WPL 2025 નો કાર્યક્રમ જાહેર, વડોદરા સહિત 4 શહેરોમાં રમાશે ટૂર્નામેન્ટની 22 મેચ

WPL 2025 Schedule: મહિલા પ્રીમિયર લીગ 2025 એટલે કે WPL 2025 નો કાર્યક્રમ જાહેર કરી દેવામાં આવ્યો છે. ટૂર્નામેન્ટની શરૂઆત 14 ફેબ્રુઆરીથી થશે.

Womens Premier League 2025 Schedule: ભારતીય ક્રિકેટ કંટ્રોલ બોર્ડ તરફથી મહિલા પ્રીમિયર લીગ 2025 નો કાર્યક્રમ જાહેર કરી દેવામાં આવ્યો છે. ટૂર્નામેન્ટની શરૂઆત 14 ફેબ્રુઆરીથી થશે, જ્યારે ફાઈનલ મેચ 15 માર્ચે રમાશે. આ વખતે ટૂર્નામેન્ટનું આયોજન ચાર શહેરોમાં થશે. મહિલા પ્રીમિયર લીગમાં પાંચ ટીમો વચ્ચે કુલ 22 મેચ રમાશે.

વડોદરા સહિત આ જગ્યાએ રમાશે મેચ
મહિલા પ્રીમિયર લીગ 2025નું આયોજન ચાર સ્થળો પર થશે. મુંબઈ, લખનૌ, બેંગલુરૂ અને વડોદરામાં ટૂર્નામેન્ટની 22 મેચ રમાશે. મહિલા પ્રીમિયર લીગમાં 14 ફેબ્રુઆરીથી 11 માર્ચ સુધી લીગ રાઉન્ડની મેચ રમાશે. બેંગલુરૂમાં આગામી સીઝનની સૌથી વધુ મેચનું આયોજન થશે. બેંગલુરૂમાં 8 મેચ, વડોદરામાં 6 મેચ, લખનૌમાં 4 મેચ અને મુંબઈમાં પ્લેઓફ સિવાય લીગ સ્ટેજની બે મેચ રમાશે.

4⃣ Cities
5⃣ Teams
2⃣2⃣ Exciting Matches

Here's the #TATAWPL 2025 Schedule 🔽

𝗠𝗮𝗿𝗸 𝗬𝗼𝘂𝗿 𝗖𝗮𝗹𝗲𝗻𝗱𝗮𝗿𝘀 🗓️ pic.twitter.com/WUjGDft30y

— Women's Premier League (WPL) (@wplt20) January 16, 2025

આ વખતે ટૂર્નામેન્ટની પ્રથમ મેચ ડિફેન્ડિંગ ચેમ્પિયન રોયલ ચેલેન્જર્સ બેંગલુરૂ અને ગુજરાત જાયન્ટ્સ વચ્ચે રમાશે. આ મેચનું આયોજન વડોદરામાં થશે. તો ફાઈનલ મેચ મુંબઈમાં રમાશે.