને 1600 કરોડનું રિફંડ આપવામાં આવ્યું છે.
)
Vi shares: વોડાફોન આઈડિયા લિમિટેડ (Vodafone Idea Ltd) માટે નવું વર્ષ અત્યાર સુધી ઘણું સારું રહ્યું છે. એક તરફ સરકારની જાહેરાતથી શેરોમાં તેજી આવી છે. તો હવે વધુ એક સારા સમાચાર આવ્યા છે. સોમવારે વોડાફોન આઈડિયાને સુપ્રીમ કોર્ટમાંથી મોટી સફળતા મળી છે. સુપ્રીમ કોર્ટે બોમ્બે હાઈકોર્ટના નવેમ્બર 2023ના આદેશને યથાવત રાખ્યો છે. જેમાં કંપનીને 1600 કરોડનું રિફંડ આપવામાં આવ્યું છે. સુપ્રીમ કોર્ટે સોમવારે આવકવેરા વિભાગના નિર્ણયને રદ કર્યો છે. તમને જણાવી દઈએ કે, ટેક્સ વિભાગ કંપનીને રિફંડની રકમ પહેલાથી જ આપી ચૂક્યો છે.
)
સુપ્રીમ કોર્ટે તેની અપીલને ફગાવી દેતા વિલંબ માટે ટેક્સ વિભાગની પણ ટીકા કરી છે. સુપ્રીમ કોર્ટે કહ્યું છે કે અરજદારનો 295 દિવસનો વિલંબ સંતોષજનક નથી.
)
નવેમ્બર 2023માં બોમ્બે હાઈકોર્ટે વોડાફોન આઈડિયાની તરફેણમાં ચુકાદો આપ્યો હતો. કોર્ટે ટેક્સ વિભાગને એસેસમેન્ટ વર્ષ 2016-17ના પૈસા પરત કરવા કહ્યું હતું. હાઈકોર્ટે તેના નિર્ણયમાં કહ્યું હતું કે વિભાગ દ્વારા ઓગસ્ટ 2023માં આપવામાં આવેલ આદેશ સમયબદ્ધ હતો. તેથી તે ટકાવી શકાતું નથી.
)
સોમવારે વોડાફોનના શેરમાં સતત 5માં ટ્રેડિંગ દિવસે વધારો જોવા મળ્યો હતો. સોમવારે કંપનીના શેરમાં 14.91 ટકાનો ઉછાળો જોવા મળ્યો હતો. જે બાદ દિવસ દરમિયાન શેરનો ભાવ રૂ.10.48ના સ્તરે પહોંચી ગયો હતો. તમને જણાવી દઈએ કે, વોડાફોન આઈડિયાના શેરમાં 5 દિવસમાં 35.40 ટકાનો વધારો જોવા મળ્યો છે.
)
વોડાફોન આઈડિયા જેવી કંપનીઓ માટે સારી બાબત એ છે કે સરકાર બાકી AGRને માફ કરવાની યોજના બનાવી રહી છે.
)
(આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા નિષ્ણાતોની સલાહ લો.)
Newsletter
