MI vs RR Pitch Report: શું રોહિતના જન્મદિવસે જીતની શાનદાર ગિફ્ટ આપશે મુંબઈ? જાણો પીચ રિપોર્ટ

MI vs RR Pitch Report: IPL 2023 ની 42મી મેચમાં આજે RR અને MI વચ્ચે કાંટાની ટક્કર જોવા મળી શકે છે. જોકે ફેન્સ આ મેચમાં હવામાનને લઈને ખૂબ જ ચિંતિત છે કારણકે મેચ દરમિયાન વરસાદની શક્યતા છે..

IPL 2023: 42મી મેચ રવિવારે વાનખેડે ખાતે મુંબઈ ઈન્ડિયન્સ અને રાજસ્થાન રોયલ્સ (MI vs RR) વચ્ચે રમાશે. મુંબઈના કેપ્ટન રોહિત શર્મા માટે આ મેચ ખૂબ જ ખાસ રહેશે. કારણ કે આજે રોહિત શર્માનો જન્મદિવસ છે. આવી સ્થિતિમાં ટીમ રોહિતને જીતની ભેટ આપવાનો પ્રયાસ કરશે.

IPL 2023ની 42મી મેચમાં બંને ટીમો વચ્ચે ક્લોઝ ફાઈટ જોવા મળી શકે છે. ચાહકો આ મેચમાં હવામાનને લઈને ખૂબ જ ચિંતિત છે કે વરસાદ મેચને બગાડી શકે છે. જ્યારે, વાનખેડેની પીચ બેટ્સમેન માટે સ્વર્ગ સમાન છે. ચાલો જાણીએ પીચ રિપોર્ટ અને હવામાનની સ્થિતિ.

આ પણ વાંચો:
બોલિવૂડ સુપર સ્ટાર અક્ષય કુમારે UAEમાં નિર્માણાધીન BAPS હિંદુ મંદિરની લીધી મુલાકાત
જાણો એપ્રિલ મહિનાનો છેલ્લો દિવસ તમામ રાશિના જાતકો માટે કેવો રહેશે
વસ્તી વધારવા ચીનનો નવો પેતરો! બાળકો પેદા કરવા મહિલાઓ માટે લાગુ કરાયો વિચિત્ર નિયમ

MI vs RR: વાનખેડે પિચ રિપોર્ટ
મુંબઈના વાનખેડે સ્ટેડિયમમાં મુંબઈ ઈન્ડિયન્સ અને રાજસ્થાન રોયલ્સ વચ્ચે રોમાંચક મેચ રમાશે. MI હોમ ગ્રાઉન્ડ પર રમાનાર આ મેચમાં જીત નોંધાવવા ઈચ્છશે. બીજી તરફ પીચની વાત કરીએ તો તે બેટ્સમેનો માટે ફાયદાકારક સાબિત થઈ છે. અહીં રમાયેલી મોટાભાગની મેચો હાઈ સ્કોરિંગ રહી છે. ફાસ્ટ આઉટફિલ્ડને કારણે વાનખેડે પિચને બેટિંગનું સ્વર્ગ માનવામાં આવે છે. અહીં IPLમાં પ્રથમ બેટિંગ કરતી વખતે સરેરાશ સ્કોર 167 રહ્યો છે. બીજા દાવમાં પિચ બોલરો માટે મદદરૂપ સાબિત થાય છે. જો કે, MI vs RR વચ્ચેની મેચ સાંજે છે. ટોસ જીત્યા બાદ પ્રથમ બેટિંગ કરવી અહીં ફાયદાકારક રહી શકે છે. 

MI vs RR હવામાન
મુંબઈ અને રાજસ્થાન વચ્ચેની મેચ પર હવામાનની અસર થઈ શકે છે. રવિવારે આકાશ વાદળછાયું રહી શકે છે. વરસાદની સંભાવના છે. તાપમાન 31 થી 27 ડિગ્રી સેલ્સિયસ વચ્ચે રહેશે. તે જ સમયે, પવન 19 કિલોમીટર પ્રતિ કલાકની ઝડપે ફૂંકાશે, જ્યારે ભેજ 64 ટકા સુધી રહેવાની ધારણા છે.