રાંચીમાં ક્રિકેટ નહીં, ટેનિસ રમતો જોવા મળ્યો ધોની, વીડિયો વાયરલ

ભારતીય ટીમથી બહાર ચાલી રહેલા પૂર્વ કેપ્ટન એમએસ ધોની રાંચીમાં ટેનિસ રમતો જોવા મળ્યો હતો.

નવી દિલ્હીઃ ભારતીય ક્રિકેટ ટીમના પૂર્વ કેપ્ટન એમએસ ધોની રાંચીમાં ઝારખંડ સ્ટેટ ક્રિકેટ એસોસિએશન કોમ્પલેક્સમાં ટેનિસ ટૂર્નામેન્ટમાં ભાગ લેતા જોવા મળ્યા હતા. આ વર્ષે જુલાઇમાં ઈંગ્લેન્ડ અને વેલ્સમાં રમાયેલા વિશ્વ કપ બાદ ધોનીએ ક્રિકેટથી બ્રેક લીધો છે. 

ટેનિસ ટૂર્નામેન્ટમાં રમતા તેનો ફોટો લેવામાં આવ્યો, જે સોશિયલ મીડિયા પર રવિવારે વાયરલ થયો હતો. ફોટોને સૌથી પહેલા એક ફેને શેર કર્યો હતો. ત્યારબાદ ઈન્ડિયન પ્રીમિયર લીગ (આઈપીએલ)ની ટીમ ચેન્નઈ સુપર કિંગ્સે તે ફોટોને ટ્વીટ કર્યો હતો. એક ફેને તેનો વીડિયો પણ ટ્વીટર પર અપલોડ કર્યો છે. 

Master of all sports! ❤️😇

This one is for all @msdhoni fans who were missing him in action. Here’s your weekend delight.

Mahi is back in action, playing his first match of Tennis Championship in JSCA, Ranchi.#MSDhoni #Dhoni #RanchiDiaries pic.twitter.com/kLaLol0mU4

— MS Dhoni Fans Official (@msdfansofficial) November 8, 2019

સીએસકેએ પોતાની પોસ્ટમાં લખ્યું, 'કિંગ તમારી સેવામાં' ધોની લાંબા સમયથી ટીમથી બહાર ચાલી રહ્યો છે અને તેવી અટકળો લગાવવામાં આવી રહી છે કે તે ગમે ત્યારે આંતરરાષ્ટ્રીય ક્રિકેટને અલવિદા કહી શકે છે.