Vinesh Phogat: 'પાણીમાં કંઈક ભેળવીને પીવળાવી ન દે.. વિનેશે 4 મહિના પહેલા વ્યક્ત કરી હતી ષડયંત્રની આશંકા!

Vinesh Phogat News: વિનેશ ફોગાટે એપ્રિલ 2024માં એક પોસ્ટ કરી હતી. જેમાં તેણે ખુદની વિરુદ્ધ ષડયંત્ર થવાની આશંકા વ્યક્ત કરી હતી. હવે વિનેશને વધુ વજન હોવાને કારણે પેરિસ ઓલિમ્પિકમાંથી અયોગ્ય જાહેર કરવામાં આવી છે.

Vinesh Phogat News: ભારતની મહિલા રેસલર વિનેશ ફોગાટનું વજન વધુ હોવાને કારણે તે ઓલિમ્પિકમાં આજે રેસલિંગની ફાઈનલ મેચ રમી શકશે નહીં. વિનેશ ફોગાટ મેડલથી વંચિત રહી હઈ છે. ભારતીય કિસાન યુનિયનના નેતા રાકિશ ટિકૈતે તેની પાછળ કોઈ ષડયંત્ર ગણાવ્યું છે. કંઈક આવી આશંકા ખુદ વિનેશ ફોગાટે આશરે 4 મહિના પહેલા વ્યક્ત કરી હતી. 

એપ્રિલ 2024માં વિનેશે કરી હતી પોસ્ટ
વિનેશ ફોગાટે 9 એપ્રિલે સોશિયલ મીડિયા પ્લેટફોર્મ એક્સ પર એક પોસ્ટ કરી હતી. તેણે લખ્યું- બૃજભૂષણ અને તેના દ્વારા બેસાડવામાં આવેલ ડમી સંજય સિંહ દરેક રીતે પ્રયાસ કરી રહ્યાં છે કે મને ઓલિમ્પિકમાં રમવાથી રોકવામાં આવે. જે ટીમની સાથે કોચ લગાવવામાં આવ્યા છે, તે બધા બૃજભૂષણ અને તેની ટીમના ખાસ છે. તે વાતથી ઈનકાર ન કરી શકાય કે મારી મેચ દરમિયાન મારા પાણીમાં કંઈક મિક્સ કરી પીવળાવી દેવામાં ન આવે? જો હું કહું તો મને ડોપમાં ફસાવી દેવાનું ષડયંત્ર થઈ શકે છે, તો ખોટું નહીં હોય. આ પોસ્ટ વિનેશની છે, જેમાં તેણે ષડયંત્રની શંકા વ્યક્ત કરી હતી. 

19th अप्रैल को एशियन ओलम्पिक क्वालीफाई टूर्नामेंट शुरू होने जा रहा है। मेरे द्वारा लगातार एक महीने से भारत सरकार (SAI,TOPS) सभी से मेरे कोच और फिजियो की ACCREDITATION (मान्यता) के लिए रिक्वेस्ट की जा रही है। ACCREDITATION के बिना मेरे कोच और फिजियो का मेरे साथ कम्पटीशन ARENA में…

— Vinesh Phogat (@Phogat_Vinesh) April 12, 2024

ત્યારે બૃજભૂષણ વિરુદ્ધ કર્યું હતું પ્રદર્શન
મહત્વનું છે કે વિનેશ ફોગાટે આ પોસ્ટ ત્યારે કરી હતી, જ્યારે ભારતીય કુશ્તી મહાસંઘના તત્કાલીન અધ્યક્ષ બૃજભૂષણ શરણ સિંહ સાથે તેનો વિવાદ ચાલી રહ્યો હતો. આ દરમિયાન તેણે બૃજભૂષણ શરણ સિંહ પર યૌન શોષણનો આરોપ લગાવ્યો હતો. ત્યારે ભારતના ઘણા રેસલરોએ વિરોધ પ્રદર્શન કર્યું હતું. તેમાં બજરંગ પૂનિયા અને સાક્ષી મલિક પણ સામેલ હતા. 

વિનેશના સસરાએ લગાવ્યા ષડયંત્રના આરોપ
વિનેશ ફોગાટના સસરાએ પણ ષડયંત્રનો આરોપ લગાવ્યો છે. તેમનો દાવો છે કે વિનેશની સાથે રાજનીતિ ચાલી રહી છે. તેમણે કહ્યું- કેટલાક લોકો શરૂઆતથી વિનેશની પાછળ લાગેલા છે કે તેને કઈ રીતે હરાવવામાં આવે. વિનેશને મેટ પર ન હરાવી શક્યા, તેથી રાજનીતિ કરી નીચે લાવવાનો પ્રયાસ કરી રહ્યાં છે. જો વજન 100 ગ્રામ વધુ હતું તો 10 મિનિટનો સમય આપવો હતો. પરંતુ ષડયંત્ર દ્વારા આ કરવામાં આવી રહ્યું છે. તેને ષડયંત્ર દ્વારા બહાર કરવામાં આવી રહી છે. 

આ પણ વાંચોઃ વજનને કારણે અયોગ્ય જાહેર થનાર વિનેશને મળશે કોઈ મેડલ? જાણો શું કહે છે રેસલિંગના નિયમ

100 ગ્રામ વજને તોડ્યું 140 કરોડ ભારતીયોનું સપનું!
માત્ર 100 ગ્રામ વધારે વજન હોવાને કારણે રેસલર વિનેશ ફોગાટ ઓલિમ્પિક મેડલની રેસમાંથી બહાર ફેંકાઈ હોવાનું સામે આવ્યું છે. આ વાત માન્યામાં આવે એવી નથી, કે રાતોરાત કઈ રીતે વધી ગયું વજન. પરંતુ કમિટીએ પોતાનો આદેશ સંભળાવી દીધો છે. ભારતીય ઓલિમ્પિક સંઘ દ્વારા આ આઘાતજનક સમાચારોની પુષ્ટિ કરવામાં આવી છે