SAvsIND: ભારત સામે વનડે સિરીઝ માટે આફ્રિકાની ટીમ જાહેર, 9 મહિના બાદ ફાફની વાપસી

નવી દિલ્હીઃ ભારતીય ક્રિકેટ ટીમે ન્યૂઝીલેન્ડ સામે થયેલા કારમા પરાજય બાદ હવે ઘર પર દક્ષિણ આફ્રિકાની ટીમનો સામનો કરવાનો છે. સોમવારે દક્ષિણ આફ્રિકા ક્રિકેટે ભારતની સાથે રમાનારી ત્રણ મેચોની વનડે સિરીઝ માટે પોતાની ટીમ જાહેર કરી છે. આ ટીમમાં પૂર્વ કેપ્ટન ફાફ ડુ પ્લેસિસનું નામ પણ સામેલ છે. 

દક્ષિણ આફ્રિકા ક્રિકેટે ભારત વિરુદ્દ આ મહિને રમાનારી ત્રણ મેચોની વનડે સિરીઝ માટે 12 સભ્યોની ટીમની જાહેરાત કરી છે. સોમવારે ટીમની જાહેરાત કરવામાં આવી અને તેમાં પૂર્વ કેપ્ટન ફાફ ડુ પ્લેસિસની વાપસી થઈ છે. આઈસીસી વિશ્વકપ બાદથી ડુ પ્લેસિસે આફ્રિકા માટે કોઈ વનડે મેચ રમી નથી. 

વિશ્વકપ બાદ વનડે ટીમમાં ફાફની વાપસી
પૂર્વ કેપ્ટન ફાફ ડુ પ્લેસિસ આફ્રિકા માટે છેલ્લે વનડે મેચમાં વિશ્વકપ દરમિયાન ઓસ્ટ્રેલિયા સામે ઉતર્યો હતો. 6 જુલાઈએ તેણે પોતાની છેલ્લી વનડે મેચ રમી હતી. 

#BreakingNews Left-arm spinner, George Linde has received his maiden call-up into the Proteas’ ODI team ahead of their short outbound tour to India from 12-17 March 2020. It will consist of a 3-match ODI series taking place in Dharamsala, Lucknow and Kolkata. #INDvSA #Thread pic.twitter.com/UBo47w70du

— Cricket South Africa (@OfficialCSA) March 2, 2020

ભારતના પ્રવાસે આવનાર આફ્રિકાની ટીમ
ક્વિન્ટન ડિ કોક (કેપ્ટન), ટેમ્બા બાવુમા, વાન ડેર ડુસેન, ફાફ ડુ પ્લેસિસ, કાઇવલ વેરેયને, હેનરિક ક્લાસેન, ડેવિડ મિલર, જાન જાન સ્મુટ્સ, એન્ડિલે ફેહલુકવાયો, લુંગી એન્ગિડી, લુથો સિપામ્લા, બ્યૂરેન હેન્ડ્રિક્સ, એનરિચ નોર્ત્જે, જોર્જ લિન્ડે, કેશવ મહારાજ. 

ભારત અને આફ્રિકા સિરીઝ કાર્યક્રમ
બંન્ને દેશો વચ્ચે ત્રણ વનડે મેચ રમાશે. પ્રથમ મેચ 12 માર્ચે ધર્મશાળામાં રમાશે. બીજી મેચ 15 માર્ચે લખનઉમાં રમાશે જ્યારે અંતિમ મેચ 18 માર્ચ કોલકત્તાના ઇડન ગાર્ડનમાં રમાવાની છે. 

જુઓ LIVE TV