રક્ષાબંધન બાદ રાખડીનું શું કરવું જોઇએ? ઉતારીને ક્યાં રાખવી, જોજો... તમે ભૂલ તો નથી કરી રહ્યા ને!

What to do with Rakhi after Festival: રક્ષાબંધનનો આ પવિત્ર તહેવાર ભારત અને અન્ય દેશોમાં ઉજવવામાં આવે છે જ્યાં હિન્દુ ધર્મના લોકો રહે છે. વાસ્તુશાસ્ત્રમાં રાખડી બાંધવાથી લઈને ઉતારવા સુધીના નિયમો જણાવવામાં આવ્યા છે.

Raksha Bandhan 2023 : હિન્દુ ધર્મમાં રક્ષાબંધન (Raksha Bandhan) નો તહેવાર ખૂબ જ પવિત્ર તહેવાર માનવામાં આવે છે. આ તહેવાર ભાઈ-બહેનના સંબંધોને મજબૂત બનાવે છે. રક્ષાબંધનના દિવસે બહેન ભાઈના કાંડા પર રાખડી બાંધે છે અને ભાઈ તેની બહેનને ભેટ આપે છે અને હંમેશા તેની રક્ષા કરવાનું વચન આપે છે. રક્ષાબંધનનો આ પવિત્ર તહેવાર ભારત અને અન્ય દેશોમાં ઉજવવામાં આવે છે જ્યાં હિન્દુ ધર્મના લોકો રહે છે. વાસ્તુશાસ્ત્રમાં રાખડી બાંધવાથી લઈને ઉતારવા સુધીના નિયમો જણાવવામાં આવ્યા છે.

–  રાખડીનો તહેવાર પૂરો થયા પછી ઘણા લોકો તેને ઉતારીને ફેંકી દે છે, પરંતુ આવું કરવું યોગ્ય નથી. વાસ્તુશાસ્ત્રનું માનવું છે કે આવું કરવાથી ભાઈ-બહેનના સંબંધો પર ખરાબ અસર પડે છે. એટલા માટે તમારે આ કરવાનું ટાળવું જોઈએ.

– રાખડી બહેન દ્વારા ભાઇના કાંડા પર બાંધવામાં આવેલું રક્ષા સૂત્રો હોય છે. માન્યતા છે કે રાખડીથી ભાઇની દરેક સ્થિતિમાં રક્ષા થાય છે. 

– ઘણા લોકો રાખડી ઉતારતી વખતે તોડી નાખે છે, પરંતુ આવું ન કરવું જોઈએ. રાખડીને કાંડામાંથી બરાબર કાઢી લેવી જોઈએ અને ત્યારબાદ આખી રાખડીને લાલ કપડામાં બાંધીને એવી જગ્યાએ રાખો જ્યાં ભાઈ-બહેન સાથે જોડાયેલી વસ્તુઓ રાખવામાં આવે.

– લાલ કપડાં બાંધીને રાખવામાં આવેલી રાખડીને આગામી વર્ષે રક્ષા બંધન પર વહેતા જળમાં પ્રવાહિત કરે છે. આમ કરવાથી ભાઇ-બહેનના સંબંધમાં મજબૂતી આવે છે. 

- જો તમારા કાંડા પર બાંધેલી રાખડી કોઈ કારણસર તૂટી ગઈ હોય અથવા ખંડિત ગઈ હોય. તો એવામાં આ પ્રકારની રાખડી ઘરમાં ન રાખવી જોઈએ. આવી રાખડીને ઝાડ નીચે કે પાણીમાં ચઢાવો. તેની સાથે એક સિક્કો પણ રાખવામાં આવે છે.

– હિંદુ માન્યતાઓ અનુસાર ખંડિત રાખડીને કોઇ ઝાડ અથવા જળમાં પ્રવાહિત કરી દેવાથી ઘરમાં બરકત રહે છે અને ભાઇ-બહેનના સંબંધમાં પ્રેમ અને મધુરતા આવે છે. 

(Disclaimer: અહીં આપવામાં આવેલી જાણકારી સામાન્ય માન્યતાઓ અને જાણકારી પર આધારિત છે.  ZEE 24 KALAK તેની પુષ્ટિ કરતું નથી.)