સિંધુએ આ રીતે કરી વર્લ્ડ ચેમ્પિયનશિપની તૈયારી, જુઓ Video

મહિન્દ્રા ગ્રુપના ચેરમેન આનંદ મહિન્દ્રાએ પીવી સિંધુના વર્કઆઉટનો એક વીડિયો પોસ્ટ કર્યો છે. આ વીડિયોમાં સિંધુની ચેમ્પિયન બનવા પાછળની જે આકરી મહેનત છે તેની નાની ઝલક દેખાઈ છે.

નવી દિલ્હીઃ વર્લ્ડ ચેમ્પિયન પીવી સિંધુનો એક વીડિયો સોશિયલ મીડિયા પર ખૂબ વાયરલ થી રહ્યો છે. આ વીડિયોને મહિન્દ્રા ગ્રુપના ચેરમેન આનંદ મહિન્દ્રાએ પણ શેર કર્યો છે અને તેમણે શેર કરતા લખ્યું કે, તેઓ આ વીડિયોને જોઈને થાકી ગયા. સિંધુએ રવિવારે વર્લ્ડ ચેમ્પિયનશિપમાં ગોલ્ડ મેડલ જીત્યો અને સ્વદેશ પરત ફર્યા બાદ મંગળવારે વડાપ્રધાન નરેન્દ્ર મોદી અને ખેલ પ્રધાન કિરણ રિજિજૂ સાથે મુલાકાત કરી હતી. આ વીડિયોમાં જોવા મળી રહ્યું છે કે સિંધુએ વર્લ્ડ ચેમ્પિયનશિપની તૈયારી કઈ રીતે કરી હતી. 

આનંદ મહિન્દ્રાએ આ વીડિયો શેર કરતા લખ્યું, 'Brutal. હું આ વીડિયોને જોઈ થાકી ગયો. પરંતુ હવે તેમાં કોઈ રહસ્ય રહી ગયું નથી કે સિંધુ વર્લ્ડ ચેમ્પિયન કેમ બની. ભારતના યુવા ખેલાડીઓ પણ હવે સિંધુના પગલા પર ચાલશે. સિંધુએ ફાઇનલમાં જાપાનની નોઝામી ઓકુહારાને એકતરફી મેચમાં હરાવીને ભારતને બેડમિન્ટન વર્લ્ડ ચેમ્પિયનશિપમાં પ્રથમ ગોલ્ડ મેડલ અપાવ્યો હતો. 

Brutal. I’m exhausted just watching this. But now there’s no mystery about why she’s the World Champ. A whole generation of budding Indian sportspersons will follow her lead & not shrink from the commitment required to get to the top... pic.twitter.com/EYPp677AjU

— anand mahindra (@anandmahindra) August 27, 2019

પીવી સિંધુ છેલ્લા બે વર્ષથી વિશ્વ ચેમ્પિયનશિપની ફાઇનલમાં હારી હતી, પરંતુ આ વખતે તેણે કોઈ ભૂલ ન કરી અને શાનદાર પ્રદર્શન કરતા ઓકુહારાને હરાવી હતી. ઓલિમ્પિકમાં સિલ્વર મેડલ વિજેતા સિંધુનો વિશ્વ ચેમ્પિયનશિપમાં આ પાંચમો મેડલ છે. તે આ પહેલા બે સિલ્વર અને બે બ્રોન્ઝ મેડલ જીતી ચુક્યો છે.