નવી દિલ્હીઃ ટ્રેનને સામાન્ય રીતે સામાન્ય લોકોની સવારી અથવા તો ગરીબ રથ કહેવામાં આવે છે. પરંતુ શું તમને ખબર છે કે, કેટલીક ટ્રેન એવી છે, જેનું ભાડુ લાખોમાં છે. આ વાત જાણીને તમને આશ્ચર્ય થશે પરંતુ આજે અમે તમને દેશની સૌથી મોંઘી 5 લક્ઝરી ટ્રેન વિશે જણાવીશું. આ ટ્રેનોની હાઈ-ફાઈ રૉયલ સુવિધા, ભાડુ અને તેનો રૂટ પણ જણાવીશું. જો તમે પણ રાજા-મહારાજાની જેમ શાહી અંદાજમાં ટ્રેન યાત્રાની મજા લેવા માગો છો તો, આ ટ્રેનમાં સફર કરી શકો છો.
)
મહારાજા એક્સપ્રેસ ભારતની સૌથી લક્ઝરી અને મોંઘી ટ્રેન છે. આ ટ્રેનનું જેવુ નામ છે, તેનો સફર પણ એવો જ છે. આ ટ્રેનમાં મુસાફરી કરવાનું દરેક ભારતીયનું સપનુ હોય છે. તમને જણાવી દઈએ કે, આ ટ્રેનમાં એક મોટુ ડાઈનિંગ રૂમ, બાર, લૉજ અને LCD ટીવી ઉપલબ્ધ છે. સાથે જ ટ્રેનમાં ઈન્ટરનેટની સુવિધા અને લક્ઝરી બાથરૂમ પણ છે. મહારાજા એક્સપ્રેસની સૌથી ખાસ વાત તો એ છે કે, અહીં ડાયલ ફોનની પણ સુવિધા છે. આ ટ્રેન પોતાના યાત્રીઓને રાજધાની દિલ્લીથી લઈને આગરા, વારાણસી, જયપુર, રણથંભોર અને મુંબઈ દર્શન કરાવે છે. આ ટ્રેનનું ઓછામાં ઓછુ ભાડું 5,41,023 રૂપિયા છે. ટ્રેનનાં પ્રેસિડેન્શિયલ સ્યૂટનું ભાડું 37,93,482 રૂપિયા છે. જે આ ટ્રેનનું મહત્તમ ભાડુ છે.
)
પેલેસ ઓન વ્હીલ દુનિયાની સૌથી લક્ઝરી ટ્રેનો પૈકીની એક છે. આ ટ્રેનમાં તમને રાજમહેલ જેવી ફિલિંગ આવે છે. પેલેસ ઓન વ્હીલમાં આધુનિક જીવનની તમામ સુવિધાઓ છે. જેમાં 2 ડાઈનિંગ રૂમ, રેસ્ટોરન્ટ, બાર અને સલૂન પણ શામેલ છે. ભારતીય રેલ દ્વારા ચલાવાતી આ લક્ઝરી ટ્રેન રાજધાની દિલ્લીથી ઉપડે છે. પેલેસ ઓન વ્હીલ આગરા, ભરતપુર, જોધપુર. જેસલમેર, ઉદેપુર, ચિતૌડગઢ, સવાઈ માધો,પુર અને જયપુર દર્શન કરાવે છે. આ ટ્રેનનું ભાડુ 5,23,600 રૂપિયાથી 9,42,480 રૂપિયા સુધીનું હોય છે.
)
રૉયલ રાજસ્થાન ઓન વ્હીલ્સ ભારતીય રેલવે દ્વારા ચલાવવામાં આવતી એક લક્ઝરી ટ્રેન છે. રાજસ્થાન પર્યટન અને ભારતીય રેલ દ્વારા આ ટ્રેન ચલાવવામાં આવે છે. ફાઈવ સ્ટાર હોટલ જેવી સુખ-સુવિધાવાળી આ ટ્રેન રાજસી ઠાઠનો અહેસાસ કરાવે છે. આ શાહી ટ્રેન નવી દિલ્લીથી પોતાનો સફર શરૂ કરીને રાજસ્થાનનાં પર્યટનસ્થળો જોધપુર, ચિતૌડગઢ, ઉદેપુર, રણથંભોર અને જયપુરની સાથે જ મધ્યપ્રદેશના ખજૂરાહો અને ઉત્તરપ્રદેશનાં પર્યટન સ્થળો આગરાની સાથે વારાણસીની પણ મુસાફરી કરી શકે છે. આ ટ્રેનમાં રેસ્ટોરન્ટ, સલૂન, લોન્જબાર, LCD ટીવી, એસી, બેડરૂમ, જિમ, સપા અને બાર પણ છે. આ ટ્રેનમાં મુસાફરી કરવા માટે ઓછામાં ઓછી ટિકિટની કિંમત 3,63,300 રૂપિયાથી 7,56,000 રૂપિયા સુધીની હોય છે.
)
ડેક્કન ઓડિસી દુનિયાની લક્ઝરી ટ્રેનો પૈકીની એક છે. ભારતીય રેલવે દ્વારા ચલાવવામાં આવતી આ ટ્રેન મહારાષ્ટ્ર, રાજસ્થાન અને ગુજરાતનું દર્શન કરાવે છે. તમને જણાવી દઈએ કે, આ ટ્રેનનો રંગ નીલો છે અને તેમાં 5-સ્ટાર હોટલ, બે રેસ્ટોરન્ટ, કમ્પ્યૂટર, ઈન્ટરનેટ, બાર અને બિઝનેસ સેન્ટરની સાથે 21 લક્ઝરી કોચ છે. આ ટ્રેનનું ઓછામાં ઓછુ ભાડુ 5,12,400 રૂપિયાથી 11,09,850 રૂપિયા સુધીનું છે.
)
ધ ગોલ્ડન ચેરિયેટનો અર્થ થાય છે, સોનાનો રથ. જેવુ ટ્રેનનું નામ છે તેવી જ સુવિધાઓ છે. માત્ર ભારતમાં જ નહીં પરંતુ દુનિયાભરની સૌથી આલિશાન ટ્રેનમાં પણ ધ ગોલ્ડન ચેરિયેટનું નામ શુમાર છે. આ ટ્રેનને ભારતીય રેલવે અને કર્ણાટક સરકાર સંયુક્ત રૂપે ચલાવે છે. આ ટ્રેન દક્ષિણ ભારતના કર્ણાટક, કેરળ, તમિલનાડુ, પુડુચેરિ અને ગોવા દર્શન કરાવે છે. આ ટ્રેનનું ઓછામાં ઓછુ ભાડુ 3,36,137 રૂપિયા છે. જ્યારે 5,88,242 રૂપિયા મહત્તમ ભાડુ છે. આ ટ્રેનને 2013માં વર્લ્ડ ટ્રાવેલ એવોર્ડ્સ દ્વારા ‘એશિયાની લિડિંગ લક્ઝરી ટ્રેન’નાં ખિતાબથી નવાજવામાં આવી છે.
Newsletter
