Cricketer Death : ચેમ્પિયન્સ ટ્રોફી વચ્ચે આવ્યા ખરાબ સમાચાર...ડેબ્યૂમાં સદી ફટકારનાર દિગ્ગજ બેટ્સમેનનું નિધન

Cricketer Death : ચેમ્પિયન્સ ટ્રોફી વચ્ચે એક માઠા સમાચાર સામે આવ્યા છે. ક્રિકેટ જગતમાં એકાએક શોકનું મોજુ ફરી વળ્યું છે. દક્ષિણ આફ્રિકાના દિગ્ગજ ક્રિકેટરનું અચાનક અવસાન થયું છે. આ ક્રિકેટરના નિધનથી તેનો પરિવાર અને ચાહકો પણ આઘાતમાં છે.

Cricketer Death : ICC ચેમ્પિયન્સ ટ્રોફી વચ્ચે એક ખરાબ સમાચાર સામે આવ્યા છે. ક્રિકેટ જગતમાં એકાએક શોકનું મોજુ ફરી વળ્યું છે. વિશ્વ ક્રિકેટના એક દિગ્ગજ ક્રિકેટરનું અચાનક અવસાન થયું છે. આ ક્રિકેટરના નિધનથી તેનો પરિવાર અને ચાહકો પણ આઘાતમાં છે. દક્ષિણ આફ્રિકાના ક્રિકેટર રોન ડ્રેપે 28 ફેબ્રુઆરીએ અંતિમ શ્વાસ લીધા હતા.

અનુભવી બેટ્સમેનનું નિધન

સૌથી વૃદ્ધ ટેસ્ટ ક્રિકેટર રોન ડ્રેપરનું 98 વર્ષ અને 63 દિવસની વયે અવસાન થયું છે. રોન ડ્રેપર ટોપ ક્રમના બેટ્સમેન હતા. રોન ડ્રેપરે 1950માં ઓસ્ટ્રેલિયા સામેની બે ટેસ્ટ મેચોમાં દક્ષિણ આફ્રિકાની ટીમનું પ્રતિનિધિત્વ કર્યું હતું. રોન ડ્રેપર બાદ હવે નીલ હાર્વે 96 વર્ષની વયે સૌથી વૃદ્ધ જીવિત ટેસ્ટ ક્રિકેટર બની ગયા છે.

ડેબ્યૂમાં સદી ફટકારી

રોન ડ્રેપરે 1945માં તેના 19મા જન્મદિવસે પૂર્વીય પ્રાંત માટે નંબર 3 પર બેટિંગ કરતી વખતે ફર્સ્ટ-ક્લાસ ક્રિકેટમાં પદાર્પણ કરતી વખતે સદી ફટકારી હતી. રોન ડ્રેપરે 1946-47માં પૂર્વીય પ્રાંત માટે વિકેટકીપર પણ રહ્યા હતા, આ ભૂમિકા તેમણે તેમની કારકિર્દીમાં ક્યારેક ક્યારેક જ નિભાવી હતી.

રોન ડ્રેપર સહિત 4 દક્ષિણ આફ્રિકાના ખેલાડીઓએ ડેબ્યુ કર્યું 

રોન ડ્રેપર 1949-50માં ઓસ્ટ્રેલિયાનો પ્રવાસ કરનાર દક્ષિણ આફ્રિકન XI માટે વિકેટકીપર પણ હતા, ત્યારબાદ તેમણે ઓસ્ટ્રેલિયા સામે પૂર્વીય પ્રાંત માટે ઓપનિંગ કરતી વખતે 86 રન બનાવ્યા હતા. દક્ષિણ આફ્રિકા ઓસ્ટ્રેલિયા સામે પ્રથમ ત્રણ ટેસ્ટ હારી ગયું અને ચોથી મેચ માટે રોન ડ્રેપરની પસંદગી કરવામાં આવી. તે મેચમાં રોન ડ્રેપર સહિત ચાર દક્ષિણ આફ્રિકાના ખેલાડીઓએ ડેબ્યુ કર્યું હતું. રોન ડ્રેપરે 15 રન બનાવ્યા અને મેચ ડ્રો રહી. પાંચમી ટેસ્ટમાં તેમણે 7 અને 3 રન બનાવ્યા અને સાઉથ આફ્રિકા એક ઇનિંગ્સથી હારી ગયું.