અનૈતિક પ્રેમ સંબંધનો કરુણ અંજામ : સગા પિતાએ એક માસના બાળકને શ્વાસ રુંધી માર્યો, લાશ ડેમમાં ફેંકી

અનૈતિક પ્રેમથી જન્મેલા બાળકની હત્યા કરી, ગુટકાના થેલામાં જૂજ ડેમમાં ફેંકનારા હત્યારા માતા-બાપ પકડાયા

Navsari News : વાંસદામાં રહેતા પરિણીત પ્રેમીઓએ આડ બનેલા માસુમ બાળકનો બેરેહમીભર્યો નિકાલ કર્યો. સગા પિતાએ એક માસના જન્મેલા બાળકને શ્વાસ રૂંધી મારી નાંખ્યો હતો. બાળકને મારીને લાશને ગુટકાના થેલામાં પેક કરી જૂજ ડેમમાં ફેંકી હતી. એટલુ જ નહિ, બાળક પ્રત્યેનો પ્રેમ જતાવવા થેલામાં રમકડાં પણ મુક્યા. 14 મી જાન્યુઆરીએ થયેલા હત્યાના કેસને પોલીસે બરાબર એક મહિના બાદ ઉકેલ્યો છે.

ઘાસમાંથી સોય શોધવા જેવો અત્યંત મુશ્કેલ કેસને વાંસદા પોલીસે ઉકેલી કાઢ્યો છે. બાળકની હત્યા કરનાર સગા માતાપિતાને શોધી કાઢ્યા અને બંને આરોપીઓને કોર્ટમાં રજૂ કરી રિમાન્ડ મેળવવાની તજવીજ શરૂ કરી છે. બન્યુ એમ હતું કે, 14 જાન્યુઆરીના રોજ વાસદા તાલુકામાં આવેલા પાણી રાઇબોર ગામના બંધીયાર ફળિયાના પાસેના જૂજ ડેમના કિનારા પાસે એક વિમલના થેલામાં બાળકની લાશ મળી હતી. બાળક અંદાજે 5 થી 6 માસનું હોવાનુ તબીબી તપાસમાં સામે આવ્યુ હતું. ત્યારે વાંસદા પોલીસે આ બાળક કોનું છે કોને આવી રીતે હત્યા કરીને ફેંક્યું તે તપાસમાં લાગી હતી. આખરે પોલીસને સફળતા મળી હતી.

આ પણ વાંચો : 

બાળકનો મૃતદેહની તપાસ કરતા જાણવા મળ્યું કે, બાળકનું શરીર ફૂલી ગયું હતું અને તેની ઓળખ કરવી પણ અઘરી બની છે. તેના શરીરે ક્રીમ અને બ્લુ કલરનું ટીશર્ટ પહેર્યું હતું. ત્યારે બાળક વિશે જે હકીકત સામે આવી તે જાણીને પોલીસ પણ ચોંકી ઉઠી હતી. 

હકીકતમાં બાળકના સગા પિતાએ જ તેની હત્યા કરી હતી. પોતાનું પાપ છુપાવવા માટે તેણે બાળકનો શ્વાસ રુંધી તેને મારી નાંખી હતી. પરિણીત પ્રેમીઓએ પાપ છુપાવવા બાળકની નિર્દયી રીતે હત્યા કરી હતી. ત્યારે માતાપિતાની ધરપકડ કરીને વાંસદા પોલીસે આગળની કાર્યવાહી હાથ ધરી છે.  

આ પણ વાંચો :