આ ઘાતક ઓલરાઉન્ડરની કોઈ પણ સંજોગોમાં વાપસી કરાવશે રોહિત! વેસ્ટ ઈન્ડિઝની હાલત થશે ખરાબ?

વેસ્ટ ઈન્ડિઝ સામે ટીમ ઈન્ડિયા ત્રણ મેચની વનડે સીરીઝની પ્રથમ મેચ 6 ફેબ્રુઆરીએ અમદાવાદમાં રમશે. આ શ્રેણી માટે ટીમ ઈન્ડિયામાં એક સ્ટાર ઓલરાઉન્ડરનો સમાવેશ થઈ શકે છે.

નવી દિલ્હીઃ વેસ્ટ ઈન્ડિઝ સામે ભારતીય ટીમ 6 ફેબ્રુઆરીથી વનડે મેચોની સીરીઝ રમશે. આ મેચથી નિયમિત કેપ્ટન રોહિત શર્મા વાપસી કરશે. રોહિત શર્માની વાપસીની સાથે જ એક ઘાતક ઓલરાઉન્ડરને ટીમમાં જગ્યા મળશે. જે પોતાના દમ પર મેચ બદલવાની ક્ષમતા ધરાવે છે. આ ખેલાડીમાં થોડા બોલમાં જ મેચ જીતાડવાની ક્ષમતા ધરાવે છે. આ ખેલાડી તેની સ્લેયર બોલિંગ અને ડેશિંગ બેટિંગ માટે જાણીતો છે.

આ ખેલાડી મળી શકે છે સ્થાન!

વેસ્ટ ઈન્ડિઝ સામેની સીરીઝમાં સ્ટાર ઓલરાઉન્ડર વોશિંગ્ટન સુંદરને સામેલ કરવામાં આવી શકે છે. સુંદર કોરોના પોઝિટિવ થયો હતો, તેથી દક્ષિણ આફ્રિકા પ્રવાસ પર જયંત યાદવને તેની જગ્યાએ સામેલ કરવામાં આવ્યો હતો. દક્ષિણ આફ્રિકાના પ્રવાસમાં જયંતનું પ્રદર્શન ઘણું ખરાબ રહ્યું છે. આફ્રિકા સામેની ત્રીજી વનડેમાં તે સૌથી મોટો વિલન સાબિત થયો હતો. આવી સ્થિતિમાં હવે વોશિંગ્ટન સુંદર વેસ્ટ ઈન્ડિઝ શ્રેણીમાં વાપસી કરી શકે છે. સુંદર ખૂબ જ ઘાતક ફોર્મમાં ચાલી રહ્યો છે. તે હંમેશા મેચ જીતવા માટે જાણીતો છે અને તે ફિનિશરની ભૂમિકા પણ ભજવી શકે છે.

ભારત માટે રમ્યા ત્રણેય ફોર્મેટમાં

વોશિંગ્ટન સુંદરે વિજય હજારે ટ્રોફીમાં પોતાની રમતથી બધાનું દિલ જીતી લીધું હતું. સેમિફાઇનલ મેચમાં આ ખેલાડીએ સૌરાષ્ટ્ર સામે 61 બોલમાં 70 રન બનાવ્યા હતા જેમાં 8 ચોગ્ગા સામેલ હતા. બેટિંગની સાથે સુંદર તેની કિલર બોલિંગ માટે પણ જાણીતો છે. કોઈપણ બેટ્સમેન માટે તેના બોલ રમવું સરળ નથી. તે ત્રણેય ફોર્મેટમાં ભારત માટે રમે છે. તેણે ભારત માટે ચાર ટેસ્ટ મેચ, 1 ODI અને 30 T20 મેચ રમી છે. ભારતની પીચો હંમેશા સ્પિનરોને સાથ આપે છે. આવી સ્થિતિમાં સુંદર વેસ્ટ ઈન્ડિઝ સામે પોતાની બોલિંગથી હંગામો મચાવી શકે છે.

ભારત-વેસ્ટ ઈન્ડિઝ વનડે સીરીઝનું શેડ્યૂલ

6 ફેબ્રુઆરી - પહેલી વનડે, અમદાવાદ

9 ફેબ્રુઆરી - બીજી વનડે, અમદાવાદ

11 ફેબ્રુઆરી - ત્રીજી વનડે, અમદાવાદ

ભારત-વેસ્ટ ઈન્ડિઝ ટી20 સીરીઝનું શેડ્યૂલ

16 ફેબ્રુઆરી - પહેલી T20, કોલકાતા

 18 ફેબ્રુઆરી - બીજી T20, કોલકાતા

 20 ફેબ્રુઆરી - ત્રીજી T20, કોલકાતા