Airtelની ધમાકેદાર દિવાળી ઓફર, દરેક યુઝરને મળશે 2000 રૂ.નો ફાયદો

દિવાળીના પ્રસંગે અલગઅલગ કંપની જબરદસ્ત ઓફર્સ આપી રહી છે

નવી દિલ્હી : હાલમાં દિવાળી નજીક છે ત્યારે અલગઅલગ કંપનીઓ જાતજાતના ઓફર્સ આપી રહી છે. હાલમાં ટેલિકોમ કંપની એરટેલ (Airtel) દ્વારા પોતાના કરોડો ગ્રાહક માટે ફેસ્ટિવ ઓફર લોન્ચ કરી છે. એરટેલના દાવા પ્રમાણે આ ફેસ્ટિવ ઓફરમાં દરેક યુઝરને 2000 રૂ. સુધીનો ફાયદો થશે. આ ઓફરનો ફાયદો એ યુઝર્સને જ મલશે જે નવો 4G સ્માર્ટફોન ખરીદશે. એરટેલની પ્રેસ રિલીઝ પ્રમાણે જે વપરાશકાર નવો 4G સ્માર્ટફોન ખરીદશે તેમને 2000 રૂ. કેશબેક તરીકે આપવામાં આવશે. 

આ કેશબેક એરટેલ મોબાઇલ એપ 'MyAirtel' મારફતે ગ્રાહકના એકાઉન્ટમાં જમા થઈ જશે. એરટેલની ઓફર પ્રમાણે ગ્રાહકોને આ કેશબેક કુપન તરીકે મળશે. યુઝરના એકાઉન્ટમાં 40 કુપન જમા કરી દેવામાં આવશે જેમાં દરેક કુપનની કિંમત 50 રૂ. હશે. યુઝર્સ આ ડિજિટલ કુપનનો ઉપયોગ 199 રૂ. કે એનાથી વધારે કિંમતના પ્રીપેઇડના રિચાર્જ માટે કરવામાં આવશે. જોકે, એક રિચાર્જ વખતે એક જ કુપનનો ઉપયોગ કરી શકાશે.  

આ ઓફરનો લાભ ઉઠાવવા માટે ગ્રાહકોએ નવા 4G હેન્ડસેટમાં એરટેલનું 4G સીમ લગાવવું પડશે. આ સીમ 31 ઓક્ટોબર, 2018 પહેલાં લગાવવું પડશે. નવા 4G ફોનમાં એરટેલનું 4G સીમ લગાવશો કે તરત તમારા એકાઉન્ટમાં ઓટોમેટિક 2000 રૂ.ની કેશબેક આવી જશે. ગ્રાહક આ ઓફરનો લાભ માય એરટેલ એપ, એરટેલ TV અને વિંક મ્યુઝિકના માધ્યમથી મળશે.