ગજબ: 29 બોલમાં 106 રન... 11 સિક્સર અને 8 ચોગ્ગા, T20 ક્રિકેટમાં ભારતના આ ખૂંખાર બેટ્સમેનનો તહેલકો

Abhishek Sharma: ભારતનો એક ખૂંખાર બેટ્સમેને ક્રિકેટના મેદાન પર એક વખત એવી ભીષણ તબાહી મચાવી હતી કે, વિરોધી ટીમના બોલરો દયાની ભીખ માંગતા જોવા મળતા હતા. ભારતના આ બેટ્સમેને T20 ક્રિકેટમાં 28 બોલમાં સદી ફટકારીને તહેલકો મચાવી દીધો હતો. ભારતના 24 વર્ષીય વિસ્ફોટક ઓપનર અભિષેક શર્માએ T20 ક્રિકેટમાં આ મહારેકોર્ડ બનાવ્યો છે. અભિષેક શર્માએ 5 ડિસેમ્બર 2024ના રોજ મેઘાલય સામે સૈયદ મુશ્તાક અલી T20 ટ્રોફી 2024 ટુર્નામેન્ટની મેચ દરમિયાન 28 બોલમાં સદી ફટકારી હતી.

ભારતના આ ખૂંખાર બેટ્સમેને 28 બોલમાં ફટકારી સદી
અભિષેક શર્માએ 28 બોલમાં સદી ફટકારીને T20 ક્રિકેટના ઇતિહાસમાં ભારતીય દ્વારા બનાવેલા સૌથી ઝડપી સદીના રેકોર્ડની બરાબરી પણ કરી. તમને જણાવી દઈએ કે, અભિષેક શર્માના આ પરાક્રમ પહેલા 27 નવેમ્બર 2024ના રોજ ગુજરાતના બેટ્સમેન ઉર્વિલ પટેલે ત્રિપુરા સામે 28 બોલમાં સદી ફટકારી હતી. ઉર્વિલ પટેલે આ મેચમાં 35 બોલમાં 113 રનની અણનમ ઇનિંગ રમી હતી. ઉર્વિલ પટેલની ઇનિંગમાં 12 સિક્સર અને 7 ચોગ્ગાનો સમાવેશ થતો હતો. આ સમયગાળા દરમિયાન ઉર્વિલ પટેલનો સ્ટ્રાઇક રેટ 322.85 હતો.

અભિષેક શર્માએ દોહરાવ્યો ઈતિહાસ
અભિષેક શર્માએ ઉર્વિલ પટેલની સિદ્ધિનું પુનરાવર્તન કર્યું. અભિષેક શર્માએ પંજાબ તરફથી રમતા મેઘાલય સામે સૈયદ મુશ્તાક અલી T20 ટ્રોફી 2024 ટુર્નામેન્ટની મેચમાં 28 બોલમાં સદી ફટકારી હતી. મેઘાલય સામેની મેચમાં અભિષેક શર્માએ 29 બોલમાં 106 રનની અણનમ ઇનિંગ રમી હતી. અભિષેક શર્માની ઇનિંગમાં 11 છગ્ગા અને 8 ચોગ્ગાનો સમાવેશ થતો હતો. આ સમયગાળા દરમિયાન અભિષેક શર્માનો સ્ટ્રાઇક રેટ 365.51 હતો.

T20 ક્રિકેટમાં સૌથી ઝડપી સદીનો વર્લ્ડ રેકોર્ડ
T20 ક્રિકેટમાં સૌથી ઝડપી સદી ફટકારવાનો વર્લ્ડ રેકોર્ડ ભારતીય મૂળના એસ્ટોનિયન ક્રિકેટર સાહિલ ચૌહાણના નામે છે. હાલમાં T20 ક્રિકેટ અને T20 આંતરરાષ્ટ્રીય ક્રિકેટમાં સૌથી ઝડપી સદી ફટકારવાનો વર્લ્ડ રેકોર્ડ સાહિલ ચૌહાણના નામે છે. 17 જૂન 2024ના રોજ સાયપ્રસ સામેની T20 આંતરરાષ્ટ્રીય મેચમાં એસ્ટોનિયાના સાહિલ ચૌહાણે 27 બોલમાં સદી ફટકારી હતી. સાહિલ ચૌહાણે 41 બોલમાં 144 રનની અણનમ ઇનિંગ રમી હતી. સાહિલ ચૌહાણની ઇનિંગમાં 18 છગ્ગા અને 6 ચોગ્ગાનો સમાવેશ થતો હતો. આ સમયગાળા દરમિયાન સાહિલ ચૌહાણનો સ્ટ્રાઇક રેટ 351.21 હતો. આ રેકોર્ડ સાથે સાહિલ ચૌહાણે IPLમાં 30 બોલમાં સદી ફટકારનારા ક્રિસ ગેઇલના અગાઉના રેકોર્ડને પણ પાછળ છોડી દીધો છે. સાહિલ ચૌહાણે પુરુષોની T20 આંતરરાષ્ટ્રીય મેચમાં સૌથી વધુ છગ્ગા ફટકારવાનો રેકોર્ડ પણ બનાવ્યો, તેણે પોતાની ઇનિંગમાં 18 છગ્ગા ફટકાર્યા હતા.