દક્ષિણ આફ્રિકાના દિગ્ગજ ખેલાડી હાશિમ અમલાએ આંતરરાષ્ટ્રીય ક્રિકેટમાંથી લીધો સન્યાસ

જોહાનિસબર્ગઃ દક્ષિણ આફ્રિકાના દિગ્ગજ બેટ્સમેન હાશિમ અમલાએ ગુરૂવારે આંતરરાષ્ટ્રીય ક્રિકેટને અલવિદા કહી દીધી. હાશિમ અમલાએ ઘરેલુ ક્રિકેટમાં રમવાનું ચાલુ રાખવાની જાહેરાત કરી છે. 15 વર્ષની આંતરરાષ્ટ્રીય ક્રિકેટ કારકિર્દીમાં હાશિમ અમલાએ દક્ષિણ આફ્રિકા માટે ક્રિકેટના ત્રણેય ફોર્મેટમાં કુલ 349 મેચમાં 18,672 રન બનાવ્યા છે. જેમાં 55 સદી અને 88 અડધી સદીનો સમાવેશ થાય છે. 

દક્ષિણ આફ્રિકાના મહાન ઓપનિંગ બેટ્સમેન હાશિમ અમલાએ તાત્કાલિક અસરથી આંતરરાષ્ટ્રીય ક્રિકેટમાંથી સન્યાસ લેવાની જાહેરાત કરી છે. ક્રિકેટ સાઉથ આફ્રિકાના આધિકારિક ટ્વીટર પર આ જાહેરાત કરાઈ છે. ટ્વીટરમાં કહેવાયું છે કે, હાશિમ અમલા ઘરેલુ ક્રિકેટ અને માંઝી સુપર લીગમાં રમતો રહેશે. હાશીમ અમલા ટેસ્ટ ક્રિકેટમાં ત્રેવડી સદી ફટકારનારો દક્ષિણ આફ્રિકાનો એકમાત્ર બેટ્સમેન છે. વર્ષ 2010 અને 2013માં હાશિમ અમલાને 'ક્રિકેટર ઓફ ધ યર'નો એવોર્ડ પણ અપાયો હતો. 

#BreakingNews @amlahash today called time on one of the great international careers of the modern era when he announced his retirement from all formats of international cricket. He will continue to be available for domestic cricket as well as the Mzansi Super League. #AmlaRetires pic.twitter.com/l9qgnt0661

— Cricket South Africa (@OfficialCSA) August 8, 2019

અમલાએ એક નિવેદનમાં જણાવ્યું કે, "દક્ષિણ આફ્રિકા સાથે આ શાનદાર સફર માટે હું સૌનો આભાર માનું છું. આ અવિશ્વસનિય સફરમાં મેં ઘણું બધું શીખ્યું છે. પોતાના પ્રેમ અને સમર્થન માટે હું મારા માતા-પિતાનો પણ આભાર માનવા માગું છું. જેમના આશિર્વાદના કારણે જ હું આટલા વર્ષો સુધી દક્ષિણ આફ્રિકાની ક્રિકેટ ટીમમાં રમી શક્યો છું."

In an international career that was spread over 15 years he played 349 matches across the three formats for the Standard Bank Proteas, making more than 18 000 runs, including 55 centuries and 88 other scores in excess of 50. #ThankYouHash pic.twitter.com/RmUC1bKA6K

— Cricket South Africa (@OfficialCSA) August 8, 2019

ટેસ્ટમાં તેનો સર્વશ્રેષ્ઠ સ્કોર 311 નોટ આઉટ રનનો છે. અમલાનો વન-ડેમાં સર્વશ્રેષ્ઠ સ્કોર 159 રન અને ટી-20માં સર્વશ્રેષ્ઠ સ્કોર 97 રનનો છે. 

હાશિમ અમલાએ ડિસેમ્બર, 2004માં કોલકાતામાં ભારત સામે ટેસ્ટમાં પદાર્પણ કર્યું હતું. તેણે આ વર્ષે ફેબ્રુઆરીમાં પોર્ટ એલિઝાબેથમાં શ્રીલંકા સામે અંતિમ ટેસ્ટ રમી હતી. આ ઉપરાંત તેણે 2008માં ચટગાંવમાં બાંગ્લાદેશ સામે વન ડેમાં પદાર્પણ કર્યું હતું. તેણે ચાલુ વર્ષે જાન્યુઆરીમાં ચેસ્ટર લી સ્ટ્રીટમાં શ્રીલંકા સામે પોતાની અંતિમ વન ડે મેચ રમી હતી. 

“The fans for energizing me when times were tough, and for celebrating with me when we succeeded together. Siyabonga South Africa!" - @amlahash #AmlaRetires #ProteaFire #ThankYouHash pic.twitter.com/V9j5IzyQFu

— Cricket South Africa (@OfficialCSA) August 8, 2019

હાશિમ અમલાનો ઈન્ટરનેશનલ રેકોર્ડ 
ટેસ્ટઃ 124 મેચ, 215 ઈનિંગ્સ, 15 વખત નોટ આઉટ, કુલ 9282 રન, સર્વશ્રેષ્ઠ 311 રન, 46.41ની સરેરાશ, 49.97નો સ્ટ્રાઈક રેટ, 28 સદી, 41 અડધી સદી. 

વન ડેઃ 181 મેચ, 178 ઈનિંગ્સ, 14 વખત નોટ આઉટ, કુલ 8113 રન, સર્વશ્રેષ્ઠ 159 રન, 49.57ની સરેરાશ, 88.39નો સ્ટ્રાઈક રેટ, 27 સદી, 39 અડધી સદી.

ટી-20: 44 મેચ, 44 ઈનિંગ્સ, 6 વખત નોટ આઉટ, કુલ 1277 રન, સર્વશ્રેષ્ઠ 97 રન, 33.61ની સરેરાશ, 132.06નો સ્ટ્રાઈક રેટ, 8 અડધી સદી.

He has made South Africa’s only Test triple century to date and has made the highest Test scores for his country against England, India and the West Indies and the highest against Australia in the post-unity period.#ThankYouHash#ProteaFire#AmlaRetires pic.twitter.com/YuogFjUQKg

— Cricket South Africa (@OfficialCSA) August 8, 2019

જૂઓ LIVE TV.....