વર્લ્ડ બેડમિન્ટન ચેમ્પિયનશિપઃ પીવી સિંધુએ બનાવી ક્વાર્ટર ફાઇનલમાં જગ્યા

ગત વર્ષ વિશ્વ બેડમિન્ટન ચેમ્પિયનશિપના ફાઇનલમાં જ સિંધુએ ઓકુહારાના હાથે હારનો સામનો કરવો પડ્યો હતો.

નાનજિંગ (ચીન): ગત વર્ષે વર્લ્ડ બેડમિન્ટન ચેમ્પિયનશિપમાં સિલ્વર મેડલ જીતનાર ભારતીય બેડમિન્ટનખેલાડી પીવી સિંધુએ પોતાનું સારૂ પ્રદર્શન જાળવી રાખતા ગુરૂવારે આ ચેમ્પિયનશિપના ક્વાર્ટર ફાઇનલમાં પ્રવેશ કરી લીધો. મહિલા સિંગલ્સના પ્રી-ક્વાર્ટર ફાઇનલમાં વર્લ્ડ નંબર-3 સિંધુએ દક્ષિણ કોરિયાની સુંગ જી હ્યયૂનને પરાજય આપ્યો. 

સિંધુએ વર્લ્ડ નંબર-9 હ્યયૂનને 42 મિનિટોની અંદર સીધા ગેમમાં 21-10, 21-18થી પરાજય આપીને ક્વાર્ટર ફાઇનલમાં પ્રવેશ કરી લીધો છે. વર્ષ 2013 અને 2014માં વિશ્વ બેડમિન્ટન ચેમ્પિયનશિનો બ્રોન્ઝ મેડલ પોતાના નામે કરનારી સિંધુનો સામનો હવે ક્વાર્ટર ફાઇનલમાં જાપાનની વર્લ્ડ નંબર-6 અને તેની કટ્ટર હરીફ નોજોમી ઓકુહારાની સામે થશે. 

4th Indian to reach the Quarters of World Championship!

Sheer dominion from World No3 @Pvsindhu1 as she gets the better of 🇰🇷 Sung JH without dropping a game at 21-10,21-18.She next faces 🇯🇵 challenge from @nozomi_o11 in the QF #IndiaontheRise pic.twitter.com/gCooHbFI4L

— BAI Media (@BAI_Media) August 2, 2018

ગત વર્ષે વિશ્વ બેડમિન્ટન ચેમ્પિયનશિપના ફાઇનલમાં સિંધુનો ઓકુહારાના હાથે હારનો સામનો કરવો પડ્યો હતો અને આ કારણે તે ગોલ્ડ મેડલ જીતવાથી ચુકી ગઈ હતી. 

બીડબ્લ્યૂએફ વિશ્વ ચેમ્પિયનશિપમાં ભારતની આશાનો ભાર સ્ટાર ખેલાડી પીવી સિંધુ, સાયના નેહવાલ પર ટકેલો છે.