Whatsapp: ટેન્શન ના લેશો! વોટ્સએપ પર ભૂલથી કોઈને મેસેજ થઈ ગયો છે SEND, Delete માટે આટલો મળશે સમય

Whatsapp શું તમારાથી વોટ્સએપ પર ભૂલથી કોઈને મેસેજ સેન્ડ થઈ ગયો છે. તો હવે તમે એ મેસેજને બે દિવસ પછી પણ ડીલીટ કરી શકશો. શું છે આ નવું ફિચર આવો જાણીએ.

વોટ્સએપ પોતાના યુઝરના એક્સિપિરિયન્સને વધુ સારો બનાવવા માટે નવા નવા અપડેટ લાવતું રહે છે. હવે આમ જ વોટ્સએપ એક નવું અપડેટ લાવ્યું છે. લેટેસ્ટ રિપોર્ટ અનુસાર, મેટાની આ ઈન્સ્ટન્ટ મેસેજિંગ એપ ડિલિટ મેસેજ ફોર એવરીવન ફિચર માટે અપડેટ લાવી રહ્યું છે. જેના થકી વપરાશકર્તા લાંબા સમય બાદ પણ મેસેજને ડિલિટ ફોર એવરિવન કરી શકશે. વોટ્સએપનું આ નવું ફિચર હાલ તો કેટલાક બીટા ટેસ્ટર માટે જ ઉપલબ્ધ કરાવાયું છે. આને લઈને WA બીટા ઈન્ફોએ રિપોર્ટ કર્યો છે. આપને જણાવી દઈએ કે WA બીટા ઈન્ફો વોટ્સએપના અપકમિંગ ફીચર પર નજર રાખે છે. 

આનાથી યુઝરને વોટ્સએપમાં થનારા લેટેસ્ટ ફેરફાર વિશે પૂરી જાણકારી મળી જાય છે. વોટ્સએપનું આ નવું ફિચર ઘણા લોકો માટે ખૂબ જ ફાયદાકારક સાબિત થશે. કંપનીનું ડિલિટ ફોર એવરીવન ફિચર એક કલાક આઠ મીનિટ અને સોળ સેકન્ડની લિમીટ સાથે આવે છે. હવે જે અપડેટ આવશે તેની ટાઈમ લીમીટ વધારી દેવાઈ છે. રિપોર્ટ અનુસાર, આની ટાઈમ લીમીટ વધારીને બે દિવસ અને બાર કલાક કરી દેવામાં આવી છે. આને લઈને WA બિટા ઈન્ફોએ સ્ક્રિનશોટ પણ શેર કર્યો છે. 

જુઓ લાઈવ ટીવી

આપને જણાવી દઈએ કે આ ફિચર હાલતો સિલેક્ટેડ બિટા ટેસ્ટર માટે જ ઉપલબ્ધ છે પણ જો બધું બરાબર રહ્યું તો કંપની આને જલ્દી જ તમામ યુઝર માટે જાહેર કરી દેશે. જો કે કંપની તરફથી આ વિશે કોઈ આધિકારીક જાણકારી નથી આપવામાં આવી. આ સિવાય પણ વોટ્સએપ ઘણા બીજા ફિચર્સ પર કામ કરી રહ્યું છે. જેનાથી યુઝરને સરસ મેસેજિંગ એક્સપિરિયન્સ મળી શકશે. આમાં એક ફિચર એવું છે કે તમે સિલેક્ટેડ લોકોને તમે ઓનલાઈન છો તે બતાવી શકો.