World Cup 2019: આ ટીમે હારી સૌથી વધુ મેચ, બની ગયો શરમજનક રેકોર્ડ

નવી દિલ્હીઃ વિશ્વ કપ 2019મા એક ટીમનો એવો હાલ થયો કે તેણે એક પણ પોઈન્ટ મેળવ્યો નથી. વિશ્વ કપની 12મી અને પોતાની બીજી સિઝન રમનારી અફઘાનિસ્તાને 9 લીગ મેચ રમી અને તમામમાં તેનો પરાજય થયો. આ રીતે વિશ્વ કપ 2019ના પોઈન્ટ ટેબલમાં અફઘાનિસ્તાન અંતિમ સ્થાનથી ક્યારેય ઉપર ન આવી કારણ તે ન તો અફઘાનિસ્તાન કોઈ મેચ જીત્યું ન તો તેની કોઈ મેચ રદ્દ થઈ. 

અફઘાનિસ્તાનની હારના ઘણા કારણ હોઈ શકે છે પરંતુ અફઘાનિસ્તાને વિશ્વ કપની એક સિઝનમાં સૌથી વધુ મેચ હારવાનો શરમજનક રેકોર્ડ પોતાના નામે કરી લીધો છે. વિશ્વ કપ પહેલા અફઘાનિસ્તાન ટીમનો કેપ્ટન બનાવવામાં આવેલ ગુલબદીન નાઈબની આગેવાનીમાં અફઘાની ટીમ એટલું ખરાબ પ્રદર્શન કર્યું કે, ટીમ સતત નવ મેચ હારી ગઈ છે. આ પહેલા એક વિશ્વકપમાં કોઈ ટીમ સતત આટલી મેચ હારી નથી. 

અફઘાનિસ્તાન પહેલા શ્રીલંકા, ઝિમ્બાબ્વે અને કેન્યા જેવી ઘણી ટીમ વિશ્વ કપની એક સિઝનમાં 6-6 મેચ હારી છે. પરંતુ વિશ્વકપના ઈતિહાસમાં પ્રથમ વખત બન્યું કે, એક ટીમ સતત 9 મેચ હારી છે. મહત્વનું છે કે, અફઘાનિસ્તાને વિશ્વ કપના ઈતિહાસમાં અત્યાર સુધી 15 મેચ રમી છે, જેમાંથી તેણે એક મેચ માત્ર 2015ના વિશ્વ કપમાં જીત્યું હતું. 

અફઘાનિસ્તાને વર્ષ 2015ના વિશ્વ કપમાં પોતાની ત્રીજી મેચ જીતી હતી. મોહમ્મદ નબીની આગેવાનીમાં નબીની આગેવાનીમાં અફઘાનિસ્તાને ઝિમ્બાબ્વેને એક વિકેટથી પરાજય આપ્યો હતો. વિશ્વ કપની ત્રીજી મેચ જીત્યા બાદ અફઘાનિસ્તાનની ટીમે 12 મેચ રમી છે અને તેણે 12 મેચોમાં અફઘાની ટીમ તમામ મેચ હારી છે. આ વર્ષે તો વધુ ખરાબ પ્રદર્શન રહ્યું છે. 

એક વિશ્વ કપમાં સૌથી વધુ મેચ હારનારી ટીમ 

અફઘાનિસ્તાન 9 મેચ વર્ષ 2019

શ્રીલંકા 6 મેચ વર્ષ 987

ઝિમ્બાબ્વે 6 મેચ વર્ષ 1987

નામીબિયા 6 મેચ વર્ષ 2011 

કેન્યા 6 મેચ વર્ષ 2011

વિશ્વ કપમાં સતત મેચ હારનારી ટીમ

સતત 18 હાર ઝિમ્બાબ્વે (1983થી 1992 વિશ્વ કપ)

સતત 14 હાર સ્કોટલેન્ડ (1999થી 2015 વિશ્વકપ)

સતત 12 હાર અફઘાનિસ્તાન (2015 થી 2019 વિશ્વ કપ)