લાઈવ મેચમાં કિસ...ક્રિકેટ ગ્રાઉન્ડ બન્યું 'સિનેમા', મહિલા ફેનનું 'KISS કાંડ'

Kiss During Live Match : ક્રિકેટની દુનિયામાં અનેક વિચિત્ર ઘટનાઓ બનતી હોય છે, ત્યારે આવી જ એક ઘટના ભારતીય ક્રિકેટર સાથે બની હતી. એક મહિલા ફેને લાઈવ મેચમાં આ ક્રિકેટરને જાહેરમાં કિસ કરી હતી.

Kiss During Live Match : ક્રિકેટની દુનિયામાં અત્યાર સુધી ફક્ત બે જ વાર એવી ઘટના બની છે જ્યારે કોઈ મહિલા ચાહકે મેદાન પર કોઈ બેટ્સમેનને જાહેરમાં કિસ કરી હોય. રસપ્રદ વાત એ છે કે બંને ઘટનાઓ ભારતીય ક્રિકેટરો સાથે સંબંધિત છે. આવી જ એક યાદગાર ઘટના 1960ના દાયકાના ક્રિકેટર અબ્બાસ અલી બેગ સાથે બની હતી. તે પોતાના સમયમાં ખૂબ જ સુંદર અને દેખાવડો હતો. તેની મોટી ફેન ફોલોઇંગ હતી અને તે એક જબરદસ્ત બેટ્સમેન પણ હતો.

'ગ્લેમર બોય' અબ્બાસ અલી બેગ

તે જમાનામાં છોકરીઓમાં બેગ માટે ખૂબ જ ક્રેઝ હતો. તેનો ચાર્મ એટલો હતો કે તે જ્યાં પણ જતો, તે છોકરીઓમાં આકર્ષણનું કેન્દ્ર બની જતો. અબ્બાસ અલી બેગ હૈદરાબાદનો રહેવાસી હતો અને એક શ્રીમંત પરિવારનો હતો. તેણે લંડનની કેમ્બ્રિજ યુનિવર્સિટીમાં અભ્યાસ કર્યો હતો, જ્યાં તે યુનિવર્સિટીની ક્રિકેટ ટીમ માટે પણ રમ્યો હતો. તેને ભારતીય ક્રિકેટનો 'ગ્લેમર બોય' કહેવામાં આવતો હતો.

મુંબઈની એ ઐતિહાસિક ક્ષણ

જાન્યુઆરી 1960માં ઓસ્ટ્રેલિયા સામેની ટેસ્ટ મેચ દરમિયાન અબ્બાસ અલી બેગે પોતાની બીજી અડધી સદી ફટકારી હતી. એ જ દિવસે એક ઘટના બની જેની આજે પણ ચર્ચા થાય છે. મુંબઈના બ્રેબોર્ન સ્ટેડિયમના નોર્થ સ્ટેન્ડ પરથી 20 વર્ષની એક યુવતી દોડતી આવી અને કોઈ કંઈ રિએક્શન આપે તે પહેલાં જ તે અબ્બાસ અલી બેગ પાસે પહોંચી અને તેના ગાલ પર કિસ કરી. બેગે પહેલી ઇનિંગમાં પણ અડધી સદી ફટકારી હતી.

વિજય મર્ચન્ટ ચોંકી ગયા

આ ઘટનાએ ઘણા લોકોને ચોંકાવી દીધા અને દેશભરમાં સનસનાટી મચાવી દીધી. તેણે અબ્બાસ અલી બેગને એક અનોખા રેકોર્ડમાં પણ સ્થાન આપ્યું. તે એવો પહેલો ક્રિકેટર બન્યો, જેને મહિલા ફેને મેદાન પર જ કિસ કરી હોય. તે સમયે ઓલ ઈન્ડિયા રેડિયો પર કોમેન્ટ્રી કરી રહેલા ભૂતપૂર્વ ક્રિકેટર વિજય મર્ચન્ટે એક રમુજી કમેન્ટ કરી. તે પોતાને એમ કહેતા રોકી શક્યા નહીં કે, "મને આશ્ચર્ય થાય છે કે જ્યારે હું સદી અને બેવડી સદી ફટકારી રહ્યો હતો ત્યારે આ બધી યુવતીઓ ક્યાં હતી."

યુવતીની ઓળખ આજ સુધી થઈ નથી

અબ્બાસ અલી બેગને કિસ કરનારી મહિલાની ઓળખ આજ સુધી રહસ્ય છે. કોઈ જાણી શક્યું નથી કે તે કોણ હતી. અબ્બાસ અલી બેગ એક ક્રિકેટર હતા જેમણે પોતાની શરૂઆત ટેસ્ટ મેચમાં સદી ફટકારીને કરી હતી, પરંતુ તે પછી તેમને વધારે સફળતા મળી નહોતી. તેઓ ફક્ત 10 ટેસ્ટ મેચ રમી શક્યા અને આ સમય દરમિયાન તેમણે 23.77ની સરેરાશથી 428 રન બનાવ્યા. તેમના નામે એક સદી છે. બેગે 235 ફર્સ્ટ ક્લાસ મેચમાં 12,367 રન બનાવ્યા. આ સમય દરમિયાન તેમણે 21 સદી અને 64 અડધી સદી ફટકારી. તેઓ ફર્સ્ટ ક્લાસમાં ખૂબ જ સફળ રહ્યા, પરંતુ આંતરરાષ્ટ્રીય ક્રિકેટમાં તેમને વધારે સફળતા મળી નહીં.