10 રણજી ફાઇનલ, 10 ટાઇટલ, જાફરનો રેકોર્ડ શાનદાર

વસીમ જાફરે પોતાના ફર્સ્ટ ક્લાસ કરિયરમાં 10 વખત રણજી ટ્રોફીની ફાઇનલ જીતી છે. તેણે મુંબઈ માટે 8 અને વિદર્ભ માટે બે ફાઇનલ રમી અને તમામમાં તેની ટીમ વિજયી બની છે.

નવી દિલ્હીઃ ગુરૂવારે વિદર્ભે સૌરાષ્ટ્રને 78 રનથી હરાવીને સતત બીજીવાર રણજી ટ્રોપી પર કબજો કર્યો હતો. વિદર્ભના ઓપનિંગ બેટ્સમેન વસીમ જાફરનું આ 10મું રણજી ટાઇટલ હતું. તે 10 કે તેથી વધુ રણજી ટાઇટલ જીતનાર પાંચમો ભારતીય ખેલાડી બની ગયો છે. 

મુંબઈના અશોક માંકડ સૌથી વધુ 12 રણજી ટ્રોફી જીતનારી ટીમમાં રહ્યાં છે. તો મુંબઈના અજીત વાડેકર (11), મનોહર હાર્દિકર (11) અને દિલીપ સરદેસાઈ (10) આ લિસ્ટમાં સામેલ છે. જાફર 10 વખત રણજી ટ્રોફીની ફાઇનલમાં પહોંચનાર ટીમનો સભ્ય રહ્યો છે અને દર વખતે તેની ટીમે ટાઇટલ જીત્યું છે. 

જાફર 1996-1997થી 2012-2013 વચ્ચે 8 વખત રણજી ટ્રોફી જીતનારી મુંબઈની ટીમનો સભ્ય હત અને હવે સતત બે વાર તેણે વિદર્ભને ચેમ્પિયન બનાવવામાં મહત્વની ભૂમિકા ભજવી હતી. આ સીઝનમાં તેણે 11 મેચોમાં 4 સદી ફટકારી અને 69.13ની એવરેજથી 1037 રન બનાવ્યા હતા. 

Wasim Jaffer's teams in #RanjiTrophyFinal:

Mumbai
1996-97: Won
1999-00: Won
2002-03: Won
2003-04: Won
2006-07: Won
2008-09: Won
2009-10: Won
2012-13: Won

Vidarbha
2017-18: Won
2018-19: Won

10 finals. 10 titles.

— Bharath Seervi (@SeerviBharath) February 7, 2019

ફર્સ્ટ ક્લાસ ક્રિકેટમાં વસીમના 252 મેચોમાં 19147 રન
આ પહેલા વિદર્ભે સૌરાષ્ટ્રને ફાઇનલમાં 78 રનથી હરાવીને સતત બીજીવાર રણજી ટ્રોફીનો ખિતાબ જીત્યો હતો. વિદર્ભે સૌરાષ્ટ્ર વિરુદ્ધ ટાઇટલ જાળવી રાખવા માટે અંતિમ દિવસે 5 વિકેટની જરૂર હતી. બીજીતરફ જીત માટે 206 રનના લક્ષ્યનો પીછો કરી રહેલી સૌરાષ્ટ્રની ટીમને 148 રનની જરૂર હતી. વિદર્ભ તરફથી આદિત્ય સરવટેએ મેચમાં સૌથી વધુ 11 વિકેટ ઝડપી હતી.