અનકેપ્ડ ભારતીય બેટ્સમેન દ્વારા ચેન્નાઈ સુપર કિંગ્સ સામે આઈપીએલમાં સૌથી ઝડપી સદીથી લઈને એક ઓવરમાં 6 છગ્ગા સુધી આ યુવાને અનેક રેકોર્ડ નો...
)
પંજાબ કિંગ્સે IPL 2025ની 22મી મેચમાં ચેન્નાઈ સુપર કિંગ્સને 18 રનથી હરાવી સિઝનની તેમની ત્રીજી જીત નોંધાવી હતી. પંજાબની જીતનો હીરો 24 વર્ષનો વિસ્ફોટક બેટ્સમેન હતો, જેણે માત્ર 39 બોલમાં સદી ફટકારીને ઈતિહાસ રચ્યો હતો.
)
પંજાબ કિંગ્સના યુવા ઓપનર બેટ્સમેન પ્રિયાંશ આર્યએ ચેન્નાઈ સામે માત્ર 42 બોલમાં 103 રનની તોફાની સદી ફટકારી હતી. તેણે ઇનિંગમાં સાત ચોગ્ગા અને નવ છગ્ગા ફટકાર્યા હતા.
)
પ્રિયાંશે 100 રનનો આંકડો પાર કરવા માટે માત્ર 39 બોલ લીધા અને IPL ઇતિહાસમાં સૌથી ઝડપી સદી ફટકારનાર 5મો બેટ્સમેન બન્યો. એટલું જ નહીં, તે IPLમાં સૌથી ઝડપી સદી ફટકારનાર ભારતીય ખેલાડી પણ બની ગયો છે. યુસુફ પઠાણ પછી IPLમાં ભારતીય દ્વારા બીજી સૌથી ઝડપી સદી ફટકારવાનો રેકોર્ડ પણ તેના નામે છે.
)
ગયા વર્ષે દિલ્હી પ્રીમિયર લીગની શરૂઆતની સિઝનમાં એક ઓવરમાં છ સિક્સર ફટકારીને પ્રિયાંશ આર્ય સૌપ્રથમ ચર્ચામાં આવ્યો હતો. આ સિદ્ધિએ તેને સ્ટાર બનાવી દીધો. આ મેચમાં તેણે માત્ર 50 બોલમાં 120 રન બનાવ્યા હતા.
)
સ્થાનિક સ્તરે પ્રિયાંશ આર્યએ દિલ્હી માટે 11 T20 મેચ રમી હતી અને 2023-24 સૈયદ મુશ્તાક અલી ટ્રોફીમાં તેના રાજ્ય માટે સૌથી વધુ રન બનાવનાર ખેલાડી હતો, તેણે સાત મેચમાં 166.91ના સ્ટ્રાઈક રેટથી 222 રન બનાવ્યા હતા. તેના પ્રદર્શને આઈપીએલ સ્કાઉટ્સનું ધ્યાન આકર્ષિત કર્યું.
)
પ્રિયાંશ આર્યએ IPL 2025 મેગા ઓક્શન માટે રૂપિયા 30 લાખની બેઝ પ્રાઈસમાં રજીસ્ટ્રેશન કરાવ્યું હતું. દિલ્હી કેપિટલ્સ, મુંબઈ ઈન્ડિયન્સ અને રોયલ ચેલેન્જર્સ બેંગ્લોરે તેને ખરીદવા માટે બોલી લગાવી, પરંતુ અંતે પંજાબ કિંગ્સ ફ્રેન્ચાઈઝીએ બિડ જીતી લીધી. પંજાબ કિંગ્સે આ યુવા વિસ્ફોટક બેટ્સમેનને 3.8 કરોડ રૂપિયા આપીને ટીમમાં સામેલ કર્યો હતો, જે હવે આઈપીએલમાં ધૂમ મચાવી રહ્યો છે.
Newsletter
