ઓવલના પીચ ક્યુરેટર અને ગૌતમ ગંભીર વચ્ચે બબાલ ! વીડિયો થયો વાયરલ

Gautam Gambhir : ભારત અને ઇંગ્લેન્ડ વચ્ચે 5 મેચની ટેસ્ટ શ્રેણીની છેલ્લી મેચ ગુરુવારથી રમાશે. પરંતુ આ મેચ પહેલા એક વિવાદાસ્પદ સમાચાર સામે આવ્યા છે. ઓવલના પીચ ક્યુરેટર અને ગૌતમ ગંભીર વચ્ચે ગરમાગરમી થઈ હોવાનો એક વીડિયો સોશિયલ મીડિયા પર વાયરલ થયો છે.

Gautam Gambhir : બુધવારે ભારતીય ટીમના મુખ્ય કોચ ગૌતમ ગંભીર અને ઓવલ ક્રિકેટ ગ્રાઉન્ડના ચીફ ક્યુરેટર લી ફોર્ટિસ વચ્ચે ઉગ્ર ચર્ચા જોવા મળી. આ ઘટના 31 જુલાઈથી લંડનના ઓવલ ખાતે રમાનારી અંતિમ ટેસ્ટ મેચ પહેલા બની હતી. પીટીઆઈ અનુસાર, ગંભીર પિચને લઈને ગુસ્સે દેખાતો હતો અને તે ગ્રાઉન્ડ પર પહોંચ્યો અને ક્યુરેટર સાથે સીધી વાત કરી. પિચની સ્થિતિ અને વર્તનને લઈને બંને વચ્ચે મતભેદ જોવા મળ્યો.

ભારત અને ઇંગ્લેન્ડ વચ્ચેની શ્રેણીની ચોથી ટેસ્ટ માન્ચેસ્ટરમાં ડ્રો થઈ હતી. હાલમાં ઇંગ્લેન્ડ શ્રેણીમાં 2-1થી આગળ છે અને ભારત પાસે આ અંતિમ મેચ જીતીને શ્રેણી બરાબર કરવાની તક છે. આવી સ્થિતિમાં ટીમ મેનેજમેન્ટ પિચ સંબંધિત કોઈપણ પ્રકારની અનિશ્ચિતતા કે આશ્ચર્ય ઇચ્છતું નથી. હવે બધાની નજર ઓવલ ટેસ્ટ પર છે, જ્યાં એ જોવું રસપ્રદ રહેશે કે પિચ બેટ્સમેનોને ટેકો આપે છે કે બોલરોને ફાયદો પહોંચાડે છે.

VIDEO | Indian team's head coach Gautam Gambhir was seen having verbal spat with chief curator Lee Fortis at The Oval Cricket Ground in London ahead of the last Test match of the series starting Thursday.

After having drawn the fourth Test at Old Trafford, India have a chance… pic.twitter.com/hfjHOg9uPf

— Press Trust of India (@PTI_News) July 29, 2025

ગંભીર અને ક્યુરેટર વચ્ચે શું ચર્ચા થઈ ?

સૂત્રોના જણાવ્યા અનુસાર, લંડનના ઓવલ ગ્રાઉન્ડના ચીફ ક્યુરેટર ગૌતમ ગંભીર અને લી ફોર્ટિસ વચ્ચે ઉગ્ર બોલાચાલી થઈ હતી. ગંભીરને કહેતા સાંભળવામાં આવ્યો હતો કે, 'તમે અહીં ફક્ત ગ્રાઉન્ડ મેન છો.' આ દલીલ નેટ્સમાં થઈ હતી, જ્યારે ખેલાડીઓ તેમના રન-અપ એરિયાને માર્ક કરી રહ્યા હતા. બાદમાં બેટિંગ કોચ સિતાશુ કોટક આવ્યા અને ક્યુરેટરને પોતાની સાથે લઈ ગયા અને તેમની સાથે વાત કરી, જ્યારે ગંભીર હજુ પણ દૂરથી ક્યુરેટર સાથે દલીલ કરી રહ્યો હતો.

🚨 Just In: Gautam Gambhir involved in a heated argument with The Oval Stadium’s pitch curator.
Here’s a glimpse of the confrontation — full video drops soon on our YouTube channel! 👀📹 #Gambhir #OvalTest #Cricket #ENGvsIND #INDvsENG
📸 @AnkanKar pic.twitter.com/gJlwWU6u5Z

— Ray Sportz Cricket (@raysportz_cric) July 29, 2025

બીજી તરફ, માન્ચેસ્ટર ટેસ્ટમાં અડધી સદી અને શૂન્ય રન બનાવનાર સાઈ સુદર્શન પ્રેક્ટિસ માટે વહેલા મેદાન પર પહોંચ્યો હતો. તો સ્પિનર કુલદીપ યાદવ પણ સખત મહેનત કરતો જોવા મળ્યો હતો.