ICCની બે ટીમમાં પસંદ થઈ સ્મૃતિ મંધાનાઃ 'વન ડે ટીમ ઓફ ધ યર'માં 4 ભારતીય

આઈસીસીએ(ICC) મંગળવારે 'ટીમ ઓફ ધ યર' (Team of the Year) અને 'પ્લેયર ઓફ ધ યર'ની (Player of the Year) જાહેરાત કરી હતી. ઓસ્ટ્રેલિયાની એલિસ પેરીને(Ellyse Perry) 'મહિલા ક્રિકેટર ઓફ ધ યર-2019' (Woman Cricketer of the Year-2019) પસંદ કરવામાં આવી છે.

દુબઈઃ વર્ષ 2019માં શાનદાર પ્રદર્શન કરનારી સ્મૃતિ મંધાના(Smriti Mandhana) આઈસીસીની(ICC) વનડે(One Day) અને ટી20(T20) ટીમ ઓફ ધ યર(Team of the Year) પસંદ કરવામાં આવી છે. મંધાના ઉપરાંત 5 અન્ય ભારતીય ખેલાડીઓને આઈસીસી ટીમ ઓફ ધ યરમાં(Team of the Year) સ્થાન મળ્યું છે. જોકે, આ ખેલાડીઓને વન ડે કે ટી20માં સ્થાન મળ્યું નથી. સ્મૃતિ મંધાના(Smriti Mandhana) એકમાત્ર ભારતીય ખેલાડી છે, જેને આઈસીસીની બંને ટીમમાં સ્થાન મળ્યું છે. 

આઈસીસીએ(ICC) મંગળવારે 'ટીમ ઓફ ધ યર' (Team of the Year) અને 'પ્લેયર ઓફ ધ યર'ની (Player of the Year) જાહેરાત કરી હતી. ઓસ્ટ્રેલિયાની એલિસ પેરીને(Ellis Perry) 'મહિલા ક્રિકેટર ઓફ ધ યર-2019' (Woman Cricketer of the Year-2019) પસંદ કરવામાં આવી છે. તેને રાચેલ હેવો ફ્લિન્ટ એવોર્ડ એનાયત કરાયો છે. આ એવોર્ડ ગયા વર્ષે સ્મૃતિ મંધાનાને મળ્યો હતો. એલિસ હીલીને આઈસીસીની 'વન ડે પ્લેયર ઓફ ધ યર'નો(One Day Player of the Year) એવોર્ડ પણ અપાયો છે. 

દિપ્તી અને રાધા ટી20 ટીમમાં
ભારતીય ખેલાડીઓમાં સ્મૃતિ મંધાના વર્ષની વન ડે અને ટી20 બંને ટીમમાં સ્થાન મળ્યું છે. આ ઉપરાંત શિખા પાંડે, ઝુલન ગોસ્વામી અને પૂનમ પાંડે 'આઈસીસી વન ડે ટીમ ઓફ ધ યર'માં સ્થાન મેળવવામાં સફળ રહી છે. દિપ્તી શર્મા અને રાધા યાદવને 'આઈસીસી ટી20 ટીમ ઓફ ધ યર'માં(ICC T20 Team of the Year) સ્થાન અપાયું છે. 

મેગ લેનિંગ બંને ટીમની કેપ્ટન
ઓસ્ટ્રેલિયાની મેગ લેનિંગને(Meg Laning) વનડે અને ટી20 ટીમ ઓફ ધ યરની કેપ્ટન(Captain) બનાવાઈ છે. વન ડે ટીમમાં સૌથી વધુ 5 ખેલાડી (મેગ લેનિંગ, એલિસા હીલી, જેસ જોનાસેન, મેગન શટ, એલિસ પેરી) ઓસ્ટ્રેલિયાની છે.  આ ટીમમાં ભારતની 4 અને ઈંગ્લેન્ડ તથા વેસ્ટ ઈન્ડીઝની 1-1 ખેલાડીને સ્થાન મળ્યું છે. ટીમમાં ઈંગ્લેન્ડની તમસિન બ્યૂમોન્ટ, વેસ્ટ ઈન્ડીઝની સ્ટેફની ટેલરનો સમાવેશ થાય છે.

આઈસીસી વુમન્સ વનડે ટીમ ઓફ ધ યર(બેટિંગ ઓર્ડરમાં):
એલિસા હીલી, સ્મૃતિ મંધાના, તમસિન બ્યૂમોન્ટ, મેગ લેનિંગ(કેપ્ટન), સ્ટેફની ટેલર, એલિસ પેરી, જેસ જોનાસેન, શિખા પાંડે, ઝૂલન ગોસ્વામી, મેગન શટ, પૂનમ યાદવ.

આઈસીસી વુમન્સ ટી20 ઓફ ધ યર(બેટિંગ ઓર્ડરમાં): 
એલિસા હીલી, ડેનિએલ વ્યાટ, મેગ લેનિંગ(કેપ્ટન), સ્મૃતિ મંધાના, લિજેલ લી, એલિસ પેરી, દિપ્તિ શર્મા, નિદા ડાર, મેગન શટ, શબનમ ઈસ્માઈલ, રાધા યાદવ.